muslim.uz
МАХСУС РЕПОРТАЖ | ИМОМ - ХАТИБЛАР УЧУН МАЛАКА ОШИРИШ ЎҚУВЛАРИ
Манба: O’zbekiston24 телеканали
Қабул давомида шажара лойиҳалари намойиш этилди
Бугун, 27 сентябрь куни Ўзбекистон мусулмонлари идораси раисининг биринчи ўринбосари Ҳомиджон домла Ишматбеков фуқароларни қабул қилиб, уларнинг мурожаат ва таклиф-мулоҳазаларини тингладилар.
Мазкур қабул жараёнида фуқаролар томонидан билдирилган шаръий масалалар, масжидлар қуриш, оилавий муносабатлар, моддий ёрдам ва соҳани ривожлантиришга оид масалалар атрофлича ўрганилиб, масъулларга қисқа муддатларда ҳал этиш юзасидан топшириқ берилди.
Бугунги қабул давомида Фарғона, Андижон, Сирдарё, Бухоро, Хоразм, Қашқадарё ва Сурхондарё вилоятлари ҳамда Тошкент шаҳридан келган ҳар бир фуқаронинг муаммо ва таклифлари эшитилиб, уларнинг ечими бўйича амалий чоралар кўрилди.
Эътиборлиси, бир неча ўн йиллардан буён изланишлари натижасида Асқар Абидов томонидан ишлаб чиқилган “Мозийдан садо” номли шажара лойиҳаси ва тариқат силсиласининг олтин занжири асосчилари ва давомчилари номли кўргазма асарлари намойиш этилди. Шунингдек, муаллиф мазкур соҳани ривожлантириш бўйича ўз фикр ва мулоҳазаларини билдириш баробарида фаолиятлари тараққий этишини сўраб дуо олди.
Ана шундай қабул жараёнлари Ўзбекистон мусулмонлари идорасининг ҳудудлардаги вакилликлари ва барча жоме масжидларда ҳафтанинг ҳар чоршанба куни имом-домлалар томонидан ҳам амалга оширилмоқда.
Ўзбекистон мусулмонлари идораси
Матбуот хизмати
"Мавлид ҳадялари" сабаб кўнгиллар шод бўлмоқда
Маълумки, Робиъул аввал Расулуллоҳ соллаллоҳу алайҳи васаллам таваллад топган ой ҳисобланиб, мусулмон оламида бу ой ўзгача шукуҳ ва кайфиятда ўтказилади. Бу ойда ихлосли мўмин-мусулмонлар пайғамбаримиз алайҳиссаломнинг сийратлари ва суннатларига эргашиб, гўзал ахлоқлар занжирини мустаҳкамлайдилар.
Очни тўйдириш, ёлғиз ва кексалар ҳолидан хабар олиш, етимпарварлик, ўзларида борини бошқаларга улашиш, муҳтожларга кўмак бериш, беморларни зиёрат қилиш, бир сўз билан айтганда, кўнгил олиш суюкли пайғамбаримиз алайҳиссаломнинг одатлари эди.
Таъкидлаш лозимки, Ўзбекистон мусулмонлари идораси раиси, муфтий ҳазратларининг таклиф ва тавсиялари билан олиб борилаётган мавлид суҳбатлари, жойларда улашилаётган мавлид ҳадялари боис юртимиз, хонадонларимизга нур ва барака ёғилмоқда.
Жорий йилнинг 25 сентябрь куни Фарғона вилояти бош имом-хатиби Убайдуллоҳ домла Абдуллаев бошчилигидаги вакиллик жамоаси "Фарғона саховат интернат уйи"га ташриф буюриб, у ерда истиқомат қилаётган ёлғиз кексалар ҳолидан хабар олинди. Фойдаланувчилар эҳтиёжидан келиб чиқиб, маиший ва хўжалик маҳсулотлари туҳфа қилинди.
Шунингдек, жойларда имом-хатиблар томонидан маҳаллалардаги кам таъминланган, боқувчисини йўқотган, ёлғиз ва кексалар зиёрат қилиниб, ҳомийлар иштирокида уларга мавлуд ҳадялари улашилмоқда. Илм аҳиллари томонидан мавлид ойи бошидан буён Фарғона вилоятидаги мингдан ортиқ хонадонларга ташриф қилиниб, кўнгиллар шод қилинмоқда.
Бу каби хайрия тадбирлари давом этмоқда.
Фарғона вилояти вакиллиги Матбуот хизмати
Ўзбекистон Президенти БМТ Бош Ассамблеясининг 78-сессиясида муҳим ташаббусларни илгари сурди
Интервью 24 |
“Жумадан жумагача” муҳим хабарларнинг қисқача тафсилоти (24-09-2023)
“Жумадан жумагача” рукни орқали muslim.uz сайтида эълон қилинган энг муҳим хабарларнинг қисқача шарҳи билан танишиш мумкин.
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.