Ўзбекистон мусулмонлари идораси Матбуот хизмати

Ҳар бир даврида адашган, бузғунчи тоифалар чиқиб туриши тарихдан маълум. Уларнинг умумий белгилари, ўзаро ўхшашликлари мавжуд. Келинг, улар билан бирма-бир танишиб чиқсак:

1. Ўз замонасининг олим ва етакчи кишларини тан олмайди, ўзларинг хато фикрларига ёпишиб олади, хоҳишларига қарши фикр билдирган ҳар бир одамни ҳақорат қилади, туҳмат уюштиради, илимсизликда айблайди.

2. Кўринишда адолат ҳақида куюнчаклик қилади, Ислом ҳимоясига, мусулмонларга меҳрибон бўлишга, жаннат боғларига киришга чақиради, аммо ўзлари зулм ва фасод ишларни қилишда ҳаддан ошади.

3. Мавжуд мусулмон бошлиқларга итоат этмайди, сулҳ аҳдларга риоя қилмайди.

4. Улар Аллоҳ таолонинг: "Ҳукм фақат Аллоҳдандир", оятини, гўёки шахсан ўзлари учун ваҳий бўлиб тушгандек, суиистеъмол қилади, Хоҳлаган кишини "кофир" деб эълон қилишдан қўрқмайди.

5. Ўзлари ўзбошимчалик билан "халифа" сайлаб олишади, аммо ҳақиқий "ҳалифа" лари кибр ва қайсарлик тимсоли бўлган, қалбларига ўрнашиб олган, васваса қилвчи шайтон эканлигини идрок эта олмайди.

6. Мусулмонларнинг қонини тўкиш ва мол-мулкига тажовуз қилишни ўзига халол санайди.

7. Шаръий ҳукумларни адо этишда ўз ҳавойи нафсларига эргашиб иш юритади. Гўёки раҳбарлик ва қозилик уларга юклангандек чегарадан чиқади. Жиҳод маъносини скистемол қилади.

8. Қайсарликлари ва илмсизликлари сабаб дўстни душмандан ажрата олмайди, шунинг учун шайтон ва уларнинг малайлари қўлларида қўғирчоққа айланди.

Тарихий манбалардан бу каби адашган тоифалар кўп учрагани, уларнинг касофатидан Ислом оламида зиддиятлар пайдо бўлгани, ҳозирда ҳам "ИШИД" каби адашган тоифаларнинг ёвуликларини кўрган жаҳон афкор оммасида Ислом дини ҳақида нотўғри тасаввурлар ҳосил бўлиши мумкинлиги ачинарли ҳолдир. Албатта, Аллоҳ таоло, Пайғамбарлари ва Ислом дини улар қилаётган тажовуз ва зулмлардан покдир.
Аллоҳ таоло юртимизни бундай бузғунчи оқимлардан омонда қилсин!

Наманган тумани Умарбой хожи масжид имом хатиби Қўчқаров Назиржон

Шу йил 19 ноябрь куни Саудия Арабистони Подшоҳлиги Ҳаж ва умра ишлари вазири таклифига биноан Ўзбекистон мусулмонлари идораси раиси, муфтий Нуриддин домла ҳазратлари мазкур вазирлик қароргоҳига ташриф буюрдилар.

Ҳаж ва умра ишлари вазири Тавфиқ бин Фавзон ар-Рабиа жаноблари ҳамда Муфтий Нуриддин домла ҳазратлари ўртасида икки томонлама ҳамкорлик алоқаларини янада ривожлантириш юзасидан ўзаро мулоқот бўлиб ўтди.

Муфтий ҳазратлари Ўзбекистон ва Саудия Арабистони ўртасидаги ҳамкорлик равнақ топаётгани, айниқса, ҳаж ва умра тадбирларини ташкил этиш сифатини ошириш, диний-маърифий, илмий-тадқиқот ва зиёрат туризм соҳасидаги алоқаларни янада яхшилашга катта эътибор қаратиш зарурлигини алоҳида таъкидладилар. Жумладан, ҳаж ва умра сафарига борувчи зиёратчиларга хизмат кўрсатиш сифатини янада ошириш юзасидан ҳам ўз фикр-мулоҳазаларини билдирдилар.

Ҳаж ва умра ишлари вазири жавоб сўзида жорий йил август ойида Президент Шавкат Мирзиёевнинг Саудия Арабистонига ташрифидан сўнг икки томонлама муносабатлар ривожланиб бораётгани ва Ўзбекистон ҳар жиҳатдан муҳим мамлакат эканини таъкидлади. Тавфиқ ар-Рабиъа жаноблари давлатимиз раҳбарининг ушбу мамлакатга ташрифи давомида олий даражадаги музокаралар ва имзоланган битимлар ўзаро ҳамкорлик кўламининг янада кенгайишига хизмат қилишига ишонч билдирди.

Шунингдек, вазир Ўзбекистондан келаётган ҳаж ва умра қилувчилар учун барча шарт-шароитларни ҳозирлашга доим тайёр эканини изҳор этиш баробарида ўзбекистонлик зиёратчилар муборак ибодатларни адо этиш чоғида барчага намуна бўлаётганларини маълум қилди.

Таъкидлаш жоизки, муҳтарам Президентимиз топшириғига мувофиқ, Ўзбекистон делегацияси Саудия Арабистони сафари давомида Самарқанд вилоятидаги Имом Бухорий мажмуасида амалга оширилаётган бунёдкорлик ишларида Мадина шаҳрида жойлашган “Пайғамбаримиз алайҳиссалом сийратлари ва ислом цивилизацияси музейи” ташриф буюрувчиларига яратилган шарт-шароитлар ва рақамли технологик ишланмалардан фойдаланиш борасидаги тажрибаларни ҳам ўргандилар.

Ўзбекистон мусулмонлари идораси Матбуот хизмати

Ўзбекистон мусулмонлар идораси раисининг биринчи ўринбосари Ҳомиджон Ишматбеков бошчилигидаги мамлакатимиз делегацияси Бирлашган Араб Амирликларида ташкил этилган Тинчлик форумидаги иштироки доирасида Шаржа ислом цивилизацияси музейи фаолияти билан танишди, деб хабар бермоқда «Дунё» АА мухбири.

Музейда  «Янги Ўзбекистон ёшлари ва Учинчи Ренессанс» мавзусида давра суҳбати ташкил этилди.

Унда Шаржа музейлар идорасининг Стратегик режалаштириш менежери Носир Ол Дармаки, мамлакатимизнинг БААдаги дипломатия ваколатхоналари раҳбарлари ва Шаржа амирлигининг Ал Қосимия университетида таҳсил олаётган ватандош-талабалар иштирок этди.

Суҳбат давомида 2022-2026 йилларга мўлжалланган Янги Ўзбекистоннинг Тараққиёт стратегиясини амалга ошириш юзасидан олиб борилаётган ишлар, Ўзбекистонда диний-маърифий жабҳадаги ўзгаришлар, буюк алламоларимиз меросини авайлаб асраш бўйича олиб борилаётган диққатга молик саъй-ҳаракатлар ҳақида сўзлаб берилди.

Тадбир якунида ватандош-талабалар ўзларини қизиқтирган саволларга Ўзбекистон мусулмонлар идораси мутасаддиларидан батафсил жавоб олдилар.

“Жумадан жумагача” рукни орқали muslim.uz сайтида эълон қилинган энг муҳим хабарларнинг қисқача шарҳи билан танишиш мумкин.

Ўзбекистон мусулмонлари идораси Матбуот хизмати