Сегодня, 17 мая, в первый день Рамадана будет запущен новый мегапроект Управления мусульман Узбекистана – интернет-радио «Muslim Radio».
В программе радио Вас ожидают интересные беседы в сфере просвещения, тилаваты самых известных в мире и в нашей стране чтецов Корана, такие радиопередачи как «Минг бир ҳадис» («Тысяча один хадис»), «Қуръони карим маънолари таржимаси» («Перевод смысла Священного Корана»), «Аёллар саҳифаси» («Женская страничка»), «Онлайн дарслар» («Онлайн уроки»), «Зиёратгоҳлар» («Места поклонения»), «Саволларга жавоблар» («Ответы на вопросы»), «Кун янгиликлари» («Новости дня) и «Аудио китоб» (Аудио книга).

Пресс-служба Управления мусульман Узбекистана

16 мая во время таравих-намаза при участии председателя Управления мусульман Узбекистана, муфтия Усманхона Алимова состоялось открытие соборной мечети Имама Тирмизи в Ташкенте.
Предлагаем Вашему вниманию фоторепортаж с места события.

Пресс-служба Управления мусульман Узбекистана

Бугун, Туркиянинг Ўзбекистондаги элчиси Ахмед Башар Шен Диний идорага ташриф буюрди. Меҳмон муфтий Усмонхон Алимов ҳазратлари билан мулоқот ўтказди.

Муфтий ҳазратлари элчи жаноблари ва Туркия халқини муборак Рамазон ойи кириб келиши муносабати билан табриклаб жумладан шундай дедилар:

– Бу йилги Рамазони шариф ҳар қачонгидан ҳам сермазмун бўлади, иншоаллоҳ. Туркия Президенти Ражаб Тоййиб Эрдўғаннинг Ўзбекистонга ташрифи жуда ҳам самарали ўтди. Айниқса, Эрдўған жанобларининг Бухоро шаҳридаги Баҳоуддин Нақшбанд, Мир Араб мадрасасига ташрифлари ва ушбу мадрасага дафн этилган Амир Убайдуллохоннинг руҳига бағишлаб, Президент жаноблари томонларидан ўқилган Қуръони карим тиловати кўпчилигимизни таъсирлантирди, қироатлари тажвид қоидаларига тўла мос ва хушсавт экани барчамизни ҳайратлантирди.

Элчи жаноблари Рамазон ойи билан муфтий ҳазратлари ва бутун Ўзбекистон халқини табриклаб, Ислом оламига тинчлик-осойишталик ва нохуш ҳолатларнинг тезроқ барҳам топишини тилади. Ахмед Башар Туркия Президентининг Ўзбекистонга ташрифи бутун дунёда ижобий акс садо бергани, ҳақиқатан самарали бўлганини таъкидлади. Айниқса, Бухоро шаҳрига ташриф жуда ҳам кўтаринки руҳда ўтгани, у ердаги юқори савиядаги тайёргарлик ишлари учун миннатдорлик билдирди.

Ахмед Башар Туркия Диёнат ишлари бошқармаси раиси Али Эрбош жанобларининг салом ва Рамазон табрикларини етказиб, икки мамлакат мусулмонлари идоралари ҳамкорлигида Рамазон ойи давомида тадбирлар ўтказишдан бахтиёр эканини изҳор қилди. Муфтий ҳазратлари ҳам Туркия Диёнат ишлари бошқармаси билан ҳамкорлик қилиш жуда ҳам фойдали эканини билдириб, яхши натижалар беришини таъкидладилар. Ҳар икки томон ҳам ўзаро ҳамкорликни ривожлантиришга келишиб олишди.

Учрашув дўстона ва самимий руҳда ўтди.

Ўзбекистон мусулмонлари идораси

Матбуот хизмати

Бугун, 17 май куни Ўзбекистон мусулмонлари идорасида имконияти чекланганлар билан ишлаш бўйича ҳайъат аъзоларининг илк йиғилиши бўлиб ўтди. Тадбир Қуръони карим тиловати ва эзгу дуолар билан бошланди.

Йиғилишда имконияти чекланганлар билан ишлаш бўйича Ўзбекистон Республикаси Президентининг 2017 йил  1 августдаги “Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида”ги Фармоннинг 4-банди ижросини таъминлаш, шунингдек имконияти чекланганлар орасида турли секталарга, миссионерликка кириб кетиш ҳолатларининг олдини олиш, соф ислом динини тўғри етказиш борасида тарғибот-тушунтириш ишларини ташкил этиш бўйича амалга оширилаётган ишлар ҳамда мавзуга оид учраётган муаммолар ва ҳайъат аъзоларининг таклифлари кўриб чиқилди.

Дастлаб, Ўзбекистон мусулмонлари идораси раиси ўринбосари Иброҳимжон домла Иномов ҳайъат раиси сифатида барчани муборак Рамазони шариф билан қутлади. Шундан сўнг, динимизнинг инсонпарвар, меҳр-оқибат, бағрикенглик ғояларини одамларга етказишда аждодларимиз тутган йўл: содда ва тушунарли қабилида иш тутиш лозимлигини айтди.

Йиғилишда сўзга чиққан “Исломобод” жоме масжиди имом-хатиби Абдулҳамид домла Жуманов имконияти чекланганлар билан ишлаш узлуксиз давом этаётгани, улар билан “Ислом дини”, “Поклик”, “Намоз”, Ота-онага ҳурмат–олий фазилат”, “Оилада эркак ва аёлнинг вазифалари”, “Миссионерликдан огоҳ бўлайлик” каби мавзуларда жами 30 га яқин маърифий суҳбатлар ташкил этилгани, дастлабки мулоқотларда бир неча ўн киши қатнашган бўлса, ҳозирда уларнинг адади 300 кишига яқинлашгани билдирди. Асосийси, ушбу суҳбатлар натижасида тингловчилар дуч келаётган кўпгина муаммолар, уларнинг айрим оилавий низолари барҳам топаётгани қувонарли, деди Абдулҳамид домла. Ўз навбатида, айрим таклиф ва мулоҳазаларни билдириб шундай деди: “Ҳозирда тингловчилар учун шароитларга эга бўлган алоҳида жойга эҳтиёж сезилмоқда. Ва бу бўйича ишлар ҳам олиб бориляпти. Агар ушбу масала ҳал этилса, тингловчилар билан гуруҳ-гуруҳ бўлиб, вақтларини белгилаб суҳбатлар ўтказилса, самараси яхши бўларди”.

Йиғилишда сўзга чиққан Ўзбекистон кар-соқовлар жамияти вакиласи кўрсатилаётган ёрдам ва ташаббуслар учун Диний идора раҳбариятига миннатдорлик билдирди. У ўз сўзида давом этиб, қуйидаги таклифларни киритиб, шундай деди: “Бу каби маърифий суҳбатлар вилоятларда ҳам ташкил этилса мақсадга мувофиқ бўларди, чунки вилоятлардаги имконияти чекланган бир қанча танишларим биз учун ташкил этилаётган мулоқотларга қизиқиши ортаётгани уларда ҳам бунга эҳтиёж юқори эканини айтишмоқда. Шунингдек, керакли мавзуларда ўзбек ва рус тилларида китоблар нашр этиш, бу йўналишда сурдо таржимонларини жалб этиш яхши самара берар эди”.

Ҳайъат аъзоларининг биринчи йиғилишида Ўзбекистон кўзи ожизлар жамиятидан ҳам вакиллар иштирок этишди. Жумладан, жамиятдан сўзга чиққан Улуғбек исмли йигит шундай деди: “Очиғини айтсам, бу каби учрашувларга биз йиллар давомида ташна бўлиб келдик. Бугун ана шундай имконият яратилганидан бағоят мамнунман. Бу йўналишда бизга берилаётган эътибор кўнглимизни тоғдек кўтарди. Фурсатдан фойдаланиб айтмоқчиманки, аввало, одамларимизнинг имконияти чекланганларга нисбатан муносабатини ўзгартириш керак. Аслида, муносабат ёмон эмас, буни яна ҳам яхшилаш керак, уларга эътиборни кучайтириш ва улардан меҳрни қизғанмаслик керак. Эътибор берсак, миссионерлар имконияти чекланганларга кўп нарса бермаган, меҳр, эътибор берган, уларни эшита олган холос. Мана шу – уларнинг иш услуби. Бугун бу йўлда диний соҳа ходимларидан кўп нарса талаб қилинмайди, бир нарса: Исломнинг гўзаллиги етказиб берилса, ҳек ким адашмайди. Агар сўқир кўзли инсонинг қалби очилса, ишонинг, у масжидга ҳамроҳсиз, ҳасса билан пайпаслаб бўлсада масжидни топиб боради. Ўз навбатида, сиз азизлардан Брайл ёзувидаги китоб нашрига ҳам алоҳида эътибор қаратишингизни сўраган бўлардим”.

Шунингдек, йиғилишда диний идоранинг Хотин қизлар билан ишлаш бўлими мутахассиси Мунира Абубакирова, Тошкент ислом институти катта ўқитувчиси Абдул Азим Зиёвуддин ва бошқалар ўз фикр-мулоҳазаларини билдиришди.

Йиғилиш эзгу дуолар билан якунланди.

ЎМИ Матбуот хизмати

Шу кунларда Москвада X Халқаро иқтисодий саммит доирасида “Kazan Islamic Clothes 2018” муслималар халқаро кийим фестивали бўлиб ўтди.

Фестивал ташаббускорлари сифатида Россия Федерацияси мусулмонлари идораси, Россия муслималари иттифоқи ва Россия мусулмонлар дизайнери иттифоқи эътироф этилди.

Мусобақа ташкилотчилари ушбу фестивал дизайнер ва моделерларни халқаро даражада ўзаро ҳамкорлик қилишлари ва ислом либоси маданиятини таниташ мақсадида ўтказилганини таъкидлаб ўтдилар.

Форумда Туркия, Индонезия ҳамда Россиянинг бир нечта минтақаларидан таниқли ва ҳаваскор дизайнерлар иштирок этган.

Бундан ташқари жорий йилда биринчи маротаба Буюк Британия, Марокаш, Ўзбекистон ва Қирғизистонлик дизайнерлар ҳам қатнашганлари қайд этилди.

ЎМИ Халқаро алоқалар бўлими