2017 йил 1 декабрь куни Ўзбекистон мусулмонлари идорасида ҳуқуқбузарлик ва жиноятчиликка қарши кураш борасидаги вазифалар ижроси ҳамда хориждаги меҳнат мигрантлари билан ишлаш тизимини янги босқичга олиб чиқиш масалалари юзасидан диний соҳа ходимлари, давлат ва жамоат ташкилотлари вакиллари иштирокида йиғилиш бўлиб ўтди. Унда Ўзбекистон Республикаси Президентининг давлат маслаҳатчиси-Ўзбекистон Ёшлар иттифоқи раиси Қ.Қуронбоев ва Ўзбекистон мусулмонлари идораси раиси, муфтий Усмонхон Алимов ҳазратлари ўз маърузалари билан иштирок этдилар.

Тадбирда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Ўзбекистон мусулмонлари идораси, Ўзбекистондаги Ислом цивилизацияси марказининг раҳбар ходимлари, диний таълим муассасаларининг профессор-ўқитувчилари, уламолар, имом-хатиблар, Тошкент ислом институти ва Тошкент ислом университети талаба-ёшлари қатнашди.

Шу йил 15 ноябрь куни Президентимиз раислигида мамлакатимизда ҳуқуқбузарликлар профилактикаси ва жиноятчиликка қарши курашиш борасида белгиланган вазифалар ижроси, бу борада мавжуд муаммолар ва уларни ҳал этиш масалаларига бағишланган видеоселектор йиғилиши ўтказилган эди. Мана шундан келиб чиқиб, сўзга чиққан нотиқлар имом-хатиблар жойлардаги чиқишларида, кенг аҳоли қатлами билан учрашувларида жиноят содир этиш жуда ҳам оғир гуноҳ экани, Қуръони карим оятлари ва ҳадиси шарифларда бундай хатти-ҳаракатлар қаттиқ қайтарилганини жонли мисоллар орқали таъсирчан қилиб, тушунтиришлари зарурлиги йиғилишда алоҳида таъкидланди.

Жиноятнинг сабабларидан бири – қилаётган ишининг жиноят эканини, гуноҳ эканини билмасликдир. Аввало ана шу жаҳолатга қарши курашиш керак. Бир ишнинг гуноҳ эканини билган одам албатта ундан қайтади. Жиноятнинг қайси бир турини олиб қараманг, динимиз, инсонийликка хилофдир. Одам ўлдириш, ўғрилик, фирибгарлик, товламачилик – буларнинг барчаси инсон ҳаётига зарар эканини тушунтиш диний соҳа ходимлари ва зиёлилар зиммасидаги муғим вазифа экани алоҳида қайд этилди.

Дарҳақиқат, ҳар қандай жиноят Қуръони карим оятларида, ҳадиси шарифлардаги ҳикматларда ва улуғ аждодларимиз ўгитларида қаттиқ қайтарилган. Жумладан, Пайғамбаримиз соллаллоҳу алайҳи васаллам ҳар бир мункар, гуноҳ ишга қарши курашга чақириб, қуйидаги ҳадиси шарифда шундай деганлар:

«Қайси бирингиз бир мункар ишни кўрса, қўли билан қайтарсин. Бунга қодир бўлмаса, тили билан қайтарсин. Бунга ҳам қодир бўлмаса, дили билан қайтарсин. Аммо бу энг заиф иймондир» (Имом Муслим ривояти).

Мункар иш – динимизда инкор қилинган, қайтарилган ҳар қандай ёмон ишдир. Ҳар бир одам ўз жамиятида содир бўлаётган ҳар қандай ёмон ишни кўриб-билиб турган бўлса, лоқайдлик қилиши мумкин эмас. Киши аввало бу гуноҳ ишни бевосита ўзи, қўли билан қайтаради. Уламоларимиз ёмон ишни қўл билан қайтариш деганда айнан жамиятда тартиб-интизом ўрнатишга масъулларнинг жиноятчиликка қарши кураши деб изоҳлаганлар. Кичик бир ёмон ишни ҳар ким ҳам тўхтатиши керак, аммо жиноятнинг кўлами кенг бўлса, унга қарши бутун жамоатчилик курашиши зарур.

Ҳар қандай ёмон ишни тил билан қайтариш айнан уламоларнинг, имом-хатибларнинг, зиёлиларнинг, оммавий ахборот воситаларининг вазифасидир, ҳар бир имкони бор шахс учун бурчдир. Агар киши ёмон ишни қўли билан қайтара олмаса, уни яхшиликка чақириб, ёмонликдан қайтариш йўли билан амалга оширади, гуноҳ ишнинг оқибатини баён қилади, уни зинҳор қилмасликка чақиради.

Шунингдек, ушбу йиғилишда шу йил 30 октябрь – 9 ноябрь кунлари Ўзбекистон Республикаси Президенти Давлат маслаҳатчиси бошчилигидаги делегация Россия Федерациясининг Москва, Санкт-Петербург, Астрахань ва Новосибирск шаҳарларидаги меҳнат мигрантлари билан учрашувлари тўғрисида ҳам батафсир маълумотлар берилди. Ушбу сафар давомида меҳнат мигрантларининг яшаш ва ишлаш шароитлари билан яқиндан танишилгани, ётоқхоналарда якка тартибдаги суҳбатлар уюштирилгани ва меҳнат мигрантларининг ишлаш тизимини янги босқичга олиб чиқилгани тўғрисида йиғилишда сўз борди.

Ҳақиқатан, ёш авлод тарбияси доимо энг долзарб ва жуда машаққатли бўлиб келган. Алломаларимиз жамиятнинг ривожи ва тинчлиги ҳам ёшлар тарбиясига боғлиқ эканини кўп айтишган. Муҳтарам Президентимиз бу борада шундай деганлар: “Маълумки, ёш авлод тарбияси ҳамма замонларда ҳам муҳим ва долзарб аҳамиятга эга бўлиб келган. Аммо биз яшаётган XXI асрда бу масала ҳақиқатан ҳам ҳаёт-мамот масаласига айланиб бормоқда”.

Бугунги кунда ёшларда имон-эътиқодни, дину диёнатни, ҳалол-ҳаромни, ҳушёрликни, зарарли таъсирларга қарши курашишни шакллантириш долзарб масала ҳисобланади.

Йиғилишда чет элларда юрган ўзбекистонлик йигит-қизлар ҳам ўзимизнинг фарзандларимиз экани, агар уларнинг тарбияси билан вақтида шуғулланилмаса, бефарқ бўлинса, бошқалар фарзандларимизни алдаб, тузоғига илинтириб, жувонмарк қилиши мумкинлигидан огоҳ этилди.

Шунингдек, бугунги тезкор ахборот замонида Мусулмонлар диний идораси ҳам ўзининг мақсад ва вазифаларидан келиб чиқиб, фаолият йўналишларини кенгайтириб, ҳозирги ислоҳотларнинг янги босқичида диний-маърифий йўналишдаги ишларни жадаллаштириш, жаҳолатга қарши маърифат билан курашиш, Ислом дини таълимотини кенг тарғиб қилиш катта эътибор қаратилаётгани маълум қилинди. Шу мақсаддан келиб чичиқб, Ўзбекистон мусулмонлари идораси томонидан Ўзбекистон Республикасида фаолият юритаётган оммавий ахборот воситалари таҳририятлари билан мана шундай хайрли ишларни жадал олиб боришда ҳамкорликка тайёр экани эслатиб ўтилди.

Тадбир якунида ёшлар билан ишлаш борасидаги ишларни янги босқичга олиб чиқиш учун Ўзбекистон Ёшлар иттифоқи билан Ўзбекистон мусулмонлари идораси ўртасида ҳамкорлик қилиш тўғрисидаги меморандум имзолаш таклифи қўллаб-қувватланди.

Тадбирда оммавий ахборот воситалари таҳририятларининг раҳбар ходимлари, журналистлар, телевидения, радио, марказий газеталар ва интернет сайтлари мухбирлари иштирок этди.

Ўзбекистон мусулмонлари идораси

Матбуот хизмати

“Кўкалдош” ўрта махсус ислом билим юртида “Абу Муин Насафий ойи” муносабати билан 29 ноябрь куни бадиий-ижодий кеча ташкил этилди.  

Тадбирга Имом Термизий халқаро илмий тадқиқод маркази директори, профессор Убайдулла Уватов ва Ўзбекистон мусулмонлари идораси таълим ва кадрлар тайёрлаш бўлими масъул ходими Умид Хўжаевлар таклиф этилди.

Устоз Убайдулла Уватов ўз маърузасида мусулмонларнинг бир эътиқодда жам бўлишида Имом Абу Мансур Мотуридий, Абу Муин Насафий ва бошқа юртимиз алломаларининг хизмати беқиёслиги, Абу Муин Насафий ҳаёти ва ижоди, ёзиб қолдирган асарларининг бугунги кундаги аҳамияти, ақида илмининг ривожланишида алломанинг ўрни ҳақида маълумотлар бериб ўтди.

Тадбирда яқинда ўзбек тилида нашр этилган Абу Муин Насафий қаламига мансуб “Табсират ул адилла” асарининг тақдимоти бўлиб ўтди. Асар таржимасида иштирок этган мударрислар Жалолиддин Холмўминов ва Ғиёсиддин Баратовлар асар ҳақида ўзларининг фикрларини билдирдилар.

Шундан сўнг билим юрти талабалари ўзлари тайёрлаган инглиз ва араб тилларидаги чиқишларини намойиш этдилар. Шундан сўнг талабалар ўртасида  Абу Муин Насафий ҳаёти, ижоди, асарлари бўйича рефератлар танловида фаол иштирок этган талабалар тақдирланди.

Танловда биринчи ўринни 2-курс талабаси Муҳаммадшокир Насриддинов, иккинчи ўринни 1-курс талабаси Иброҳим Ҳайдаров ва учинчи ўринни 3-курс талабаси Исмоил Иброҳимов қўлга киритди. Ғолибларга билим юртининг I-II-III- даражали дипломлари ва эсдалик совғалари топширилди.

Шунингдек, ижодий ишлари билан фаол иштирок этган  3-курс талабаси Абдусами Эргашев ва 1-курс талабаси Муҳриддин Аббосхонов билим юртининг фахрий ёрлиғи ва рағбатлантирувчи мукофоти билан тақдирланди.

А.Ғаниев,

 билим юрти мудири муовини 

Кеча, 30 ноябрь куни Ўзбекистон мусулмонлари идораси тасарруфидаги “Кўкалдош” ўрта махсус ислом билим юртида мавлуд ойи муносабати билан “Келинг пайғамбаримизнинг сийратларини ўрганайлик” номли сийрат мусобақаси бўлиб ўтди. 

Тадбир пешин намозидан сўнг, тиловату Қуръон ўқилиб бошланди. Тадбирни Ўзбекистон мусулмонлар идораси Таълим ва кадрлар тайёрлаш бўлими мудири Жалолиддин Нуриддинов очиб берди. 

Мусобақада иккинчи, учинчи ва тўртинчи курс талабалари иштирок этиб, ғолиблар умумий баллар ҳисобига кўра аниқланган. Якуний ҳисоб-китобларга кўра, учинчи курс талабалари биринчи, иккинчи курс талабалари иккинчи ва тўртинчи курс талабалари учинчи ўринни эгаллаган. 

Абу Бакр Мансуров, Камрон Мусобоев ва Шерзод Солиевлар мусобақанинг энг яхши иштирокчилари сифатида эътироф этилган.

Мусобақа ғолиблари қимматбаҳо совғалар билан тақдирланган.

ЎМИ матбуот хизмати

Расулуллоҳ соллаллоҳу алайҳи васаллам таваллуд топган ой – Робиъул аввал ойи муносабати билан ислом дунёсида, хусусан юртимизда Сарвари олам соллаллоҳу алайҳи васалламнинг улуғ насаблари, пок фитратлари, ибрат ва ҳикмат тўла муборак ҳаётларини тараннум этгувчи мавлиди шариф ўқилиши эзгу анъанага айланган.

Тошкент шаҳридаги масжидларда Имом Жаъфар Барзанжий раҳматуллоҳи алайҳ томонидан Набий алайҳиссалом туғилишлари, ҳаёт йўллари, аҳлоқлари тўғрисида битилган, халқ орасида машҳур бўлган “Мавлиди шариф” ва ўзбек тилидаги саловоти шарифлар ўқилиши режалаштирилган.

Бугун, 1 декабрь куни Тошкент шаҳридаги қуйидаги масжидларда Жума намози олдидан Мавлиди шариф ўқилади: 

Учтепа тумани 

• “Абдуллоҳ ибн Масъуд” жоме масжиди. (Катта Қаъни мавзеси, Лутфий кўчаси 55а уй. Тел.:+998 71 272 91 04)
• “Абу Ҳанифа” жоме масжиди. (Манзил: Зарафшон кўчаси,15-уй. Тел.:+998 71 274 66 61)
• “Абу Ҳурайра” жоме масжиди. (Манзил: Қорёғди (Содиқ Мирзаев) кўчаси 2а уй. Тел.:+998 71 228 54 29)
• “Бешқайрағоч” жоме масжиди. (Манзил: Маннон Уйғур кўчаси 555-уй. Тел.:+998 71 247 01 62)
• “Бурҳониддин Марғилоний” жоме масжиди. (Манзил: Уккоша кўча (Ёрмухаммедов) 1 тор 35 уй. Тел.:+998 71 241 01 62)
• “Кўкча оқтепа” жоме масжиди. (Манзил: Шула кўчаси,12-уй. Тел.:+998 71 271 44 98)
• “Маҳкамбой ҳожи ота” жоме масжиди. (Манзил: Оқшом кўча, 25А-уй. Тел.:+998 71 247 17 40)
• “Саид Ваққос ота” жоме масжиди. (Манзил: М.Уйғур кўчаси, 591-уй. 147, 53, 114, автобусларнинг “Назарбек” бекати. Тел.:+998 71 247 50 02)
• “Ҳазрати Али” жоме масжиди. (Манзил: Назарбек кўчаси, 32-уй. 79, 20, 114, 87 автобусларнинг “Чевар” бекати. Тел.:+998 71 274 71 11)
• “Ҳазрати Умар” жоме масжиди. (Манзил: М.Уйғур кўча, 556а-уй. Мўлжал:”Чароғон” ресторани қаршисида. Тел.:+998 71 228 50 36) 

Юнусобод тумани 

• “Минор” жоме масжиди. (Манзил: Минор маҳалласи Минор берк кўчаси 1-уй. Тел. :+998 71 235 17 33. minor.uz)
• “Кулол қўрғон” жоме масжиди. (Манзил: Турон дехқон 6 уй. Тел. :+998 71 225 76 86)
• “Муҳаммад Носир ҳожи” жоме масжиди. (Манзил: Мирзохожиев кўчаси, 19 уй. Тел. :+998 71 212 44 20.)
• “Умар ибн Хаттоб” жоме масжиди. (Манзил: А.Жомий махалласи, Боғиравон 2-тор кўчаси 14 уй. Тел. :+998 71 226 77 15.)
• “Ҳасанбой” жоме масжиди. (Манзил:Ориф Соипов кўчаси 10 уй. Тел. :+998 71 224 70 89)
• “Юнусобод” жоме масжиди. (Манзил:Рафиков кўчаси 22 уй. Тел. :+998 71 212 08 91)
• “Юнусобод оқтепа” жоме масжиди. (Манзил: Чинобод кўчаси 127-уй. Тел. :+998 71 222 27 82) 

Олмазор тумани 

• “Имом Бухорий” жоме масжиди. (2-Чимбой кўча, 1-уй. Телефон: +998 71 249 18 69)
• “Искандархўжа” жоме масжиди. (Уста Олим кўчаси 46а-уй. Телефон: +998 71 240 67 28.)
• “Мирза Ғолиб” жоме масжиди. (Мирза Ғолиб 3-тор кўчаси 36-уй.)
• “Сирож солиҳ” жоме масжиди. («Умид» маҳалласи, Юнусова кўчаси 21а-уй. Телефон: +998 71 228 86 41.)
• “Тўлқин Акром ўғли” жоме масжиди. (Чиғатой Оқтепа маҳалласи, Форобий кўча 418-уй. “Фаровон” туйхонаси рўпарасида. Телефон: +998 71 246 06 86.)
• “Чимир ота” жоме масжиди. (Фаробий кўчаси, 455-уй. Шифокорлар шаҳарчаси.

Телефон: +998 71 214 55 14.) 

Мирзо Улуғбек тумани 

• “Авайхон” жоме масжиди. (Қорасувбўйи кўчаси 87а уй. +998 71 265 66 26)
• “Олтинтепа” жоме масжиди. (Қурбонов кўчаси 111 уй. +998 71 266 60 96)
• “Тепамасжид” жоме масжиди. (Ф.Хўжаев маҳалласи, Тепамасжид кўчаси 2а-уй. +998 71 262 01 64) 

Миробод тумани 

• “Ал Бадр” жоме масжиди. (Сарикўл маҳалласи, Фидоийлар кўчаси 26-уй. +998 71 299 50 38)
• “Қўйлиқ ота” жоме масжиди. (Қўйлиқ ота маҳалласи, Истиқбол 4-тор кўчаси, 2-уй. +998 71 295 86 83.) 

Бектемир тумани 

• “Алибек” жоме масжиди. (Ҳусайн Бойқаро кўчаси 1-уй. +998 91 165 40 56)
• “Қорасоқол ота” жоме масжиди. (Бинокор маҳалласи Шоликор кўчаси 1 уй.) 

Шайхонтоҳур тумани 

• “Занги ота” жоме масжиди. (Самарқанд дарвоза кўчаси 122–уй. +998 71 227 05 69)
• “Имом Ҳасан” жоме масжиди. (Ибн Сино 2-мавзеси, “Шодлик” маҳалласи, 2а-уй. +998 71 218 63 57)
• “Мунаввар қори” жоме масжиди. (Илғор маҳалласи, Алоқа кўчаси 30-уй. +998 71 242 01 32)
• “Оқ тунукали” жоме масжиди. (Ҳувайдо маҳалласи, Зафаробод кўчаси 43-уй.)
• “Олмазор” жоме масжиди. (Олмазор маҳалласи, Олмазор кўчаси 43-уй. +998 71 244 10 34.)
• “Фирдавс” жоме масжиди. (Боғкўча маҳалласи 21а-уй.+998 71 242 25 08)
• “Фотимаи Заҳро” жоме масжиди. (Чўпон ота маҳалласи, Шокир Алимов кўчаси 47-уй. +998 71 273 59 33)
• “Яҳё қори” жоме масжиди. (Шомаҳмудов кўчаси 50-уй.) 

Сирғали тумани 

• “Қўшқўрғон” жоме масжиди. (Қўшқўрғон маҳалласи У.Маҳмудов кўчаси 1уй. +998 71 292 55 04)

• “Маъруф ота” жоме масжиди. (Чоштепа 3-тор кўчаси, 3-а уй. +998 71 287 60 65) 

Чилонзор тумани 

• “Бўта бува” жоме масжиди. («Бешқўрғон» маҳалласи, Бешқўрғон кўчаси 2а-уй. +998 71 287 99 17.)
• “Дўмбиробод” жоме масжиди. (Дўмбираобод маҳалласи, Дўмбиробод 4-тор кўчаси 23-уй. Тел: +998 71 279 09 90)
• “Катта қозиробод” жоме масжиди. (Катта Қозиробод маҳалласи, Чилонзор кўчаси, 82а-уй. +998 71 277 56 85)
• “Тинчлик” жоме масжиди. (”Тинчлик” маҳалласи, И.Усмонов кўчаси 17-уй. Тел: +998 71 271 32 68)
• “Чоштепа” жоме масжиди. (Чилонзор тумани, Чорбоғ 2 тор кўчаси, 5-уй.) 

Яккасарой тумани 

• “Ракат” жоме масжиди. (А.Авлоний кўчаси, 20-уй. Тел.: +998 71 254 47 69)
• “Усмон ибн Мазъун” жоме масжиди. (“Қушбеги” маҳалласи кичик халқа йўли, Х.Умаров кўчаси №41 уй. Тел.: +998 71 250 27 39.)
• “Яккасарой” жоме масжиди. (Яккасарой кўчаси 5-уй. +998 71 250 54 09)
• “Раҳимжон ҳожи ота” жоме масжиди. (Академик Сирожиддинов кўчаси, 48 уй. +998 71 253 45 60.) 

Яшнобод тумани 

• “Ислом ота” жоме масжиди. (Жўрабек маҳалласи Фарғона йўли кўчаси, 51 уй. Телефон: +998 71 299 58 82. islomota.uz)
• “Али ибн Абу Толиб” жоме масжиди. (Ғалабанинг 40 – йиллиги Тузел маҳалла биринчи мавзе, Чўлпон кўчаси 1-уй. Телефон: +998 71 294 43 99.)
• “Гўзал” жоме масжиди. (Яшнобод тумани Сокин кўча 50 -уй. Тел: 297-99-27)
• “Пулемас ота” жоме масжиди. (Алимкент, 5-тор кўчаси, 59А-уй. Телефон: +998 71 296 16 36)
• “Холид ибн Валид” (собиқ “Янгиобод”) жоме масжиди. (К.Худойбердиев маҳалласи Чилон ота кўчаси 17-уй. Тел: 298-24-14) 

Расулуллоҳ соллаллоҳу алайҳи васаллам мадҳ этилган, саловот айтилган давраларга нур ёғилади, қалблар Ул муборак зотнинг исмлари, муборак сийратлари билан ҳушбўй мушк таратади.

Ўзбекистон мусулмонлари идораси раиси, муфтий Усмонхон Алимов ҳазратлари бугун, 1 декабрь куни Тошкент шаҳри, Олмазор туманидаги Имом Бухорий жоме масжидида бўлиб ўтадиган мавлид тадбирида иштирок этадилар. Ундан сўнг намозхонлар билан биргаликда жума намозини адо этадилар.

Маросим Ўзбекистон мусулмонлари идорасининг “Facebook” ижтимоий тармоғидаги расмий саҳифасида тўғридан тўғри намойиш этилади.

Манзил: Тошкент шаҳри, Олмазор тумани, 2-Чимбой кўча, 1-уй.