muslim.uz
Ашхободда улкан масжид очилди
Туркманистон Республикаси пойтахти Ашхобод шаҳрининг “Тинчлик-7” мавзесида “Ҳазрат Умар” номли янги масжид очилди. Унинг очилиш маросимида мамлакат муфтийси, Ашхабод ва вилоятлар имомлари, пойтахтликлар ва пойтахт меҳмонлари иштирок этди. Бу ҳақда “Нейтрал Туркманистон” нашрига таяниб Azon хабар берди..
Мазкур масжид Туркманистон президенти Гурбангули Бердимуҳамедовнинг қарори ва “Хожа Аҳмад Яссвий” диний ташкилотининг буюртмасига кўра барпо этилган. Унинг қурилишида замонавий технологиялар ва ўзига хос меъморий ечимлардан фойдаланилган.
Масжид жами 13 минг квадрат метр майдонни эгаллаган, унинг ёнида автомобиллар учун тўхташ жойи ҳам ташкил этилди, атроф ободонлаштирилди.
ЎМИ Матбуот хизмати
Аҳли илмларга озор беришдан сақланишга оид нукталар
ЎМИ Матбуот хизмати
Истанбул шаҳридаги халқаро конференцияда вакилларимиз иштирок этди
20-21 сентябрь кунлари Ўзбекистон мусулмонлари идораси раиси ўринбосари шайх Абдулазиз Мансур, Ўзбекистондаги ислом цивилизацияси маркази директори Ш.Миноваров, Халқаро ислом академияси ректори Ш.Ёвқочев таркибидаги делегация Туркиянинг Истанбул шаҳрида фаолият юритаётган Ибн Холдун номидаги университетда ўтказилган “XXI аср таҳдидлари ва ислом маърифати ғоялари” мавзусидаги халқаро конференция ишида иштирок этдилар.
Конференция Ўзбекистон Республикаси Ташқи ишлар вазирлиги, Ўзбекистондаги ислом цивилизацияси маркази, Вазирлар Маҳкамаси ҳузуридаги Дин ишлари бўйича қўмита, Халқаро ислом академияси, Ўзбекистоннинг Туркиядаги элчихонаси, Истанбулдаги Ибн Холдун университети, Ислом Ҳамкорлиги Ташкилоти Ислом маданияти ва тарихини тадқиқ қилиш маркази (ИРСИКА) иштирокида ташкил қилинди.
Ҳозирги кунда мусулмон оламини Аллоҳнинг буйруқларига зид равишда қамраб олаётган тафриқа, яъни фирқаларга бўлиниш, унинг натижасида исломнинг тинчлик, эзгулик, бунёдкорлик моҳиятига зид қарашларнинг ёйилиши конференция қатнашчилари томонидан аср таҳдидлари дея баҳоланди.
Ўзбекистон Республикаси Президенти Ш.М.Мирзиёевнинг “Жаҳолатга қарши маърифат” ташаббуси, Ўзбекистонда олиб борилаётган ислоҳотларнинг мазмун-моҳияти, XXI аср вабоси дея ном олган экстремизм ва терроризмга қарши ислом маърифати ёрдамида кураш мавзуларидаги маърузалар иштирокчиларда катта қизиқиш уйғотди.
Конференция ниҳоясида Ўзбекистондаги Ислом цивилизацияси маркази ва Туркиянинг Ибн Холдун универститети қошидаги Цивилизацияларни қиёсий ўрганиш институти ўртасида Ҳамкорлик тўғрисида меморандум имзоланди.
ЎМИ Матбуот хизмати
Муфтий благословил строительство нового здания
19 сентября председатель Управления мусульман Узбекистана, муфтий Усмонхон Алимов ознакомился с проектом строительства нового трехэтажного здания, который планируется построить рядом с издательством «Мовароуннахр» комплекса Хазрати Имам.
Начальник хозяйственного отдела Управления мусульман Узбекистана Рустам Джамилов подробно рассказал муфтию хазрату о процессе и планах строительства.
Согласно проекту, на этой территории будет построено новое 3-этажное здание. В первых двух этажах здания будет функционировать заведение общественного питания для сотрудников Управления мусульман Узбекистана, издательства «Мовароуннахр», педагогов и студентов Ташкентского исламского института. На 3-этаже планируется открытие конференц-зала и ресторана для приема почетных гостей. Кроме того, в подвале этого здания будет размещена типография Управления мусульман Узбекистана.
Муфтий У.Алимов после беседы со строителями дал свои предложения, рекомендации по возведению данного объекта и благословил строительство нового здания. 
Пресс-служба Управления мусульман Узбекистана
Муфтий ҳазрат янги қурилиш ишига дуо берди
19 сентябрь куни Ўзбекистон мусулмонлари идораси раиси, муфтий Усмонхон Алимов “Ҳазрати Имом” мажмуаси “Мовароуннаҳр” нашриёти ёнида барпо этилиши режалаштирилган уч қаватли бино лойиҳаси билан танишди.
Ташриф давомида муфтий ҳазратга ушбу қурилиш жараёни, кўзда тутилган режалар ҳақида ЎМИ хўжалик бўлими мудири Жамилов Рустам батафсил маълумот берди.
Лойиҳага кўра, ушбу ҳудудда 3 қаватли муҳташам бино қад ростлайди. 1-2 қавати – Диний идора, “Мовароуннаҳр” нашриёти ходимлари, Тошкент Ислом институти устоз ва талабалари учун ошхона, 3 қавати – мартабали меҳмонларни кутиб олишга мўлжалланган зал ва ресторан. Шунингдек, мазкур бино ертўласида ЎМИ босмахонаси ташкил этилади.
Муфтий ҳазрат қурувчилар билан самимий мулоқот ўтказгандан сўнг қурилиш бўйича зарур таклиф ва тавсиялар бердилар. Аллоҳ таолодан динимиз ривожи йўлида бошланган ушбу қурилиш ишининг хайрли бўлишини, қурувчиларга куч-қувват сўраб дуою фотиҳа қилдилар.
Ўзбекистон мусулмонлари идораси матбуот хизмати