muslim.uz
Кафтдек равон ва текис
Кечагина шоду хуррамлик билан кутиб олган муборак Рамазон ойи бугун ниҳоялаб қолди. Бу хайр-саховат ва мурувват ойида кўплаб кўнгли ўксик инсонлар ҳолидан хабар олиниб, уларга ҳадялар улашилди.
Бу ойда қандай хайрли иш бўлса, ҳаммаси амалга оширилди. Ҳудудларни ободонлаштириш, кўчат ўтқазиш, гулу райҳонлар экиш.. ҳаммаси уддаланди.
Рамазон ҳайитига Бўстонлиқ тумани Собир Раҳимов номидаги маҳалла фуқаролар йиғини ҳудудида жойлашган «Олимжон ота» жоме масжиди имом-хатиби Элёржон домла Эрпўлатов ташаббуси билан ҳомийлар кўмагида мазкур маҳалланинг 144 метрли йўлига асфальт қопламаси ётқизилгани чинакам қувончли воқЕа бўлди. Бу хайрли ишга 139 миллион сўм ҳомийлар маблағи сарфлангани маҳалла аҳлининг узоғини яқин қиладиган бўлди.
Расулуллоҳ соллаллоҳу алайҳи ва саллам: “Инсон вафот этса учта амалининг савобидан бошқа ҳаммаси тўхтайди. Улар – садақаи жория, фойдали илм ва ота-она ҳаққига дуо қиладиган солиҳ фарзанд”, деб марҳамат қилганлар.
Садақаи жория – оқиб турадиган, яъни савоби мўминга нафақат бу дунёда, балки қабрда ҳам манфаат бериб турадиган гўзал ишлар мажмуидир. Жумладан, жамият учун ўта манфаатли бўлган йўллар ва кўприкларни қуриш ва таъмирлаш, мактаб-мадраса ва шифохона кабиларни барпо этиш ишлари ҳам уламоларимиз томонидан садақаи жория тоифасидаги савобли ишлар, деб эътироф этилган.
Аллоҳ таоло кафтдек равон ва текис бундай йўл қурилишига, асфальт ётқизилишига ҳисса қўшган барча азизларимиздан рози бўлсин.
Тошкент вилояти вакиллиги
Матбуот хизмати
РАМАЗОН ҲАЙИТИ ТЎҒРИСИДА
Ўзбекистон мусулмонлари идораси Уламолар Кенгашининг навбатдаги онлайн мажлиси бўлиб ўтди. Унда Рамазон ҳайитини кўтаринки руҳда ўтказишга оид кун тартибидаги бир қатор масалалар муҳокама қилинди.
Йиғилишда уламолар ва соҳа мутахассислари томонидан Рамазон ҳайити қайси кунга тўғри келиши ва ҳижрий 1445 йил Шаввол ойи ҳилолини кузатиш бўйича қилинаётган ишлар ҳамда фалакий ҳисоб-китоблар атрофлича таҳлил қилинди.
Шунингдек, дунёдаги йирик фатво идоралари ва нуфузли астрономия институтлари ахборотлари батафсил кўриб чиқилди. Туркий давлатлар диний идоралари масъуллари билан ҳам ушбу масала кенг муҳокама қилинди.
Ўзбекистон мусулмонлари идораси Уламолар Кенгаши фиқҳий қоидалар, фалакий ҳисоб-китоблар ва астрономик кузатишларга таянган ҳолда жорий йилда диёримизда Рамазон ҳайити 2024 йил 10 апрель, чоршанба кунига тўғри келиши кутилаётганини маълум қилди.
Ўзбекистон мусулмонлари идораси Матбуот хизмати
О РАМАДАН-ХАИТЕ
Состоялось очередное онлайн-заседание Совета улемов Управления мусульман Узбекистана. На нем обсуждался ряд вопросов повестки дня, касающихся празднования Рамадан-Хаита.
Улемы и отраслевые эксперты тщательно проанализировали дату, на которую приходится Рамадан, и работу по наблюдению за полумесяцем месяца Шавваль 1445 года по хиджре, а также астрономические расчеты.
Кроме того, была подробно изучена информация крупнейших мировых бюро фетв и престижных астрономических институтов. Этот вопрос также широко обсуждался с ответственными лицами духовных управлений тюркоязычных государств.
Совет улемов Управления мусульман Узбекистана, опираясь на правила фикха, астрономические расчеты и астрономические наблюдения, объявил, что Рамадан Хаит в нашей стране, как ожидается, наступит в среду, 10 апреля 2024 года.
Пресс-служба Управления мусульман Узбекистана
Noto‘g‘ri fatvo haqida
Toshkent shahar "Oq uy" masjidi imom-xatibi
Isroiljon domla Ismoiljonov
ҲАШАР ЭЛГА ЯРАШАР
Обод юртнинг файзи, таровати ўзгача бўлади. Зотан, озодалик, поклик, саранжом ва саришталик юртимизнинг янада кўркам бўлишига замин яратади.
Яқинда Ўзбекистон мусулмонлари идораси, Ўзбекистон фахрийларининг ижтимоий фаолиятини қўллаб-қувватлаш “Нуроний” жамғармаси, Конфессиялар ишлари бўйича кенгаш ҳамда Миллий-маданий марказлар Республика жамоатчилик кенгашининг “Яшил макон” умуммиллий лойиҳасида фаол иштирок этиш юзасидан ҳалқимизга мурожаати эълон қилинди.
5 апрель куни мурожаат юзасидан Наманган вилоят ҳокимлиги, Наманган шаҳар ҳокимлиги, ЎМИ вилоят вакиллиги, вилоят “Нуроний” жамғармаси ва миллий-маданий марказлар билан ҳамкорликда Наманган шаҳридаги Адиблар хиёбонида кўчат экиб, бу гўшанинг ободонлигига ўз ҳиссаларини қўшдилар.
Ўзбекистон мусулмонлари идораси
Наманган вилояти вакиллиги Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.