Бугун Туркий давлатлар диний идоралари раҳбарларининг I йиғилиши якунланганидан сўнг дин пешволари Истанбул шаҳрининг марказида жойлашган “Айюб Султон” мажмуасига ташриф буюрдилар.
Дастлаб анжуман иштирокчилари мазкур мажмуада жойлашган масжидда шом намози ўқидилар. Шом намозига муфтий Нуриддин домла ҳазратлари имомлик қилдилар.
Намоздан сўнг Туркий давлатлар диний идоралари раҳбарлари “Айюб Султон” зиёратгоҳига ташриф буюриб, саҳоба Абу Айюб Ансорийнинг руҳи покларига Қуръон тиловат қилиб, у кишининг ҳақига дуолар қилдилар.

Тарихий маълумотларга кўра, Истанбул тупроқларига саҳобалар фатҳ мақсадида илк марта мелодий 668 йил келишган. Бу қўшин таркибида 63 саҳоба ҳам бўлган. Шу жангда саҳобалардан Абу Айюб ал-Ансорий ва Абу Шайба ал-Ҳудрий шаҳид бўлганлар.

Абу Айюб Ансорийнинг васиятига кўра, у Константинополь деворлари остига дафн этилган. У зотнинг қабри бугунги Истанбулнинг қоқ марказида. Бу зиёратгоҳ “Айюб Султон ота” деб аталади. Айюб Султон масжиди Истанбул фатҳидан сўнг 1558 йилда қурилган илк катта жоме масжид саналади.

Ўзбекистон мусулмонлари идораси матбуот хизмати
Muslim.uz
#Халқаро_анжуман #Муфтий #Туркия #Сафар
@muslimuzportal | @mp3muslim | @diniysavollar

Ўзбекистон мусулмонлари идораси жамоаси кўп йиллар диний-маърифий соҳада хизмат қилиб келган Навоий вилояти собиқ Бош имом-хатиби ҳамда Нурота туманидаги "Чилустун" жоме масжиди имом-хатиби бўлган Насриддин ҳожи домла Атоевнинг вафоти муносабати билан марҳумнинг оила аъзолари ва яқинларига чуқур таъзия изҳор этади.

Аллоҳ таоло марҳум домламизни Ўз мағфиратига олсин, имонларини саломат қилсин, солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!

Ҳақ таоло марҳум домламизнинг барча солиҳ амалларини, динимизга қилган хизматларини, илм-маърифат, зиё таратиш йўлидаги саъй-ҳаракатларини ҳусни қабул айлаб, Ўз мағфиратига олсин, чеккан дардларини барча саҳву хатоларига каффорат қилиб, раҳматига чулғасин, қабрларини жаннат боғчаларидан қилиб, охиратларини обод айласин!

Аллоҳ таоло марҳум домламизнинг аҳли оиласи, фарзанду аржумандлари ва яқинларига чиройли сабр бериб, бу мусибатларини яхшиликлар ила тўлдирсин.

Ўзбекистон мусулмонлари идораси

Бугун, 15 апрель куни Истамбул шаҳридаги “Aё София” қадимий ёдгорлиги мажмуасида жойлашган “Aё-София Фотиҳ” мадрасасининг очилиш маросими бўлиб ўтди.

? Ушбу тадбирда Туркия Президенти Режеп Таййип Эрдоған, Туркий давлатлар ташкилоти директори Бағдод Амраев, Туркия диёнат ишлари бошқармаси раиси Али Эрбош, Ўзбекистон мусулмонлари идораси раиси, муфтий Нуриддин домла Холиқназаров ҳазратлари, Кавказ мусулмонлари идораси раиси Шайхулислом Оллоҳшукур Пошшозода, Қозоғистон мусулмонлари идораси раиси, бош муфтий Наврўзбай Тағанули ҳамда бир гуруҳ давлат ва дин арбоблари иштирок этдилар.

Ушбу тадбирда Туркия Президенти Ражаб Тоййиб Эрдоған сўзга чиқиб, мазкур мадраса тарихи ҳақида сўзларкан, унда дарс берган буюк аждодимиз Али Қушчи ҳазратлари хизматларини эътироф этиб жумладан бундай деди:

"Шонли тарихимизни бугунги кунга ва келажак авлодларга етказиш, инсониятга танитиш ниятида жуда муҳим бўлган бир қадамни ташладик.

Бугун очилишини қилганимиз – "Аё София Фотиҳ" мадрасаси тимсолида тарихдан ўчиб кетиш арафасига келиб қолган бир обидамизни қайтадан шаҳримизга қайтардик.

Қадрли дўстлар, бу ер Истанбулнинг фатҳи сирасида, "Аё София"нинг бунёд этилишида шаҳарнинг биринчи мадрасаси сифатида ишга туширилган эди.

Биринчи муддариси мулла Хусрав бўлган бу даргоҳда Али Қушчи ҳам дарс берган. (Муфтий Нуриддин домла ҳазратларига қараб) Ўзбекистон вакили бор-а! Ҳа, Али Қушчи бу ерда дарс берган.

Мадраса турли йиллардаги таъмир ва қайта қурилишлар билан 1924 йилга қадар талабаларга таҳсил бериш хизматини ўтаган эди".

Ўзбекистон мусулмонлари идораси матбуот хизмати
Muslim.uz
#Халқаро_анжуман #Муфтий #Туркия #Сафар
@muslimuzportal | @mp3muslim | @diniysavollar

 Хабар берганимиздек, Туркия сафари давомида Ўзбекистон мусулмонлари идораси раиси, муфтий Нуриддин домла ҳазратлари Туркий давлатларнинг дин пешволари билан биргаликда бугунги жума намозини адо этиш учун Истанбулдаги бир неча ўн минглаб жамоат тўпланган, қадимий ва бетакрор “Аё София” масжидига ташриф буюрдилар.

 Жума намози аввалида машҳур қориларининг Қуръони карим қироати тингланди. Шундан сўнг Туркия Диёнат ишлари бошқармаси раиси Али Эрбош ҳазратлари Ислом динининг молиявий ибодатлари бўлган – закот, фитр садақалари ҳақида мавъиза қилиб, уларнинг асл мазмун-моҳияти ва ҳаётимизда тутган ўрни хусусида жамоатга сўзлаб берди.

Маъруза давомида Али Эрбош ҳазратлари Туркияда меҳмон бўлиб турган Туркий давлатларнинг дин пешволари ҳақига ҳам дуо қилар экан, ўзаро алоқалар янада мустаҳкамланиши ва бу бирдамлик Ислом дини ривожи йўлида хизмат қилишини Аллоҳдан сўрадилар.

 Жума намозида Туркия Президенти Ражаб Тоййиб Эрдўған иштирок этди.

 Мазкур сафарга оид муҳим янгиликларни ижтимоий тармоқларимиз орқали кузатиб боринг.

Ўзбекистон мусулмонлари идораси матбуот хизмати
Muslim.uz
#Халқаро_анжуман #Муфтий #Туркия #Сафар
@muslimuzportal | @mp3muslim | @diniysavollar

Муборак Рамазон ойи хушхабарларга бой бўляпти. Бугун, 2022 йил 15 апрель жума куни Оҳангарон туманидаги "Чилқори" жоме масжидининг очилиши маросими бўлиб ўтди.

Тадбир, одатдагидек, Қуръони карим тиловати билан бошланди.

Очилиш маросимида Тошкент вилояти ҳокимлиги мутасаддилари, вилоят бош имом-хатиби Жасурбек домла Раупов, имом-домлалар, маҳалла фаоллари, ҳомийлар ва саховатпеша инсонлар, жоме қавми иштирок этди.

Очилиш маросимидан сўнг вилоят бош имом-хатиби Жасурбек домла Раупов жамоатга таъсирчан мавъиза қилиб, илк жума намозини ўқиб берди. Жума намози адо этилгач, қурилиш ишларида иштирок этган юртдошларимиз ва жамоат ҳақига хайрли дуолар қилинди.

2020 йил қурилиши бошланган масжиднинг янги биноси бир вақтнинг ўзида бағрига 700 кишини сиғдира олади. Замонавий масжидга ҳамоҳанг тарзда барча шароитга эга таҳоратхона ҳам қурилди.

Умумий ер майдони 73 гектар бўлган масжид кутубхона, имом-хатиб хонаси, қаровулхонадан иборат. Намозхонларга қулайлик яратиш мақсадида масжидга учта дарвоза ўрнатилди.

Ўзбекистон мусулмонлари идораси матбуот хизмати