Ўтган ҳафтада диний-маърифий соҳада рўй берган муҳим хабарларнинг қисқача тафсилоти

00:00 Анонс
00:47 Қардош муфтийлар ҳамкорлик алоқаларини муҳокама қилдилар
01:38 Республикамиздаги отинойилар учун ўқув семинарлари ўтказилмоқда
02:23 Фуқаролар қабул жараёнидан мамнун
02:53 Янги нашр: ҳадислар тўплами тақдимот қилинди
03:33 Наманган вилояти бош имом-хатибига янги ўринбосарлар тайинланди
04:11 Диний таълим муассасаларида оралиқ назоратлари бошланди
05:35 "Термизийлар авлодимиз” шиори остида тадбир ўтказилди
06:13 Muslim.uzда ҳафта давомида эълон қилинган сара мақолалар билан танишинг

Ўзбекистон мусулмонлари идораси Матбуот хизмати

Макка шаҳрининг диққатга сазовор жойларидан бири бўлган «Манзил намозхонаси зали» дунёдаги энг баланд намозхона деб эътироф этилди. Шу билан бирга Гиннеснинг рекордлар китобидан жой олди ва тарихга кирди. Ибодатхона иймон ва гўзаллик рамзи бўлиб, икки минора ўртасида жойлашган.

Манзил намозхонаси зали Jabal Omar Development Company томонидан қурилган бўлиб, ҳашаматли меҳмонхона «The Address» Jabal Omar меҳмонхонасининг бир қисмидир. 
Намозхона залининг баландлиги 165 метрдан иборат. 

 
Ўзининг ажойиб меъморчилиги билан ажралиб турадиган намозхона машҳур меҳмонхонанинг икки минорасини боғлайдиган осма кўприкда жойлашган бўлиб, Макканинг гўзаллигини яна ҳам кўркам ҳолатда тақдим этади. Замонавий ускуналар ва хизматлар билан жиҳозланган намоз залидан турли миллат мусулмонлари фойдаланиши мумкин. 

Жабал Умар меҳмонхонаси дунёдаги энг йирик меҳмонхоналардан биридир. Меҳмонхонанинг муқаддас масжид яқинида жойлашгани унинг қийматини яна ҳам оширади.

Меҳмонхона дунёнинг турли бурчакларидан ташриф буюрган зиёратчиларга қулайлик яратиш ва юқори сифатли хизматлар кўрсатиш учун муқаддас масжид атрофини ривожлантиришни мақсад қилган.
Ушбу компания машҳур меҳмонхонадан ташқари Макка шаҳрининг чиройини янада яхшилаш учун бир қанча лойиҳалар устида саъй-ҳаракатларни амалга оширмоқда.

Бугун, 25 январь пайшанба куни соат 19:30 да “Алҳамдулиллаҳ Ражабга етдик, Рамазонга ҳам етказ Аллоҳим” номли туркум суҳбатларнинг навбатдаги сони онлайн шаклда бўлиб ўтади.

Ўзбекистон мусулмонлари идораси раиси ўринбосари Жалолиддин домла Ҳамроқулов ва Тошкент шаҳридаги “Холид ибн Валид” жоме масжиди имом-хатиби Исроилжон домла Исмоилжонов Ражаб ойида қилинадиган дуо ва зикрлар ҳақида суҳбат қилиб берадилар, шунингдек, қориларнинг гўзал қироатларидан баҳраманд бўласиз иншааллоҳ.

Мўътабар манбаларда, Ражаб ва Шаъбон ойлари Рамазонга тайёрланиш мавсуми экани баён этилган. Инсон жисми ва руҳини рўзага тайёрлаб, ибодатлар ила ўтказса, Рамазондаги рўза унга ҳузур бағишлайди. Шундай экан, азизлар, ушбу кунларни ғанимат билайлик. Руҳимиз ва танамизни поклаб, улуғ ойга тайёрланайлик, зикр ва ибодатларни кўпайтирайлик. Ражаб ва Шаъбон биз учун шундай имкониятлар ойларидир.

Ижтимоий тармоқлар орқали гўзал суҳбат ва чиройли қироатларни жонли эфирда кузатиб боринг!

Youtube орқали томоша қилиш  https://www.youtube.com/@Muslimuzz 

Facebook орқали томоша қилиш https://www.facebook.com/muslimuzportal  

Instagram орқали томоша қилиш https://www.instagram.com/muslimuzportali/ 

Telegram voice орқали эшитиш https://t.me/muslimuzportal?voicechat

ITV орқали томоша қилиш https://itv.uz/catalog/content/12 

Маънавияти юксак, маърифатли инсон ҳар доим жамиятнинг, давлатнинг бебаҳо бойлиги бўлиб келган. Бундай инсонлар юрт равнақи, жамият тинчлиги, оилалар тотувлигига ўзларининг тажрибалари билан катта ҳисса қўшадилар.

Хабарингиз бор, муҳтарам Президентимиз Шавкат Мирзиёев раислигида 2023 йил 22 декабрь куни Республика Маънавият ва маърифат кенгашининг кенгайтирилган йиғилиши бўлиб ўтди.

Тадбирда муҳтарам Юртбошимиз: "Тарихдан маълум: Ватан ва халқ тақдирига нисбатан таҳдидлар кучайган вазиятда айнан миллат фидойилари – уйғоқ қалбли зиёлилар, шоир ва адиблар, санъат намояндалари, маънавият ва маърифат соҳаси ходимлари жасорат билан майдонга чиққанлар.

Мамлакатимиз ўз тараққиётининг янги, юксак босқичига кираётган ҳозирги пайтда бизга жадид боболаримиз каби ғарб илм-фан ютуқлари билан бирга, миллий қадриятлар руҳида тарбия топган етук кадрлар сув билан ҳаводек зарур", дея таъкидладилар.

Давлатимиз Раҳбарининг мазкур йиғилишда билдирган фикр-мулозаларидан келиб чиқиб, бугун, 24 январь куни Тошкент вилояти “Маънавият ва маърифат” маркази катта мажлислар залида вилоятда фаолият юритаётган отинойилар учун ўқув семинари ташкил этилди.

Ўзбекистон Республикаси Президентининг жамоат ва диний ташкилотлар билан ҳамкорлик масалалари бўйича маслаҳатчиси Музаффар Комилов, Ўзбекистон Республикаси Дин ишлари бўйича қўмитаси раиси Содиқ Тошбоев, Ўзбекистон мусулмонлари идораси раиси ўринбосари, Тошкент ислом институти ректори Муҳаммадолим Муҳаммадсидиқов ташриф буюрган тадбир жуда самарали бўлди.

Йиғилишда Музаффар Комилов мамлакатимизда диний соҳада амалга оширилаётган ислоҳотлар ўз самараси бераётганини алоҳида таъкидлади. Шу билан бирга, адашиб турли оқимлар таъсирига тушиб қолган, қилмишидан чин пушаймон бўлиб, бағрикенглик тамойилига асосан озодликка чиққан аёл-қизлар билан тизимли ишлаш зарурлигини қайд этди.

Бу жараёнда отинойилар ўзларига бириктирилган шахслар билан мунтазам равишда мулоқот қилиши, маҳаллалар, оилалар билан тизимли ишлаши кераклиги таъкидланди.

Ўзбекистон - демократик ҳуқуқий давлат. Юртимизда қонун устувор бўлиши, ҳар қандай ноқонуний диний фаолиятга муросасиз бўлиш муҳим масала экани айтиб ўтилди.

Тадбирда "Бугунги кун отинойиси қандай бўлиши керак?" деган савол ўз жавобини топди.

Сўнгра маърузачилар маъруза-амалиёт тарзида семинарни давом эттирдилар. Отинойилар семинар давомида малакали устозлар томонидан “Ўз жонига қасд қилиш – оғир гуноҳ!”; “Идда ҳақида”; “Аёлларга хос намозга оид муҳим масалалар” каби мавзуларда маърузалар тингладилар.

Семинар маъруза-амалий машғулот тарзида ўтказилганлиги боис, савол-жавоб, дебат усулларидан фойдаланилди. Шу билан бирга, отинойиларнинг мавжуд муаммолар юзасидан берган саволларига жавоблар берилди, фикр-мулоҳаза ва таклифлари тингланди.

Маъруза, амалий машғулот, савол-жавоб, фикр ва тажриба алмашинуви тарзида ўтказилган семинар отинойиларга ҳар жиҳатдан фойдали бўлди.

Тошкент вилояти вакиллиги матбуот хизмати

Шу йил, 24 январь куни вилоятда фаолият олиб бораётган отинойилар учун Фарғона Политехника институти мажлислар залида ўқув-семинар бўлиб ўтди. Ўқув-семинари маъруза-амалиёт тарзида олиб борилди.

Семинарда вилоят бош имом-хатиби Убайдуллоҳ домла Абдуллаев, вилоят бош имом-хатиби ўринбосари Алишер домла Наимов ва Марғилон шаҳридаги «Саиджалолхон тўра» масжиди имом-хатиби Юнусхон домла Мамарасуловлар иштирок этиб, «Ўз жонига қасд қилиш — оғир гуноҳ», «Аёлларга хос намозга оид муҳим масалалар», «Иддага оид ҳукмлар» мавзусида маъруза қилдилар.

Шунингдек, Фарғона вилояти бош имом-хатибининг хотин-қизлар масалалари бўйича ёрдамчиси Ҳилолахон Комилова томонидан отинойилар ўз устида мунтазам равишда ишлаши, илм ва малакасини ошириб бориши, аёлларга хос фиқҳий масалалар, қирқ фарз, дин арконлари юзасидан чоп этилаётган адабиётларни мутолаа қилишлари, Ўзбекистон мусулмонлари идораси томонидан чиқарилаётган Жума тезислари билан мунтазам равишда танишиб боришлари муҳимлиги қайд этилди.

Семинар давомида отинойилар ўзларини қизиқтирган саволларга жавоб ҳам олдилар.

Фарғона вилояти вакиллиги Матбуот хизмати