Дин ишлари бўйича қўмита раисининг биринчи ўринбосари Музаффар Комилов, Ўзбекистондаги Ислом цивилизация маркази масъул ходими Аброр Мухтор Алий, таниқли уламо Шукуруллоҳ домла Эгамбердиев, Тошкент вилояти бош имом-хатиби ўринбосари Миродил Мирджалиловлар вилоят ҳудуддида жойлашган “Қуёшли” бозорида аҳоли билан учрашиб, маърифий суҳбат ўтказишди.

Китобсевар халқимизнинг илм-маърифатли бўлишида китобнинг ўрни, билим олишнинг нақадар аҳамиятли экани, юрт келажаги, ҳар томонлама етук мутахассисларни етиштиришда ота-оналарнинг масъулияти ҳақида маърифий суҳбат қилишди.
Эҳтиёжманд оилалар ҳолидан хабар олинди

Халқ билан мулоқот қилиш, уларнинг дардига дармон бўлиш, кўнгли ўксик инсонлардан ҳол-аҳвол сўрашнинг савоби улуғ, ажри бисёр. Ташрифлар давомида ана шу жиҳатларга алоҳида эътибор қаратилмоқда.

Ташрифлар давомида маънавий-маърифий учрашувлар, аҳоли вакиллари билан юзма-юз мулоқотлар, таниқли уламолар иштирокида жоме масжидларда суҳбатлар ўтказилиши баробарида эҳтиёжманд оилалар ҳолидан ҳам хабар олинмоқда.

Ана шундай тадбирлардан бири Қибрай туманида бўлиб ўтди. Ўзбекистон мусулмонлари идораси муфтий ўринбосари Иброҳим домла Иномов ва Қибрай тумани бош имом-хатиби Зокир домла Зиёвуддиновлар Қибрай тумани “Шеробод” маҳаллаларидаги кам таъминланган, боқувчисини йўқотган, эҳтиёжманд оилалар ҳолидан хабар олишди. Ширин сўзлар билан кўнгилларини кўтаришди. Шунингдек, “Вақф” хайрия жамоат фонди томонидан ажратилган совға-саломлар шу оилага етказилди.

* * *

Тошкент вилоятида ўтказиладиган маърифий тарғибот тадбирлари доирасида жамиятда меҳр-мурувватга ташна, моддий-маънавий кўмак ва ҳимояга муҳтож бўлган инсонлар билан учрушувлар ўтказилмоқда.

Жумладан, Ўзбекистон мусулмонлари идораси раисининг биринчи ўринбосари Ҳ.Ишматбеков, Тошкент вилояти бош имом-хатиби ўринбосари З.Нортожиевлар Зангиота тумани “Имоми Аъзам” ва “Андалус” масжидлари атрофида жойлашган маҳаллалардаги аҳоли билан мулоқот қилдилар ва оилаларга “Вақф” хайрия жамоат фонди томонидан ажратилган совғаларни етказдилар.

Зеро, динимиз таълимотида инсонлар ўзаро бир-бирларига яхшилик қилишга, меҳр кўрсатишга буюрилган.

Ўзбекистон мусулмонлари идораси матбуот хизмати

Ўзбекистон мусулмонлари идораси раиси, муфтий Усмонхон Алимов ҳазратлари бошчиликларидаги бир гуруҳ уламолар Тошкент шаҳри ва Тошкент вилоятига ташрифлари давом этмоқда.
Бугун, муфтий Усмонхон Алимов ҳазратлари бошчиликларидаги уламолар Тошкент шаҳри “Кўкча” даҳасидаги “Шайх Зайниддин” жоме масжидига мўмин-мусулмонлар билан бирга-бирга шом намозини адо этиш учун ташриф буюрдилар.
“Шайх Зайниддин” жоме масжиди имом ноиби Миркамол домла қавмга чиройли суҳбат ва дуолар қилиб бериш учун муфтий ҳазратлари ташриф буюрганларини билдириб, сўзни у кишига берди.
Муфтий ҳазратлари ўз мавъизаларида бугунги кунда мўмин-мусулмонларга муҳтарам Президентимиз раҳнамоликларида жуда катта имкониятлар берилаётгани, шароитлар ҳозирланаётгани ҳақида гапириб, диний-маърифий соҳада қилинаётган ўзгаришлар, янгиланишлар ва хушхабарлар ҳақида сўзлаб бердилар.
Файзли мавъизада муфтий ҳазратлари намозхонларга бугунги кунда мамлакатимизда олиб борилаётган муборак динимиз тараққиёти йўлидаги хайрли ишлар, янги-янги ижроотлар, хушхабарлар ва бундай неъматларга ҳар бир киши туну кун Парвардигорга шукрона қилиши лозимлигини айтиб, Ҳазрати Пайғамбаримиз соллаллоҳу алайҳи васалламнинг “Икки неъмат борки, кўпчилик инсонлар унинг қадрига етмайдилар. У – хотиржамлик ва сиҳат-саломатлик”, мазмунидаги ҳадиси шарифларини изоҳлаб бердилар.
Муфтий ҳазратлари Давлатимиз Раҳбари раҳнамоликларида диний соҳадаги ўзгаришлар, янгиланишлар ҳақида сўз юритиб, хусусан, Мир Араб мадрасасининг дунёдаги нуфузини инобатга олган ҳолда олий мақомга кўтарилгани, 500 йиллигини кенг нишонлашга тайёргарлик кўрилаётгани, Халқаро Ислом академияси, Ҳадис илми олий мактаби, Имом Бухорий халқаро илмий-тадқиқот маркази, илмий мактаблар ўз фаолиятлари йўлга қўйилгани, яқинда ташкил этилган Имом Термизий ўрта-махсус ислом билим юрти тўрт йилдан кейин олий бўлиши, Имом Бухорий ҳазратларига мос шаклда мажмуа қайта бунёд этилаётгани, Етти Пир обод қилинаётгани ҳақида сўз қилиб бердилар. Мана шундай ўзгаришларни кенг халқимиз, айниқса, ёшларимизга етказиш зарурлиги тўғрисида гапирдилар. Ёшларимиз фақат имом-хатибларга эргашишларини алоҳида таъкидладилар.
“Шайх Зайниддин” жоме масжидига жамланган намозхонлар муфтий ҳазратларидан дилни қувонтирадиган янгиликлар ва имону ихлосни бойитадиган сўзларни тинглаб, ўз миннатдорликларини изҳор этдилар.

Ўзбекистон мусулмонлари идораси Матбуот хизмати

Хабарингиз бор, Ўзбекистон мусулмонлари идораси раиси, муфтий Усмонхон Алимов ҳазратлари бошчиликларидаги бир гуруҳ уламолар Тошкент шаҳри ва Тошкент вилоятида халқ билан маънавий-маърифий учрашувлар, аҳоли билан юзма-юз мулоқотлар, жоме масжидларда суҳбатлар ўтказиб, эҳтиёжманд оилалар ҳолидан хабар олишмоқда.

Хусусан, бугун Ўзбекистон мусулмонлари идораси раиси биринчи ўринбосари Ҳомиджон домла Ишматбеков Учтепа туманидаги маҳаллаларга ташриф буюриб, ҳудуддаги кам таъминланган, эҳтиёжманд оилалар ҳамда беморларнинг ҳолидан хабар олдилар. Уларга “Вақф” хайрия жамоат фонди томонидан ажратилган пул маблағлари ҳамда ҳадяларни топшириб оила аҳлларининг хақларига соғлик сиҳат-саломатлик тилаб дуои хайрлар қилдилар.

Албатта, динимизда беморларни зиёрат қилиш савоби улуғ амаллардандир. Пайғамбаримиз соллаллоҳу алайҳи васаллам бизларга беморларнинг ҳаққига дуо қилиш билан бирга, уларнинг ҳам дуоларини олишни буюрганлар. Пайғамбаримиз соллаллоҳу алайҳи васаллам бундай деганлар: “Агар бемор ҳузурига кириб қолсанг, сени ҳаққингга дуои хайр қилишини сўра. Чунки унинг дуоси фаришталарни дуоси каби мустажобдир”.

Халқимиз ичида бемор бўлиб касалхоналарда ётган беморларни билиб билмай қилган гуноҳларини кечириб дардларига шифо ато айласин. Аллоҳ таоло барча беморларимизга шифо берсин.

ЎМИ Матбуот хизмати

Ўзбекистон мусулмонлари идораси раиси маслаҳатчиси, устоз Салоҳиддин домла Шарипов бугун пешин намозида Шайхонтоҳур туманидаги “Хўжа Аламбардор” жоме масжидига ташриф буюрдилар.

Намоздан сўнг устоз йиғилганларга шукрона ва Ватанга муҳаббат ҳақида жуда таъсирчан маъруза қилиб бердилар.

Шундан кейин “Камолон” маҳаласидаги бемор фарзанди бор оила ҳолидан хабар олиниб, у оилага “Вақф” хайрия жамоат фонидан ажратилган пул ҳамда совғалар топширилди.

ЎМИ матбуот хизмати

Бугун, 27 июнь – Матбуот ва оммавий ахборот воситалари ходимлари куни муносабати билан ўтказилган “Йилнинг энг фаол журналисти” танлови ғолиб ва совриндорларини тақдирлаш маросими бўлиб ўтди. Унда мамлакатимиз ОАВ вакиллари, фахрий журналистлар ва талаба-ёшлар иштирок этди.

Мазкур танлов Ўзбекистон журналистлар ижодий уюшмаси томонидан ҳар йили анъанавий тарзда ўтказиб келинади. Ушбу Республика танловида журналистиканинг барча – матбуот, телевидение, радио, интернет ва фотожурналистика йўналишларидаги журналистларнинг ижодий иши сараланади. 2021 йилги танловда 180 нафарга яқин журналистдан 2000 дан зиёд ижодий ишлар топширилди. Улар орасидан 30 нафар ғолиб ва совриндорлар аниқланди.

Танлов ғолиблари сафида Muslim.uz сайти мухбири Баҳриддин Хушбоқов ҳам “Йилнинг энг фаол журналисти” деб эътироф этилди.

Аллоҳ таоло танловнинг барча ғолиблари қатори ҳамкасбимизга ҳам мукофот ва эътирофни муборак қилсин!

Ўзбекистон мусулмонлари идораси матбуот хизмати