Қадимги юнонлар кўз ёруғлик таратади ва инсон шу сабабли кўради, деб ҳисоблаган. Аслида эса кўзга ёруғлик киргани боис инсоннинг кўришини Х асрда яшаган мусулмон олими, математик, астроном ва физик  Ибн ал-Хайтам (Ibn al-Haitham) аниқлади. Ёруғликнинг панжаралар тирқишидан қандай ўтишини кузатаётиб, у тирқиш қанчалик кичик бўлса, тасвир шунчалик ёруғ бўлишини пайқаб қолди ва биринчи қоронғу-камерани (“qamara” арабчадан таржима қилинса, “қоронғу ёки алоҳида хона” деган маънони билдиради) ихтиро қилди.