Фарғонада ташкилот ва корхоналар ҳамда жамоат ташкилотларида “Жаҳолатга қарши маърифат” шиори остидаги тарғибот тадбирлари бўлиб ўтмоқда.

Ана шундай тадбирлардан бири “Фарғона Азот” МЧЖда ўтказилди. Тадбирда Фарғона шаҳар бош имом-хатиби Жўрабек Раҳмонов Исломда илм-маърифат, инсон қадрига бўлган эътибор ва тинчлик ва хотиржамликнинг қадрига етиш ҳақида сўз юритди.

Шунингдек, тадбирда сўзга олганлар хатарли таҳдидлардан сақланишнинг ягона йўли маърифат экани, яхшилик қилиш, шукроналик ҳисси билан яшаш лозимлиги ҳаётий мисоллар орқали тушунтириб берилди.

Очиқ мулоқот сўнгида иштирокчилар халқимиз, хусусан, ёшларнинг маънавий дунёсини бойитиш йўлида бир тану бир жон бўлиб хизмат қилишларини таъкидлашди.

***

Шу йил 19 сентябрь куни Андижон туманидаги “Ҳақиқат” маҳалласида ҳудуд фаоллари иштирокида ёшлар тарбияси бўйича суҳбат бўлиб ўтди.
Маърифий тадбирда Андижон туманидаги “Нажмиддин қори Отабоев” жоме масжиди имом-хатиби Илёсбек домла Зиёҳиддинов мавзу юзасидан кенг тушунча ва маълумотлар берди.

***

19 сентябрь куни Бухоро вилоятидаги “Дилкушо” жоме масжидида умра сафарига бориш арафасидаги зиёратчилар билан учрашув бўлиб ўтди. Унда сафарга тайёргарлик ва муборак ибодат давомида зарур масалалар ҳақида суҳбат ўтказилди.

Ўзбекистон мусулмонлари идораси Масжидлар бўлими

Яқинда маҳалламиз оқсоқоли қўнғироқ қилиб: “Домлажон, маҳалламизга умрага бориш учун иккита ўрин берилган эди, лекин улардан бирининг боришга имкони йўқлиги сабаб кейинроққа суриб беришни илтимос қилди”, деди.  Оқсоқолдан ўша инсон кимлигини сўрадим. У киши “масжид ва кўчаларни ҳар жума куни эрта тонгда супуриб юрадиган Абдуллоҳ акамиз” деса бўладими?! Бу гап юрагимга тиғдек қадалди. Сабаби масжидимизда узоқ йиллардан бери ишлаб келаётган 3–4 нафар отахонни умрага юбориш ниятим бор эди. Шу боис оқсоқолга: “Ўринни асргача ушлаб турсангиз, ҳозир пешин намозида мен жамоатга мурожаат қиламан. Бирор саховатпеша инсон чиқиб қолса, Абдуллоҳ акамиз албатта умрага боради”, дедим.

Ҳаёлим 22 йилдан бери бир сўм олмасдан масжид поклигини учун хизмат қилган акамизда эди. У кишини жўнатишни қатъий ният қилиб, пешин намозига чиқдим.

Намоз адо этилгач, жамоатга ўша отахонимизнинг аҳволини тушинтириб, улуғ савобли ишга ҳисса қўшадиган инсонлар бўлса, кимга мурожаат қилиш кераклигини айтдим. Бироқ аср маҳалигача ҳеч ким бу масалада боғланмади. Таваккул қилиб, ҳокимиятга отахоннинг номзодини бериб юбордим.

Аср намози яқинлашганда қўнғироқ бўлди. Бир йигит мурожаатни эшитганини ва ўша умра учун маблағни тўлаб беришини айтди. Бундан қувониб, “Худо сиздан рози бўлсин” дея томоғимга бир нарса тиқилгандек, тилим айланмай қолди. Кўз олдимда Абдуллоҳ аканинг қувончли юзи гавдаланди. Йигитнинг ҳаққига дуо қилдим. У кимлигини ошкор қилишни истамади ва тўловни қаерга қилиш кераклигини сўраб, жума куни жамоатдан дуо олиб беришини сўради.

Кейин билишимча, ўша сахий киши фаррош акамизининг умра тўловларини тўлаб кетибдилар. Ваъдага мувофиқ кечаги жумада ўша йигитнинг ҳаққига алоҳида дуо қилдик.

Умрага бориш хабарини эшитган Абдуллоҳ акамиз хурсандчилигини кўрсангиз эди. Болалардек қувониб, кўзларида ёш билан узоқ дуо қилди.

Иншааллоҳ, шу кунларда отахонимизнинг 22 йиллик меҳнатини Яратган зот ўзининг уйининг тавофи ва Расулимизнинг зиёрати билан сийлайдиган бўлиб турибди.

Азизлар, дунёнинг қоим бўлиб туришига сабаблардан бири яхшиликдир. Сиз ҳам яхши ишларни қилиб қўяверинг, бир куни олдингиздан чиқади, иншааллоҳ.

Муҳаммадназар домла Қаюмов,

“Дўмбиробод” масжиди имом-хатиби

Отабек домла Мамадиев

Ўзбекистон мусулмонлари идораси
Фатво маркази мутахассиси

Токио шаҳрида Қуръони карим маъноларининг япон тилидаги таржимаси тақдимоти ўтказилди.

Тадбирда сўзга чиққан Туркия Республикаси Диёнат ишлари бошқармаси раиси, доктор Али Эрбош ҳазратлари ўтган асрдан бери мусулмон олимларнинг Қуръони каримни олис ўлкаларга етказиш учун тинимсиз саъй-ҳаракатлар қилинаётганини таъкидлади.

Шунингдек, Туркия Диёнат ишлари бошқармаси ҳозиргача Қуръони карим маъноларининг 40 га яқин тилга таржима қилинишини назорат қилаётганини айтилди.

Маросим давомида 2018 йилда Қуръони карим маъноларини япон тилига таржима қилиш ишлари бошлангани ва уларнинг нусхаларини имкон қадар кўпроқ одамларга етказиш мақсад қилингани қайд этилди.

Халқаро алоқалар бўлими

Илҳомжон домла Умаржон ўғли
Мўйи муборак Уккоша жоме масжиди