muslim.uz
Нишонга урилган гаплар: “Аёлнинг либоси - унинг ҳаёси ва унга маҳрам эркаклар ҳамияти қандайлигининг таржимонидир”
Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Сизларга шундай замон келадики, байрамларингиз кунларингиздек ўтади.
Али ибн Абу Толиб розияллоҳу анҳу
*****
Аёлнинг либоси - унинг ҳаёси ва унга маҳрам эркаклар ҳамияти қандайлигининг таржимонидир.
*****
Улар бизни кўмишга уриндилар. Ваҳоланки, биз кўмилгандан кейин ҳам униб чиқадиган уруғ эканимизни билмадилар.
Мексика мақоли
*****
Гаплашиш ҳам фойда бермайдиган кимсалар олдида ўзингни билмаганга олиб туришинг энг яхши реакциядир.
“Тарих муҳрлаган сўзлар”
*****
Хато қилиш инсон табиатида бор. Лекин хатоларини оқлаш шайтоний ишдир.
“Тарих муҳрлаган сўзлар”
*****
Тоғлар йўлбарслардан бўшаб қолса, маймун шоҳ бўлиб олади.
“Тарих муҳрлаган сўзлар”
*****
«Пул ҳамма нарсани қила олади» деб ишонадиган кимсанинг ўзи ҳам пулга эришиш учун ҳамма нарса қилади.
«Тарих муҳрлаган сўзлар»
*****
Ҳамма билан тавозуъли бўл. Башарият табиати мағрур ва ўзини катта тутувчи инсонлардан доим нафратланади.
“Тарих муҳрлаган сўзлар”
*****
Чинакам фақир — тиллаю пуллари йўқ кимса эмас, балки, хулқу одоби йўқ кимсадир.
«Фикр дурдоналари»
*****
Баъзи вақтларда ўзингнинг афзал эканингни исботлашга уринишинг хорлик ҳисобланади.
«Тарих мухрлаган сўзлар»
*****
Кишининг инсонларга берадиган энг гўзал ҳадяси — эҳтиромдир.
«Фикр дурдоналари»
*****
Кўпчилик ёмонлар ўзларининг ёмонликларини сезмайдилар.
- Бахил ўзининг бахиллигини тежамкорлик деб ўйлайди.
- Сурбет одам ўзини ошкора гапирувчи деб ўйлайди.
- Чақимчи ўзини насиҳатгўй деб ўйлайди.
- Мағрур ўзини ўзига ишонувчи деб ўйлайди.
“Тарих муҳрлаган сўзлар”
*****
Интернет материалларидан тўплаб, таржима қилувчи
Нозимжон Иминжонов
Муфтий ҳазратга Рамазон ҳайити табриклари келмоқда
Эл-юртимиз учун асрлар давомида эзгулик, саҳоват, меҳр-шафқат, қаноат ва шукроналик рамзи бўлиб келаётган муборак Рамазон ойининг маънавий-руҳий ҳаётимиздаги алоҳида ўрни ва аҳамиятини инобатга олган ҳолда, жамиятимизда меҳр-оқибат, ўзаро аҳиллик ва ҳамжиҳатлик муҳитини янада мустаҳкамлаш, халқимизга хос олийжаноб фазилатлар ҳамда миллий-диний қадриятларимизни асраб-авайлаш ва улуғлаш мақсадида Ўзбекистон мусулмонлари идорасининг ахборотига кўра, Ўзбекистон Республикаси Президенти Ш.Мирзиёевнинг фармонига мувофиқ, Рамазон ҳайитининг биринчи куни 2019 йил 5 июнь куни деб эълон қилинди.
Шу муносабат билан Ўзбекистон мусулмонлари идораси раиси, муфтий Усмонхон Алимов ҳазратлари номига хориждаги бир қатор диний идоралар раислари ва дипломатик корпуслар вакилларидан табриклар келди.
Мазкур табрикномаларда улар Ўзбекистон мусулмонлари идораси раиси, муфтий Усмонхон Алимов ҳазратлари орқали бутун Ўзбекистон мусулмонларини Муборак Рамазон ҳайити билан қутлаб, ўзларининг самимий эзгу тилаклари ва табрикларини йўллашган ҳамда ушбу муборак кунда барча мусулмонларга ва ислом умматига Аллоҳдан хайру – баракот ва муваффақиятлар ато этилишини сўрашган.
Юқоридаги табрикномалар қуйидаги муфтийлар ва элчилар номларидан келган:
- Туркия Республикаси Диёнат ишлари вазири Доктор Али Эрбош;
- Кавказ мусулмонлари идораси раиси, Шайхул ислом Аллоҳшукур Пошшозода;
- Қозоғистон мусулмонлари идораси раиси, муфтий Серикбай ҳожи ОРАЗ;
- Россия Мусулмонлари Диний идораси раиси, Россия Муфтийлар кенгаши раиси Равиль Гайнуддин;
- Туркманистоннинг Ўзбекистондаги Фавқулодда ва Мухтор элчиси Шири Шириев;
- Тожикистон Ислом маркази раҳбари, муфтий Саййид Мукаррам Абдуқодирзода;
- Саудия Арабистони Подшоҳлигиннинг Ўзбекистондаги Фавқулодда ва Мухтор элчиси Ҳишом Муҳаммад ас-Сувайлим;
- Эрон Ислом Республикасининг Ўзбекистондаги Фавқулодда ва Мухтор элчиси Баҳман Оғарозий;
- Фаластиннинг Ўзбекистондаги Фавқулодда ва Мухтор элчиси Муҳаммад Таршаханий лар номидан табриклар келди.
Қутловлар келиши давом этмоқда.
Ўзбекистон мусулмонлари идораси Халқаро алоқалар бўлими
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.