muslim.uz

mercredi, 10 avril 2019 00:00

Халқаро пресс-клуб Ўзбекистон ислом цивилизацияси марказида

Давлатимиз раҳбари Шавкат Мирзиёев 2018 йил 15 июнь – юртимизда муборак Рамазон ҳайити нишонланаётган улуғ бир кунда Тошкент шаҳридаги Ўзбекистон ислом цивилизацияси маркази пойдеворига тамал тоши қўйган эди.

Ўтган бир йилга яқин вақт давомида бу марказда улкан, кенг кўламли қурилиш амалга оширилди.

Халқаро пресс-клубнинг бугунги пресс-тур форматидаги сессиясида Ўзбекистон ислом цивилизацияси маркази фаолиятининг асл моҳияти, бу ерда амалга оширилган қурилиш ишлари ҳақида фикр-мулоҳазалар юритилади.

Унда маълумот берилишича, марказ таркибида 40 мингдан зиёд нодир экспонатларга эга музей, 100 минггача нодир қўлёзма сақланиши кутилаётган кутубхона, қадимий қўлёзма ва тошбосма китоблар, археологик топилмалар, осори-атиқаларни замонавий усулларда реставрация қилиш, тиклаш, нусха олиш ва кўпайтириш бўлими, илмий тадқиқот маркази, нашриёт, анжуманлар зали бўлади.

Пресс-тур давом этмоқда.

Инобат Аҳатова, ЎзА

Манба: http://www.uza.uz

Published in Ўзбекистон янгиликлари

mercredi, 10 avril 2019 00:00

Муфтий ҳазрат Қозоғистондаги анжуманда иштирок этади

Бугун, 10 апрель куни Ўзбекистон мусулмонлари идораси раиси, муфтий Усмонхон Алимов ҳазратлари Қозоғистоннинг Нур-Султон шаҳрида шу йил 11-12 апрель кунлари ўтказиладиган “Маънавий ипак йўли: Ислом ва ёшлар” мавзусидаги анжуманда иштирок этиш учун жўнаб кетдилар.
Мазкур анжуман 2016 йилдан буён ўтказилиб келинади. 2016 йил Хитой Халқ Республикасининг Урумчи шаҳрида, 2017 йил Татаристон Республикасининг Булғор шаҳрида ва 2018 йил Қирғизистоннинг Бишкек шаҳрида ўтказилган.
Сайтимизни кузатиб боринг, анжуман тафсилотларини ёритиб борамиз.

Ўзбекистон мусулмонлари идораси Матбуот хизмати

Published in Ўзбекистон янгиликлари

mercredi, 10 avril 2019 00:00

Саҳобалар ҳаёти – Умар ибн Хаттоб (розияллоҳу анҳу)

ЎМИ Матбуот хизмати

Published in Аудио

mercredi, 10 avril 2019 00:00

Қувайтда қадимий масжид топилди

Alkhalij нашри хабарига кўра, польшалик археологлар Қувайт давлатига тегишли Фаилака оролидан қадимий масжид харобаларини топишга муваффақ бўлишган.

Жамоа раҳбари Агниеска Бинковсканинг айтишича, ушбу масжид Ҳарайеб ал Дашт қишлоғидан топилган. Майдони қарийб 200 квадрат метр бўлган масжиднинг тўртта бир ярим метрлик устуни бўлган.

Археологлар масжид меҳробининг изларини ҳам топишга муваффақ бўлишган.

Эндиликда олимлар ушбу масжидлар қайси даврга тегишли экани устида изланишлар олиб боришмоқда.

Ўзбекистон мусулмонлари идораси Матбуот хизмати

Published in Дунё янгиликлари

mercredi, 10 avril 2019 00:00

Шри Ланкада Қуръони карим сингал тилига таржима қилинди

Жорий йилнинг 7 апрель куни Шри Ланка давлатининг Коломбо шаҳрида сингал тилига таржима қилиниб, чоп этилган Қуръони карим маънолари таржимасининг тақдимоти бўлиб ўтди.

Ушбу тадбирда мамлакат президенти Маитҳрипала Сирисена ҳам иштирок этган.

adaderana.lk нашрини маълум қилишича, ушбу тафсир Ислом тарихини тушунишга ва мусулмонлар ҳаётини тўғри англашга кўмак беради. Ушбу тафсирни яратишда Бутун Цейлон Уламолар жамияти (All Ceylon Jamiyyathul Ulama (ACJU) ташаббус кўрсатган.

Тафсирнинг илк нусхаси Уламолар жамияти муфтийси томонидан мамлакат президентига совға қилинган.

Маълумот учун, Шри Ланка аҳолисининг (2011 йилда) 70.2% фоизини буддавийлар, 12.6% фоизини ҳиндуийлар, 9.7% фоизини мусулмонлар (суннийлар), 7.4% фоизини насронийлар (католиклар) ташкил қилади.
Сингал тили сингал (синҳала) миллатининг миллий тили бўлиб, Шри Ланкадаги йирик этник гуруҳ ҳисобланади. Уларнинг сони тахминан 16 миллионни ташкил этиши қайд этилган.

Ўзбекистон мусулмонлари идораси Матбуот хизмати

Published in Дунё янгиликлари

Page 698 sur 1862

ХОРИЖДАГИ ЮРТДОШИМ САҲИФАСИ

КОНЦЕПЦИЯ

Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.

Шунинг баробарида бизнинг юртдошларимизнинг ҳам хорижий давлатларга чиқиши ортмоқда.

Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.

Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.

Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.

Ушбу рукнда:

- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;

- йўлга чиқувчиларга тавсиялар, маслаҳатлар;

- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;

- Интернет сайтда эълон қилинган мақоланинг аудио формати ҳам тавсия қилинади.

Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.