muslim.uz
Муфтий ҳазрат Қоровулбозор туманидаги ягона ва янги масжидга тамал тошини қўйдилар
Аввал, 21–23 февраль кунлари Бухоро шаҳрида “I Халқаро зиёрат туризми форуми” ўтказилиши ҳақида хабар берган эдик. Анжуманда ўнлаб давлатлардан олимлар, уламолар, туризм соҳаси сармоядорлари, халқаро ташкилотларнинг вакиллари иштирок этади.
Ўзбекистон мусулмонлари идораси раиси, муфтий Усмонхон Алимов ҳазратлари халқаро форумда иштирок этиш учун бугун, 21 февраль куни эрта тонгда Бухоро шаҳрига етиб келдилар.
Муфтий ҳазратлари вилоятга сафарларини хайрли иш билан бошладилар. Бухоро вилояти Қоровулбозор туманида янги қурилаётган жоме масжиднинг биринчи ғиштини қўйиб бериш учун мазкур туманга ташриф буюрдилар. Айтиш мумкинки, ушбу туманда шу кунга қадар бирорта ҳам масжид йўқ эди. Янги жоменинг қурилиши ҳудуд аҳолиси учун жуда катта хурсандчилик ва тарихий воқеа бўлди.
Бухоро вилояти Қоровулбозор туманидаги янги жоме масжидга йирик муҳаддис Абдуллоҳ ибн Муборак номлари берилди. Жоме масжид пойдеворига биринчи тамал тошини муфтий ҳазратлари яхши тилак ва хайрли дуолари ила қўйиб бердилар. Муфтий ҳазратлари ушбу масжид мўмин-мусулмонлар эҳтиёжи, ёшлар тарбияси йўлида катта хизмат қилиши, бундай улуғ савобли ишга ҳисса қўшган вилоят ва туман ҳокимликлари ҳамда мутасаддилари ҳаққига дуолар қилдилар. Янги жоме масжид қурилиши тез орада якунланиб, мўмин-мусулмонларимиз ихтиёрига топширилишини Аллоҳ таолодан сўрадилар.
Маросимда уламолар, маҳалла фаоллари ва мўйсафид отахонлар ҳам иштирок этдилар. Шунингдек, уламолар, нуронийлар ва эзгу ниятда йиғилган қалби пок инсонлар ҳам бирин-кетин пойдеворга ғишт қуйдилар.
Муфтий ҳазратнинг Бухоро вилояти сафарлари давом этмоқда.
Ўзбекистон мусулмонлари идораси Матбуот хизмати
Таҳорат қўлдаги микробларни йўқотишнинг энг мукаммал кўринишидир
АҚШнинг Мичиган штатида ўтказилган тадқиқот натижасида шу нарса маълум бўлдики, 95 фоиз одам қўлларини жуда кам ҳоллардагина ювар, ўшанда ҳам нотўғри кўринишда ювар эканлар.
Ушбу тадқиқот хулосасида айтилишича, қўлларни тўғри ювиш ундаги микроблар ва бактерияларни йўқолишига сабаб бўлар экан. Бунинг учун инсон қўлларини 20 сония давомида совун билан ювиб туриши керак экан. Лекин кўпчиликнинг қўли текширилганда, унда кўплаб бактериялар борлиги аниқланган. Улардан бунинг сабаби сўралганда, қўлларини кам ювишлари маълум бўлди. Ҳатто кўплари ҳожатхонадан чиққандан кейин ҳам қўлни ювиш кераклигини ўйлаб кўрмаганлар.
Аммо мусулмон одам қўлларини бир кунда беш марта ювади. Таҳорат – ажойиб ибодат бўлиб, мўмин киши бу ибодатни бажариш пайтида қўлларини кўп бора ювади. Шунингдек, бу пайтда юзини, билагини, оёқларини, оғиз-бурунларини ҳам ювади. Бу аъзоларни ювишда ҳам қўллар иштирок этади. Хуллас, инсон таҳорт қилиб бўлгунича қўлларини 20 сониядан кўп вақт давомида ювади.
Кўриниб турибдики, таҳорат қилиш барча аъзолар қаторида қўлларни ювиш ва турли зарарли микроблардан қутулишнинг энг мукаммал кўринишидир. Бу микроблар ҳожатхонадан чиққанда, одамлар билан қўл бериб кўришганда, нопок нарсаларни ушлаганда ва ҳоказо ўринларда қўлга ўрнашади.
Аллоҳ таоло Қуръони Каримда намозни таҳоратга боғлаб зикр қилган:
يَا أَيُّهَا الَّذِينَ آمَنُواْ إِذَا قُمْتُمْ إِلَى الصَّلاةِ فاغْسِلُواْ وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُواْ بِرُؤُوسِكُمْ وَأَرْجُلَكُمْ إِلَى الْكَعْبَينِ
“Эй иймон келтирганлар! Намозга турмоқчи бўлсаларингиз, юзларингизни ва қўлларингизни чиғаноқлари ила ювинглар. Бошларингизга масҳ тортинглар. Ва оёқларингизни тўпиқлари ила ювинглар” (Моида сураси, 6-оят).
Аллоҳ таоло юқоридаги оятнинг сўнггида бундай деган:
مَا يُرِيدُ اللّهُ لِيَجْعَلَ عَلَيْكُم مِّنْ حَرَجٍ وَلَـكِن يُرِيدُ لِيُطَهَّرَكُمْ وَلِيُتِمَّ نِعْمَتَهُ عَلَيْكُمْ لَعَلَّكُمْ تَشْكُرُونَ
“Аллоҳ сизларга қийинчилик туғдиришни истамас Аммо сизларни поклашни ва сизларга ўз неъматини батамом қилиб беришни истайдир. Шоядки шукр қилсангизлар” (Моида сураси, 6-оят).
Оятдаги “поклаш” сўзи нопоклик, таҳоратсизлик билан бир қаторда бактерия ва микроблардан ҳам поклашни ўз ичига олади.
Бу оятлар нозил бўлган пайтда одамлар микроб, бактерия деган нарсалар борлигини билмас, уларда бу ҳақида тасаввур ҳам йўқ эди. Лекин ошкор ва махфий нарсаларни Билувчи Зот бизни бактериялардан қутулиб соғ бўлишимиз, покланиб шод бўлишимиз ва бошқа кўплаб Ўзи билган ҳикматларга кўра покликка, таҳоратга буюрган.
Албатта, ушбу оят Қуръони Карим Аллоҳ таолонинг Каломи эканига ёрқин далилдир!
Абдуддоим Каҳелнинг мақоласидан
Нозимжон Иминжонов таржимаси
Нуриддин домла Холиқназаров – Куёвларга насиҳат 2-қисм
ЎМИ Матбуот хизмати
Саҳобалар ҳаёти – Умайр ибн Ваҳб (розияллоҳу анҳу)
ЎМИ Матбуот хизмати
Ҳурмати Каъбатуллоҳдан ҳам юқори бўлган нарса нима?
Аллоҳ таъало Каломи шарифида марҳамат қилади: “Дарҳақиқат, (Биз) одам фарзандларини (азиз ва) мукаррам қилдик ва уларни қуруқлик ва денгизда (от-улов ва кемаларга) миндириб қўйдик, ҳамда уларга пок нарсалардан ризқ бердик ва уларни Ўзимиз яратган кўп нарсалардан афзал қилиб қўйдик”. Исро сураси 70-оят.
Ибн Аббос (р.а.)дан ривоят қилинади: “Расулуллоҳ (с.а.в.) Каъбапўшга осилиб, ушбу байтнинг ҳурмати гуноҳларимни мағфират қилишингни сўрайман деб дуо қилаётган кишини эшитиб, шунда Эй Аллоҳнинг бандаси ўзингни ҳурматингдан сўрагин, албатта, мўминнинг ҳурмати Аллоҳнинг наздида бу байтнинг ҳурматидан улуғ дедилар”.
Ғиёсиддин кичкина Алишер Навоийга: “Эй ўғлим, Иброҳим (а.с.) Каъбани бино қилиб, мағрурланиб қараб турганларида, ғоибдан бир яланғочники кийинтирдингми?, бир очники қорнини тўйдирдингми? бунча мағрурланасан деган овоз келибди дедилар.
Абдураҳмон Жомий айтадилар:
Каъбанинг бунёдкори Иброҳим (а.с.)дир.
Кўнгил каъбасининг яратувчиси Аллоҳ таъолодир.
Алишер Навоий айтадилар:
Кимки бир кўнгли бузуқни хотирин шод айлагай,
Онча борким Каъба вайрон бўлса обод айлагай.
Кўнгли ярим, дилхаста, хожатмандни ҳурсанд қилиш, агарчи Каъба вайрон бўлган бўлса, уни обод қилгандан яхшироқ савобдир.
Бир мўминни дилини оғритиш, кўнглини қолдириш, обрўсини тўкиш, Каъбани вайрон қилгандан ҳам каттарок гуноҳдир.
Абу Саид Худрий (р.а.)дан ривоят қилинади: “Расулуллоҳ (с.а.в.) Қайси бир мўмин оч биродарига таом едирса, Аллоҳ таъоло унга қиёмат куни жаннат меваларидан едиради. Қайси бир мўмин чанқаган биродарига сув берса, Аллоҳ таъоло қиёмат куни унга Роҳиқ ул-махтумдан ичиради. Қайси бир мўмин кийими йўқ мўминга кийим кийдирса, Аллоҳ таъоло унга жаннатнинг кўм-кўк либосларидан кийдиради дедилар”.
Аҳмад Яссавий айтадилар:
Қутиларсан Ҳақ йўлинда жон берсанг,
Ҳулла бўлар бир ғарибга тўн берсанг,
Соя бўлар бир муҳтожга нон берсанг,
Бир очни тўйдирмоқ Ҳаждир ёронлар!
Умматнинг илм денгизи деб ном олган зот Абдуллоҳ ибн Аббос (р.а.) айтадилар: “Мусулмон оилани бир кун, бир ҳафта ёки Аллоҳ таъоло хоҳлаганича таомлантириш мен учун ҳаж кетидан ҳаж қилгандан яхшироқ”.
Алишер Навоий айтадилар:
Каъбаки, оламнинг ўлуб қибласи,
Қадри йўқ, андоқки, кўнгил каъбаси.
Оламнинг қибласи бўлган каъбанинг кўнгил каъбасичалик қадри йўқ.
Тошкент шаҳар Шайхонтохур тумани
“Обидхон Махдум” масжиди имом-хатиби
Атамуродов Абдужалил
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.