muslim.uz
Бишкекда ноодатий масжид очилади
Қўшни Қирғизистон Республикасининг пойтахти Бишкек шаҳрида 2018 йилнинг август ойида 2010 йилда бўлиб ўтган август воқеалари қурбонлари хотирасига бағишлаб масжид очилиши режалаштирилгани маълум қилинди.
Ушбу масжид Бишкекдаги Юнусалиев ва Шопен кўчалари кесишган чорраҳа яқинида қад ростлайди. Масжид қурилиши ишлари 2015 йилда бошланган. Унинг ташаббускори президент Алмазбек Атамбоев экани таъкидланган.
Маълумот учун, масжиднинг умумиц майдоны 10 минг кв. метрга яқин, минорасининг баландлиги 34 метр.
Масжид биноси махсус архитектура дизайни асосида қурилган бўлиб, унда бир вақтнинг ўзида 900 киши намоз ўқиши мумкин.
ЎМИ Матбуот хизмати
2030 йилда Ҳаж ва Умра қандай бўлади?
Саудия Арабистони 2018 йилги Ҳаж мавсумига тайёргарлик ишларини бошлаб юборган. Қироллик 2030 йилгача Ҳаж мавсумидаги барча хизматларни электронлаштирмоқчи.
Бу ҳақда Саудия Арабистони Ҳаж ва Умра Вазирлиги томонидан тайёрланган қуйидаги видеолавҳада маълумот берилган.
ЎМИ Матбуот хизмати
Тожикистонлик зиёратчилардан биометрик маълумотлар Душанбенинг ўзида олинади
Тожикистон дин ишлари, миллий қадриятлар, базмлар ва маросимларни тартибга солиш бўйича қўмитаси берган хабарга кўра жорий йилда Ҳаж сафарига отланган тожикистонликлар мамлакатнинг ўзида дактилоскопик жараёндан ўтказилади.
Зиёратчиларнинг бармоқ изларидан намуналар олиш жараёни бундан аввалги йилларда Саудия Арабистони аэропортида ўтказилган. Ушбу жараёнга ўзгартириш киритиш тўғрисидаги қарор Саудия Арабистони ташқи ишлар идораси таклифи билан қабул қилинган.
Маълумот учун, 2018 йилги Ҳаж мавсумида тожикистонлик зиёратчилар 6 августдан бошлаб Саудия Арабистонига йўл оладилар. Жами 6 мингдан ортиқ тожикистонлик фуқаролар Макка ва Мадина шаҳарларига боришлари қайд этилган.
ЎМИ Матбуот хизмати
Вакилларимиз хабар қилади: Муборак сафар олдидан зиёрат
Қашқадарё вилоят ҳокимлиги ҳамда Ўзбекистон мусулмонлари идорасининг вилоятдаги вакиллиги ҳамкорлигида 24 июль куни Қашқадарёдан муборак ҳажга кетаётган зиёратчиларнинг 150 нафари сафар олдидан Бухорои шариф шаҳрига зиёратга боришди.
Зиёратчилар кеча эрта тонгда Қарши шаҳридаги “Хўжаи Жарроҳ” мажмуасида йиғилиб, Ўзбекистон мусулмонлари идораси бепул ташкил этган махсус автобусларда Бухоро шаҳрига йўл олдилар. Зиёратчиларга ҳажга гуруҳ раҳбари бўлиб кетаётган элликбошиларидан уч нафари ҳамда вилоят ҳокимлиги ва ОАВ вакиллари ҳамроҳлик қилишди.
Зиёратчилар Бухородаги “Мир Кулол” зиёратгоҳи, “Баҳоуддин Нақшбанд” мажмуаси, “Абу Ҳафс Кабир” ва “Чор Бакр” мажмуаларини зиёрат қилиб, бу хайрли тадбирларни ташкил этган мутасаддиларга миннатдорчиликларини изҳор этиб, жонажон Ўзбекистонимиз тинч, осмонимиз доимо мусаффо бўлишини Аллоҳ таолодан сўраб дуолар қилишди, деб хабар беради Қашқадарё вилояти вакиллиги Матбуот хизмати.
ЎМИ Матбуот хизмати
Вақф қилинган китоблар Тошкент вилоятидаги масжидларга етказилди
24 июль куни «Масжид ва мадрасалар учун китоб акцияси» доирасида Тошкент вилоятининг Юқори Чирчиқ туманидаги 5 та масжидга ва Бўстонлиқ туманидаги 24 та масжидга жами ҳисобда 36 млн сўмлик 38 турдаги 1276 та китоб етказиб берилди.
Масжидларнинг ҳар бирига юртимизда нашр этилган «Муаллими соний», «Ҳазрати Нуҳнинг кемаси ва тўфон воқеаси» китоблари ва тасбеҳлар икки донадан, «Қуръони карим», шайх Муҳаммад Содиқ Муҳаммад Юсуф ҳазратларининг қаламларига мансуб, «Одоблар хазинаси» тўплами, «Ислом тарихи» тўплами, «Ҳадис ва ҳаёт» китобидан 9 та жуз, «Муҳаммад соллаллоҳу алайҳи васалламга содиқ Муҳаммад содиқ», «Бахтиёр оила», «Амаллар ниятга боғлиқ», «Зикр аҳлидан сўранг» китобининг 2, 5-қисмлари, «Олтин силсила»1,3, 4, 6-жузи, «Соғлом бола», «Тасаввуф ҳақида тасаввурлар», «Бозор ва унга боғлиқ ҳукмлар» китоблари бир донадан Аллоҳ йўлида вақф мулки қилиб берилди.
Ундан ташқари «Ғийбат ўзи нима?», «Қуръон қалблар шифоси» «Енгил амаллар», «Дунё ва дин одоби», «Осонлаштирилган тажвид қоидалари», «Мен ҳам намоз ўқийман», «Гуноҳи кабиралар», «Умрнинг бир лаҳзаси», ”Ҳанафий фиқҳидан саволлар”, каби китоблар ҳам масжидларга тақдим этилди.
Акциянинг тўртинчи босқичида маблағларини вақф қилган ёки акцияни улашиб бўлсада ёрдам берган барчага раҳмат деб қоламиз.
Фаол бўлайлик! Тўпланган маблағлар эвазига вилоятлардаги масжидларга китоблар олинади ва Аллоҳ йўлида вақф қилинади. Аллоҳ йўлида вақф қилиш имконини қўлдан бой бермайлик, Аллоҳнинг уйларини илму маърифатга тўлдирайлик!
Эслатиб ўтамиз, йиғилган маблағлар эвазига ҳозирги кунгача 92 та масжид уламолар томонидан ёзилган энг сара асарлар билан таъминланди. Сиз ҳам ушбу акцияни қўллаб-қувватланг!
Пул ўтказиш учун пластик рақами (исталган миқдорда, чекловлар йўқ):
8600 3104 5763 1232 (Бакиев Ҳаким номида)
Мурожаат учун телефон:
+998909074554 (Шавкатбек)
+998974490456 (Темурбек)
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.