Абдусамад домла ЖЎРАҚУЛОВ

Тошкент тумани "Ҳамд" жоме масжиди имом-хатиби

Аввал хабар қилганимиздек, Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари, Ўзбекистон халқаро ислом академияси ректори Музаффар Комилов раҳбарлигида бир гуруҳ олимларимиз Миср Араб Республикаси пойтахти Қоҳира шаҳрида хизмат сафарида бўлиб турибди, дея хабар бермоқда Академия ахборот хизмати.

Жорий йилнинг 6-9 декабрь кунлари Миср Араб Республикаси пойтахти Қоҳира шаҳрида 49 та давлат иштирокида  ICESCO Ижроия Кенгашининг 42-сессияси ҳамда Бош конференцияси бўлиб ўтмоқда. Мазкур нуфузли анжуманда Вазирлар Маҳкамаси ҳузуридаги Дин ишлари бўйича қўмита раисининг биринчи ўринбосари, Ўзбекистон халқаро ислом академияси ректори Музаффар Комилов ҳамда Имом Мотуридий халқаро илмий-тадқиқот маркази ходими Ихтиёр Абдураҳмонов юртимиз делегацияси аъзолари сифатида иштирок этмоқда.

Юртимиз делегатларининг Миср Араб Республикасига қилган хизмат сафарлари давом этмоқда.

Дин ишлари бўйича қўмита Ахборот хизмати

Ўзбекистоннинг Қоҳирадаги элчихонаси томонидан Мисрнинг етакчи олий таълим муассасалари билан ўзаро манфаатли ҳамкорликни мустаҳкамлаш бўйича тизимли ишлар олиб борилмоқда, деб хабар беради “Дунё” АА мухбири.

Хусусан, Қоҳира университети археология факультети декани Аҳмад Ражаб Ризқ билан музокаралар ўтказилиб, илм-фан соҳадаги ҳамкорликни мустаҳкамлаш йўналишлари муҳокама қилинди.

Аҳмад Ризқ 2008-2011 йилларда Мисрнинг Тошкентдаги элчихонаси маданият бўйича маслаҳатчиси, ваколатхона ҳузуридаги Маданият маркази мудири лавозимида фаолият юритган, 2017 йилда “Бухоро асори атиқалари ва ислом тамаддуни” номли китоб нашр этган. 2018 йил унинг Самарқандга бағишланган навбатдаги китоби босмадан чиққан.

Ҳозирда араб ва турк илмий манбаларига асосланиб, Тошкент, Хива, Термиз ва Фарғона тўғрисидаги китобларни нашрга тайёрламоқда. У Ўзбекистон Президенти Шавкат Мирзиёевнинг 2020 йил августдаги фармонига мувофиқ «Дўстлик» ордени билан тақдирланган.

Суҳбат чоғида Аҳмад Ризқ халқларимизнинг тарихий мустаҳкам ҳамкорлиги тўғрисида сўзлар экан, минг йилдан ошиқ алоқаларни ўзида акс эттирувчи мамлуклар мероси, Аҳмад Фарғонийнинг Қоҳирадаги изланишлари, Аюбийлар даврида 70 мингдан ортиқ туркий халқларнинг Миср заминида қўним топиши, Қоҳира марказида “Ўзбекия” туманининг мавжудлиги мамлакатларимиз ўртасидаги дўстлик ришталарини мустаҳкамлашга асос бўлиб хизмат қилишини таъкидлади.

Шу муносабат билан Аҳмад Ризқ томонидан Моварауннаҳрнинг буюк тарихини ўзида акс эттирувчи 7 жилдли китоб тайёрлангани, ушбу ноёб қўлланма асосида Қоҳира университети археология факультетининг 5 минг нафардан ортиқ талабаси ва 100 нафардан зиёд профессор-ўқитувчиси магистрлик ва докторлик ишларида фаол фойдаланаётганини қўшимча қилди.

Аҳмад Ризқ археология факультетида тарихий обидаларни таъмирлаш, исломий меъморчилик ва ёғоч ўймакорлигини тадқиқ этиш, тўқимачилик, гиламчилик ва зардўзлик санъати сирларини ўрганишга ихтисослашган 3 та лаборатория ҳам мавжудлигини маълум қилди.

Ушбу лабараторияларда ислом дунёси халқлари, жумладан Бухоро, Самарқанд, Хоразм тарихий-маданий меросига оид маълумотлар берилади.

Музокаралар якунида икки мамлакат ўртасида илм-фан ва таълим соҳасида имзоланган икки томонлама ҳужжатлар ижроси доирасидаги ҳамкорликни фаоллаштириш бўйича келишувга эришилди.

Ўзбекистон мусулмонлари идораси матбуот хизмати

Япониядан келган тилшунос Юто Хишияма татар тилини ўрганаётган бир пайтда ислом динини қабул қилди.

"Татар дўпписини кийиб, татарлар қурган масжидда исломни қабул қилдим", - деб ёзади у ўзининг Инстаграмдаги саҳифасида.

2014 йилда Юто Қозон шаҳрида бўлиб ўтган татар тили ва адабиёти бўйича II Халқаро олимпиада ғолиби бўлди. Кейин Татаристон Президенти Рустам Миннихонов қўлидан мукофот - Қозон федерал университети магистратурасида ўқиш сертификатини олди, у ерда татар тилини ўрганишни давом эттирди.

IslamNews хабарига кўра, олимпиадага қадар ёш йигит китоб ва Интернет ёрдамида Японияда татар тилини мустақил равишда ўрганган, радио тинглаган ва тaтар оммавий ахборот воситаларини ўқиган. Шу вақтда, у икки ярим йил давомида тилни ўрганаётган эди. Татар тилидан ташқари, Юто турк тилини ҳам билади. Қозонда яшаб туриб, бошқирд тилини ҳам ўзлаштирди.

Ўтган йили ёш олим Токио чет тиллар университетида туркий тиллардан дарс бера бошлади.

Ўзбекистон мусулмонлари идораси матбуот хизмати