Ўзбекистон мусулмонлари идораси раиси, муфтий

Нуриддин домла Холиқназаров

Тошкентдаги Олий Мажлис Сенатининг янги биносида Ўзбекистон Республикасининг сайланган Президенти Шавкат Мирзиёевнинг лавозимига киришиш тантанасига бағишланган маросим бўлиб ўтмоқда.

Тантанали йиғилишда Олий Мажлис депутатлари ва сенаторлар, Ҳукумат аъзолари, ижроия ва суд ҳокимияти органлари раҳбарлари, халқаро ташкилотлар ҳамда хорижий давлатлар элчилари, оммавий ахборот воситалари ва фуқаролик жамияти институтлари вакиллари иштирок этмоқда.

Ўзбекистон Республикаси Марказий сайлов комиссияси раиси Зайниддин Низамхўжаев сўзга чиқди.

Маълумки, жорий йил 24 октябрь куни мамлакатимизда муҳим сиёсий воқеа – Ўзбекистон Республикаси Президенти сайлови бўлиб ўтди.

Сайлов жараёнида элликка яқин давлат ва йигирмага яқин халқаро ташкилотдан қарийб минг нафар хорижий, сиёсий партиялар ва маҳаллалардан 64 минг 450 нафар миллий кузатувчи қатнашди.

Муҳим сиёсий жараённи мамлакатимиз ва хорижий давлатлар оммавий ахборот воситалари, интернет нашрларининг 1 минг 672 нафар вакили кенг ёритиб, сайловнинг очиқ-ошкоралигини таъминлашга катта ҳисса қўшди.

Сайловда 20 миллиондан ортиқ  сайловчидан 16 миллиондан зиёди ёки 80,4 фоизи ўз хоҳиш-иродасини эмин-эркин ифода этиб, овоз берди.

Бу билан фуқароларимиз ўзларининг юксак сиёсий фаоллигини, Ватанимиз тақдирига даҳлдорлик туйғуси юксалиб бораётганини ва Янги Ўзбекистон келажагига бефарқ эмасликларини яққол намойиш этди.

Сайлов якунлари бўйича сайловчиларнинг 80,12 фоиз овози билан Тадбиркорлар ва ишбилармонлар ҳаракати – Ўзбекистон Либерал-демократик партиясидан номзод Шавкат Миромонович Мирзиёев Ўзбекистон Республикаси Президенти этиб сайланди.

Марказий сайлов комиссиясининг 2021 йил 29 октябрь куни бўлиб ўтган мажлисида сайлов натижалари кўриб чиқилди ва Шавкат Миромонович Мирзиёев Ўзбекистон Республикаси Президенти лавозимига сайлангани тўғрисида қарор қабул қилинди.

Йиғилишда Зайниддин Низомхўжаев Шавкат Мирзиёевни Ўзбекистон Республикаси Президенти этиб сайлангани билан самимий муборакбод этди.

Шундан сўнг Шавкат Мирзиёевга Ўзбекистон Республикаси Президентининг гувоҳномасини топширди.

Тантана иштирокчилари Ўзбекистон Республикаси Президенти Шавкат Мирзиёевни гулдурос қарсаклар билан олқишлади.

Матназар Элмуродов,

ЎзА

ЎМИ матбуот хизмати

Навоий вилояти Навбаҳор туманида янги очилган "Жўра Хатиб бобо" жоме масжидида адо этилган илк жума намозидан фотолавҳалар

ЎМИ масжидлар бўлими

Бугун масофалар қисқараётган муносабатлар яқинлашаётган,  маданиятлар муштараклашаётган, замон тили билан айтганда, ҳамма нарса “глобаллашаётган” бир даврда яшаб турибмиз. Бугунги кунда турли хил ниқоблар остида мусулмон давлатлар ёшлари онгини заҳарлаш, минг йиллик синовларга дош берган Ҳақ йўлдан тойдириш, уларни жаҳолат, бузуқлик, нодонликка бошлаш билан глобал бошқарувига эришиш учун бор ҳунарини ишга солаётган кучлар мавжудлиги айни ҳақиқат. Бу йўлда миссионерлик ҳаракатларидан, ўз турмуш тарзини тарғибот — ташвиқот қилишдан, оммавий ахборот воситаларидан, хуллас, таъсир ўтказишнинг барча усуллларидан кенг фойдаланишмоқда.

Маълумки, дунё ҳаёти – ҳар бир инсонга берилган ўткинчи синов муддатидир. Ундаги ҳар бир кун, соат, дақиқа ва ҳатто сония инсон учун кўп фойда келтирадиган ғанимат бир фурсатдир, бунда инсон онадан туғилиб, вафот этгунча охират учун сай-ҳаракат қилади. Умр бўйи қилган яхши амаллари эвазига савоб, ёмон амаллари учун гуноҳ ёзилиб турадиган бир муддатдир. Ёшлик ва ўспиринлик даври эса ҳаётнинг энг жўшқин ва ғанимат даври ҳисобланиб, унда тана аъзолари куч — қувватга тўлган ва ҳаракатлар жўшқин бўлиб, киши кўп ютуқларни қўлга киритиши мумкин бўлади. Ёшлик даври ғаниматлиги ҳақида Пайғамбаримиз саллаллоҳу алайҳи вассаллам шундай марҳамат қилганлар: “Ёшлик, ўспиринлик даврини кексайиб, мункиллаб қолишдан аввал ғанимат билинг ва бўш вақни бирор иш билан машғул бўлиб қолишдан олдин ғанимат билинг!”

Демак, ёшликда қилинган ишлар пухта ва мустаҳкам бўлади. Шунинг учун ҳам юртнинг келажаги, унинг мустаҳкамлиги, куч-қудрати ва тараққиёти ўша юрт ёшларининг салоҳияти билан чамбарчас боғлиқдир.Улуғ ҳакимларнинг машҳур гаплари бор: “Ёшликда ўрганилган илм тошга ўйилган нақш кабидир”.

Демак, ҳар бир ота — она фарзандларига ёшлик даврининг бўш кунларини ғанимат билишни ва ундан унумли фойдаланиш зарурлигини тушунтиришлари лозим. Уларни ёшлигидан бошлаб, одоб-ахлоқли қилиб тарбиялаш билан бирга, илму фаннинг барча қирраларини эгаллашга қизиқтириб, ҳалол меҳнатга ўргатиб, пешона тери билан топилган ризқ-рўзида барака бўлиши ҳақида панду насиҳатлар қилишлари айни муддаодир.

Ёшларимизнинг хеч бир фурсатлари беҳуда ва бекор ўтмаслиги лозим. Айниқса карантин муддатида уларни фойдали ишларга жалб этишимиз керак. Барчамиз гувоҳ бўлдик ҳукуматимиз улар учун карантин даврида ҳам таълим олишлари учун имконият яратиб берди. Айни дамда бу машғулотлар ҳам поёнига етди, аммо бу энди хоҳлаган ишларини қилишлари мумкин дегани эмас. Зеро фарзандларимизнинг бўш вақти душманимизнинг иш вақти эканини унутмайлик. Уларга дунёвий билим бериш асносида, инсонийлик фазилатлари, диний қадрятларимиз, миллий урф-одатларимиз каби биз учун азиз жонимиз каби муҳим ахлоқий сифатларни хам ўргатиб борайлик.

Онгли ёшларимиз дўст киму, душман ким эканини яхши ажратиб олишлари лозим. Маълумки ватанимиз жаҳон саҳнида ўзининг мустаҳккам ўрнини эгаллаб бормоқда. Бу давр мамлакатимиз учун осон кечмаслиги табиий. Бу борада келажак эгалари бўлган ёшларимизнинг ўрни беқиёс албатта. Улар маънан етук, жисмонан бақувват, илмий салоҳиятлик бўлсалар, ёт ғоялардан узоқ бўлиб, ўзлари танлаган тўғри йўлда собит турсалар, албатта улар учун заҳмат чеккан ота оналар, устозу мураббийлар, қўни қўшни ва қавму қариндошлар доимо хотиржам бўла оладилар.

Аллоҳ таоло кўзимимзни нури ва қалбимизни ҳузури бўлган жонажон фарзандларимизни доимо ўз ҳифзу ҳимоясида асрасин. Келажакда юртимиз номини дунёга таратишларини  насиб қилсин.

Авазхон ЖАЛОЛОВ
Гулистон шаҳар “Исо ўғли Мусо”
масжиди имом–хатиби.