Қрим ярим оролидаги энг йирик масжидга айланиши кутилаётган Симферополь шаҳридаги жоме масжиди 2020 йилнинг ёз ойларида очилиши маълум қилинди. Бу ҳақда Давлат миллатлараро муносабатлар қўмитаси раҳбари Альберт Кангиев маълум қилган.
“Бу Қрим ҳудудидаги энг катта ва бетакрор қурилиш. Бундай кенг миқёсдаги диний мажмуа ҳали бизда қурилмаган эди. Унинг ажойиб меъморий ечими бир вақтнинг ўзида 4 мингдан ортиқ намозхонни ўз бағрига олиш имкониятини беради. Бу масжид тахминан 2020 йилнинг 21 июнида очилади”, деди Кангиев.
Масжид ҳудуди 3 гектар ерда жойлашган, масжид баландлиги 35 метр, минораларнинг баландлиги эса 50 метрни ташкил этади.
Россия президенти туркиялик ҳамкасби Ражаб Эрдўғонни ушбу масжиднинг очилишига таклиф қилган эди.
Ўзбекистон мусулмонлар идораси Матбуот хизмати
