Фаластин Давлатининг Ўзбекистон Республикасидаги Фавқулодда ва Мухтор элчиси  доктор Муҳаммад Абдулла Таршахоний  жаноблари Ўзбекистон мусулмонлари идораси раиси ўринбосари Шайх Абдулазиз Мансур ҳазратларини Тошкент шаҳар бош имом-хатиби ва "Минор" жоме масжиди имом-хатиби этиб тайинланганлари муносабати билан табрик мактубини йўллади. Унда Шайх ҳазратларининг иш тажрибалари, кучли билимлари мўмин-мусулмонлар бирдамлигини таъминлаш, ватанимиз тинчлигини сақлаш ва ислом маърифатини кенг ёритиш учун етарли эканига ишонч билдирилган. Шунингдек, сиҳат-саломатлик ва янги вазифада муваффақиятлар тиланган.

Маълумот учун, Фаластин Давлатининг Тошкентдаги элчихонаси бир вақтнинг ўзида  ушбу мамлакатнинг Ўзбекистон Республикаси ва Марказий Осиёдаги дипломатик ваколатхонаси сифатида фаолият юритади.

ЎМИ Матбуот хизмати