ЎМИ матбуот хизмати

«Эй мўминлар! Аллоҳдан ҳақ-рост кўрқиш билан қўрқинглар ва фақат мусулмон бўлган ҳолларингизда дунёдан ўтинглар» (Оли-Имрон, 102).

Эй Одам фарзанди! Амалсиз илмнинг мисоли худди ёмғирсиз чақмоқ ва момақалдироққа ўхшайди. Амалсиз олим худди ипсиз камонга ўхшайди. Закотсиз мол худди қояга туз эккан кишига ўхшайди. Аҳмоқ ҳузурида қилинган мавъиза худди ҳайвон ёнидаги дуру гавҳарга ўхшайди. Илми бўлатуриб, қалби қаттиқ бўлган киши худди тошлоқ ерга ўхшайди. Рағбат қилмайдиган кишига қилинган насиҳат қабрлар олдида най чалишга ўхшайди. Ҳаромдан қилинган садақа худди кийимидаги ифлосликларни сийдиги билан ювган кишига ўхшайди. Покланмасдан ўқилган намоз худди жонсиз танага ўхшайди. Тавбасиз олим худди пойдеворсиз бинога ўхшайди. Улар Аллоҳнинг азобидан омон қоламиз, дея хотиржам бўлишяптими? Бас, Аллоҳнинг азобидан фақат зиён кўргувчи қавмгина хотиржам бўлади».

Имом Ғаззолий "Қирқ ҳадиси қудсий"дан

mehrob.uz

Имом Бухорий номидаги Тошкент Ислом институти Таҳфизул Қуръон кафедраси 4-курс талабаси Абдулҳай Охунжонов Имом Ҳафснинг Осим ибн Абун Нажуддан қилган ривояти Шотибия йўли орқали Пайғамбаримиз соллаллоҳу алайҳи васалламга боғланган санади билан ижоза олди.

Ижозани Қуръон қироати бўйича ижоза соҳиби, институтнинг Таҳфизул Қуръон кафедраси мудири Жаҳонгир қори Неъматов топширди.

Ўзбекистон мусулмонлари идораси матбуот хизмати

Германиялик ярим ҳимоячи Месут Ўзил журналистларга берган интервьюсида спортчилик фаолиятининг бошиданоқ ибодатсиз майдонга тушмаслигини тан олди. "Мен мусулмонман. Қуръон оятларини ўқийман. Мен шунингдек Аллоҳдан жамоамиз яхши ўйин кўрсатишини ва ҳамма соғ-саломат бўлишини сўрайман", - дейди Месут Ўзил.
Ўзил "Фенербахче" футболчиси сифатида таништирилди. Матбуот анжуманида ярим ҳимоячи ҳар доим ўзини "Фенербахче"нинг бир қисми деб ҳисоблашини ва болалигиданоқ ушбу клубда ўйнашни орзу қилганини айтиб ўтди. Футболчи Туркия клубида 67-рақам остида тўп суради.
Ўзил энди Германия терма жамоасида ўйнаш ниятида эмаслигини айтди. Унинг қарори томошабинларда олқишларга сазовор бўлди.
"Терма жамоага қайтишга тайёрманми? Мен ўз йўлимга бораман ва ҳеч қачон ортга қайтмайман. Шундай қилиб, йўқ. Терма жамоага барча яхши тилакларимни билдираман, аммо у ерда ҳеч қачон ўйнамайман", - дейди Ўзил.
Месут Ўзил илгари 2014 жаҳон чемпиони ва 2010 жаҳон чемпионати бронза медали совриндори бўлди ва 2012 ва 2016 Европа чемпионатида бронза медалини қўлга киритди. Германия терма жамоасида ўйнаган этник турк ҳисобланади. Islam.ru маълумотларига кўра, ярим ҳимоячининг Туркия Президенти Ражаб Тойиб Эрдўғон билан биргаликдаги сурати сабаб немис жамоатчилиги танқидидан сўнг "ирқчи ва адолатсиз муомала" ни ҳис қилаётганини айтиб, "Бундестим"ни тарк этди.

Ўзбекистон мусулмонлари идораси матбуот хизмати

Марҳамат (раҳмдиллик) ҳам гўзал ахлоққа киради. Марҳамат дегани, бошқаларга ачиниш туйғусидир. Ҳадиси шарифда Пайғамбаримиз соллаллоҳу алайҳи васаллам буюрадиларки:

من لا يرحم لا يرحم (راموز الاحاديث: 12/446)

«, у ҳам марҳамат кўрмайди». Яъни Аллоҳнинг марҳамати ва раҳматига эришмайди, балки Унинг балоси ва жазосини тортади. Демакки, инсон раҳмдил, марҳаматли бўлиши керак!

Пайғамбаримиз соллаллоҳу алайҳи васаллам ҳадиси шарифларининг асосий ўзига хос хусусиятларидан бири уларнинг тушунарли бўлишлигидир. Расулуллоҳ соллаллоҳу алайҳи васаллам ҳар қандай одам тушуна оладиган шаклда, энг гўзал ва чуқур ҳақиқатларни осон тушунтирадилар. Баъзан ўхшатишлар қўллаб, баъ-зан воқеалар ҳикоя қиладилар.

Марҳамат қиладиларки:

«Бир ахлоқи ёмон аёл бор эди. Чўлда кетаётиб, чанқади. Бир қудуққа етди. Эҳтиёт бўлиб, қудуққа тушиб сув ичди, чанқоғи босилди. Ташқарига чиқиб кўрдики, бир ит роса чанқаганидан тили осилиб қолган; иссиқдан юришга ҳолу мадори қолмаган эди. Юраги ачиди. «Бу ҳам мен каби чанқаган экан. Қуёш нурида, иссиқдан мажоли қолмабди, ҳолдан тойибди. Шунга сув берайин» - деб, тиқилиб-суқилиб яна қудуққа тушибди. У пайт челак, арқон бўлмаган. Оёқ кийимига сув тўлдириб юқорига чиқибди ва шу тахлит итга сув берибди... Аёлнинг бу иши Аллоҳнинг мағфиратига, авф этишига, жаннатга киришига сабаб бўлди» - дейилади ҳадисда.

Яна бир ибратли ҳикоя: Бир аёл мушук туфайли ғазабланди. Ким билади, балки тирмалагандир, балки идишидаги овқатини еб қўйгандир. Уйини ифлос қилганми ёки бирор нарсани йиртганми, ишқилиб, мушук табиатига хос бир иш қилган. Аёл бу мушукни қамаб, овқат ҳам бермаган, қўйиб ҳам юбормаган. Натижада мушук қамалган жойида ўлди. Бундай шафқатсизлиги туфайли, Аллоҳ у аёлни жаҳаннамга солди» дея, марҳамат қиладилар Расулуллоҳ соллаллоҳу алайҳи васаллам.

Демак, марҳамат, раҳм инсонни Аллоҳнинг раҳмат ва розилигига етказса, шафқатсизлик, бераҳмлик уни Аллоҳнинг ғазабига, жазосига мубтало қилади.

"Ислом ва ахлоқ" китобидан олдинди