Хожа Аҳрор Валий масжиди Чорсу майдонидаги Регистон ансамблининг марказий қисми ҳисобланади. Масжиднинг асоси IX асрда қурилган.

Убайдуллоҳ Аҳрор – сўфийликнинг буюк устаси, мусулмон уламоларининг бошлиғи ва Муҳаммад пайғамбарнинг авлодидан бўлган. У кўчиб ўтишга тайёргарлик кўрар экан, Тошкентнинг қадимий Гулбозор маҳалласида катта жума масжиди қуришни буюради.

Тошкентнинг Жума масжидининг биринчи биноси 1451 йилда шайх Убайдулла Хожа Аҳрорнинг (1404-1490) маблағига қурилган.

Масжиднинг ичида узун ҳовли атрофи бўйлаб пештоқли бўлмалар, таҳоратхона – мусулмонлар намоз ўқишдан олдин покланадиган жой қурилган. Масжиднинг безаги содда бўлган.

Масжид 1868 йилда зилзила оқибатида катта зарар кўради. 20 йил ўтиб, 1888 йилда, у Россия императори Александр III томонидан Бухоро амирига тақдим этилган маблағлар ҳисобига қайта тикланди, шундан сўнг, масжид Подшо масжиди деб атала бошлади.

2003 йилда масжид қурилиш ва безашнинг замонавий усулларидан фойдаланилган ҳолда қайтадан таъмирланди.

Манзил: Тошкент ш., Навоий кўчаси, “Чорсу” майдонида жойлашган.

Кийиниш талаблари: Ўзбекистонда аёллар диний диққатга сазовор жойларни зиёрат қилишда тананинг очиқ қисмларини (елкалар, орқа ва оёқлар) ёпиб юриши мақсадга мувофиқ.

Исломдаги энг гўзал буйруқлардан бири силаи раҳм, яъни, яқинлар билан қариндошлик ришталарини боғлаш, дўстларга меҳр-оқибат кўрсатишдир. Силаи раҳм аввало Аллоҳ таолони бандаларига буюрган амрларидан биридир. Аллоҳ таоло айтади: “Ва ораларингиздаги савол-жавобларда ўртага номи қўйиладиган Аллоҳдан қўрқингиз ва қариндош-уруғларингиз билан ажралиб кетишдан сақланингиз” (Нисо сураси, 1-оят).

Силаи раҳмда Аллоҳнинг розилиги, мўминлар ва фаришталарнинг хурсандчилиги, шайтонга ғам етказиш, умрнинг зиёдалиги ва ризқнинг баракаси каби гўзал хислатлар мужассам.

Абу Ҳурайра (розияллоҳу анҳу)дан ривоят қилинади. Расулуллоҳ (соллаллоҳу алайҳи васаллам): “Кимни ризқи  кенг  ва умри баракали бўлишлиги  хурсанд қилса, силаи раҳмни боғласин”, дедилар (Имом Бухорий ривояти).

Бошқа бир ҳадисда эса Расулуллоҳ (соллаллоҳу алайҳи васаллам): “Ким умрини узун, ризқини кенг бўлишини ва ёмон ўлимдан қутулишни ҳоҳласа, қариндошлари билан алоқасини тикласин”, деганлар (Имом Аҳмад ривояти).

Бу шунчалик улуғ ибодатки, уни бажарган киши қанчалик кўп ажр ва фойдалар топса, уни тарк қилган, унга бепарволик қилган одам шунчалик қаттиқ гуноҳкор ва зиёнкор бўлади. Расулуллоҳ (соллаллоҳу алайҳи васаллам) айтадилар: “Силаи раҳм савобидек тез келадиган яхшилик йўқ. Дунёда тезда азоб бериб, охиратда ҳам азоб келтирадиган гуноҳ силаи раҳмни узишликдир” (Имом Термизий, Имом Аҳмад, Имом Ибн Можа ривояти).

Қолаверса, силаи раҳмнинг дўзахдан узоқлашишига ва жаннатга яқинлашишига сабаб бўладиган амаллар билан бир қаторда зикр қилиниши нақадар улуғ ибодатлигига далолат қилади.

Абу Айюб Ансорий (розияллоҳу анҳу) айтади: “Бир аъробий Пайғамбар (алайҳиссалом)нинг ҳузурларига келиб: “Ё Расулуллоҳ (соллаллоҳу алайҳи васаллам) жаннатга яқинлаштирадиган ва дўзахдан узоқлаштирадиган амалдан хабар беринг!”, деди. Пайғамбаримиз (соллаллоҳу алайҳи васаллам) Аллоҳга ибодат қилишга, Унга ширк келтирмасликка ва намоз ўқишга, закот беришга ва силаи раҳм қилишга буюрдилар (Имом Бухорий, Имом Муслим ривояти).

Демак, силаи раҳм қилиш динимизнинг биз мўминлардан талаб қилган қатъий талаби. Шундай экан, бу гўзал амалга бепарво бўлмайлик.

Ёрбек  ИСЛОМОВ

Олмазор туманидаги “Мевазор” масжиди имом ноиби

Бу йил етти мингдан зиёд юртдошларимиз ҳаж амалларини адо этишди. Улар дунёдаги миллионлаб диндошлари қатори Ислом нозил бўлган табаррук юртга бориб, зиммаларидаги Аллоҳнинг фарзини бажариб қайтишди. Ҳукуматимиз уларнинг ибодатлари динимиз талабларига мувофиқ, қийинчиликсиз ва талафотларсиз ўтиши учун ҳамма ишни қилиб берди.

Ҳаж мусулмоннинг иродасини, ихлосини, тақвосини, иймонини имтиҳон қилувчи масъулиятли ва машаққатли ибодатдир. Ҳаж Аллоҳнинг розилигини топиш, Ундан гуноҳлар мағфиратини сўрашнинг энг қулай имкониятидир. Ҳаж тавба-тазаррунинг, покланишнинг, Аллоҳга қурбат ҳосил қилиш ва Унинг жаннатига эришишнинг воситасидир. 

Шундай экан, юртдошларимиз, бу ибодатнинг файзини, шукуҳини, моҳиятини чин дилдан англашга бор куч-ғайратларини сарфлашди. Эндиликда ҳаётларини шунга муносиб равишда давом эттиришга аҳд қилишди.

Мана шундай ибодат завқини чин юракдан ҳис этган Наманган вилояти 15-гуруҳи ҳожилари ихлос билан ибодат қилишлари йўлида яратилган барча шарт-шароитлар учун муҳтарам Президентимизга, мутасадди кишиларга ва гуруҳ раҳбарига ўз миннатдорликларини изҳор қилишди ҳамда қалбларининг энг тўридаги самимий дуоларини Байтуллоҳ атрофида қилишди. 

Биз ҳам барча ҳожиларнинг ҳажлари мабрур, ибодатлари мақбул бўлишини Аллоҳдан сўраймиз.

Ўзбекистон мусулмонлари идораси Матбуот хизмати

Кўксаройда Ўзбекистон Республикаси Президенти Шавкат Мирзиёев ва Миср Араб Республикаси Президенти Абдулфаттоҳ ас-Сисининг тор доирадаги музокаралари бўлиб ўтди. 

Давлатимиз раҳбари олий мартабали меҳмонни юртимизга ташрифи билан қутлаб, бу икки мамлакат ўртасидаги алоқаларда тарихий воқеа эканини таъкидлади. 

“Биз Мисрга инсоният цивилизацияси марказларидан бири, бугунги кунда катта салоҳиятга эга давлат сифатида қараймиз. Мамлакатларимиз ва халқларимиз ўртасида қадимдан алоқалар бўлган. Мана бугун Ўзбекистон билан Миср ҳамкорлигида янги босқич, амалий ишлар бошланмоқда. Ушбу ташрифга тайёргарлик жараёнида мамлакатларимизда фойдаланилмаётган улкан имкониятлар борлиги аён бўлди. Бугун ўтаётган бизнес-форумда қиймати 400 миллион долларлик шартномалар бўйича келишувга эришилгани шундан далолат. Ишонаманки, Миср Президентининг Ўзбекистонга ташрифи ўзаро ҳамкорлигимизда катта натижалар беради”, деди Шавкат Мирзиёев.

Музокарада аввал эришилган келишувлар ва имзоланган ҳужжатларнинг натижалари муҳокама қилинди. Президентлар сиёсий, савдо-иқтисодий, инвестициявий, инновацион ва илмий-техникавий, туризм ва маданият соҳаларида ўзаро манфаатли ҳамкорликни янада фаоллаштириш муҳимлигини таъкидлади. Шу мақсадда икки томонлама шартномавий-ҳуқуқий базани мустаҳкамлаш, турли даражаларда учрашувлар ўтказиш ва шериклик алоқаларини ривожлантириш зарурлиги қайд этилди.

Давлат раҳбарлари халқаро ва минтақавий сиёсатнинг долзарб масалалари юзасидан ҳам фикр алмашди. Минтақавий хавфсизликни мусаҳкамлаш, халқаро терроризм ва диний экстремизмга қарши курашиш масалаларига эътибор қаратилди. Бу борада тажриба алмашиш, идоралараро алоқаларни йўлга қўйиш ва қўшма ишчи гуруҳи ташкил этишга қарор қилинди.

Афғонистонд мустаҳкам тинчлик ва барқарорлик ўрнатиш йўлидаги саъй-ҳаракатларни бирлаштириш, бу масалалар бўйича Ташқи ишлар вазирликлари ўртасида сиёсий маслаҳатлашувлар ўтказишга келишиб олинди.

Президентлар кўриб чиқилган барча масалалар юзасидан қарашлари яқин ва ўхшаш эканлигини таъкидладилар.

Абдулфаттоҳ ас-Сиси Шавкат Мирзиёевни Мисрга ташриф билан боришга таклиф этди.

манба: http://president.uz