Анъанага содиқ қолган ҳолда бугунги тадбиримиз ҳам Қуръони карим тиловати ва дуолар билан бошланиб, дуо қилинди.

Бугунги кун имом-хатиби ҳам диний ҳам дунёвий билимлар соҳиби бўлиши, дунёда юз бераётган воқеъликдан хабардор бўлиб, халқни эзгулик ва бирдамликка чақириши,  ҳақ билан ботилни ажратиб бериши,  икки дунё саодатига чорловчи маърифат пешвоси бўлиши даврнинг талабидир. Шунингдек, ҳозирги пайтда ислом дини ниқоби остида рўй бераётган уруш ва тўқнашувлар, фитна-фасодлар, бузғунчи ғояларнинг найранглари исканжасидан тинч аҳолини ислом динига бўлган этиқодини тўғрилаш, уларга ҳақ йўлни кўрсатиб бериш ҳам уларнинг асосий вазифаларидир.

Бу йил ҳам ана шундай фаол ва иқтидорли имом-хатибларимиз туман ва вилоят босқичида ғолибликни қўлга киритиб, кўрик танловнинг республика босқичига иштирок этишмоқда.

Танлов 70 баллик тизимда олиб борилади. Иштирокчилар аввало рақамлар ёзилган қоғозларни тортиб, ўз чиқиш навбатларини рақамлар тартибида аниқлаб олади. Шундан сўнг, тартиб бўйича чиқиб ҳакамлар ҳайъати столидан саволлар солинган конвертлардан бирини олиб, махсус ажратилган жойга ўтириб, ундаги билет рақамини эълон қилади ва саволларни бирма-бир ўқиб жавоб беради.

Ҳакамлар ҳайъати ҳар бир саволга берилган жавоб учун максимум 10 балл, минимум 2 балл қўйишлари мумкин.

Видеоларни кўриш учун қуйидаги линкни босинг:

Видео 1

Видео 2

Бизни кузатишда давом этинг.

Телеграмдаги каналимизда ҳам воқеалар ривожи билан тезкор танишиб боришингиз мумкин.

Ҳиндистонда кенгуру шаклидаги ахлат қутисини илоҳий шакл деб ҳисоблаган одамлар унга сиғинишни бошладилар. Бу ҳақдаги видеолавҳа ижтимоий тармоқларда тарқалди.

Ҳиндистоннинг Биҳар штати шарқида жойлашган қишлоқ аҳолиси ахлат ташлаш учун мўлжалланган идишни илоҳий буюм сифатида қабул қилганликлари ва у билан муқаддас ҳисобланган амалларни бажаришгани қайд этилди.

Оммавий ахборот воситалари томонидан тарқатилган хабарда ушбу ахлат қутиси маҳаллий ибодатхона ҳудудида ўрнатилгани айтилган. Ибодатхонадан чиққан аёллар “муқаддас” кенгуруга сиғинишган ва унга “илоҳий” сув қуйишган. Ахлат қутисига тангалар ташлашган.

Видеолавҳадан кўриниб турибдики, маҳаллий аҳоли кенгуру шаклидаги ахлат қутиси илоҳийлаштириб янглишганлар. Ижтимоий тармоқ фойдаланувчиларининг фикрларига кўра, аёллар Ганеша номли донишмандлик маъбудасининг шакли  бўлган сичқонга адаштирганлар.

Муқаддас Ислом динида инсонларнинг Роббисидан бошқага ибодат қилиши ширк ҳисобланади. Ширкнинг барча турлари ва кўринишлари инсоннинг маънавий бузилишидан бошқа нарсага олиб келмайди. Чунки ширк яратилганларга бўйин эгишга, ҳеч нарсани яратолмайдиган, ўлдириш, яшатиш ва тирилтириш хусусиятларига эга бўлмаган кишиларга ва ашёларга ибодат қилишга олиб келади.

Тавҳид эса, инсонни яратган Роббисидан бошқага ибодат этишдан сақлайди ва унинг ақлини хурофот ва ваҳималардан қўрийди. Тавҳид инсонни Фиръавинлар ва Аллоҳ таолога қарши илоҳлик этганларнинг салтанатидан қутқаради, уларни фақат Аллоҳга бўйин эгишга ва тавозе қилишга ундайди.

Юсуф алайҳиссалом номидан Куръонда шундай дейилади: “Эй ҳамзиндон дўстларим, тарқоқ—турли-туман “худо”лар яхшироқми ёки ягона ва ғолиб Аллоҳми?” (“Юсуф” сураси, 39-оят).

 Мусулмонлар бир Илоҳга сиғинадиган, Уни рози ва хафа қиладиган нарсаларни биладиган, фақат Уни рози қиладиган ишлар билан машғул бўладиган инсонлардир.

Энг қисқа дуо бу бир сўздан иборат бўлган дуо бўлиб, у أَسْتَغْفِرُ الله “Астағфируллоҳ”дир. “Аллоҳим ўзингдан кечиришингни сўрайман!” деган маънони беради. Ушбу дуо инсон қалбига осудалик сўраб, ўз дуоларининг Буюк Зот томонидан қабул қилинишини тилаб ўқилади айтилади.

Биз бандалар доимо катта ва кичик гуноҳларни ўзимиз билиб ва билмай қиламиз. Бироқ Оламлар яратувчиси инсонларнинг гуноҳлардан фориғ бўлишининг йўли сифатида ушбу дуони марҳамат қилган.

Аллоҳ Қурони Каримда шундай дейди: “Ҳақиқатда, Аллоҳ тавба қилувчилар ва покланувчиларни севади” (“Бақара” сураси, 222-оят).

Ўз қилмишларимиздан виждонимиз қийналиб, қалбан озор чекканимизда ушбу дуони такрорласак, истиғфор айтсак енгиллик бўлади. Дуонинг қисқалиги, уни бир неча бор қайта такрорлашни осонлаштиради. Қанчалик кўп истиғфор айтилса, руҳ шунчалик енгилликни ҳис этади.

Бу ҳақда ҳадисда шундай дейилади:

 من أكثر الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب

 “Кимки кўп истиғфор айтса Аллоҳ унинг мушкулини осон қилади. Ўзи кутмаган томондан мукофотлайди” (Аҳмад, Абу Довуд, Ибн Моджа, Ал Ҳаким, Ал Байхақий ва бошқалар).

Тошкент вилояти Зангиота  туманидаги “Эшонгузар” жоме масжидининг янги биноси қурилиши учун биринчи ғишт қўйиш тадбиридан фотолар жамланмаси

Муҳтарам Президентимиз Шавкат Мирзиёевнинг 2017 йил 27 мартдаги «Атоқли давлат арбоби ва ёзувчи Шароф Рашидов таваллудининг 100 йиллигини нишонлаш тўғрисида»ги қарорига мувофиқ ушбу сана мамлакатимиз миқёсида катта тантана билан нишонланмоқда.

Бугун, 6 ноябрь куни Жиззах вилоятидаги ушбу санага бағишланган дастлабки тадбир Шароф Рашидов хотирасига эҳсон дастурхони ёзиш билан бошланди. Ушбу тадбирда улуғ адиб руҳини шод этиш мақсадида, Қуръони карим оятларидан тиловат қилинди ва Ўзбекистон мусулмонлари идораси, муфтий Усмонхон Алимов ҳазратлари томонларидан атоқли давлат арбоби ҳақига дуолар қилинди.

Шундан сўнг, Жиззах вилоятидаги Шароф Рашидов хотирасига бағишланган тадбирлар кетма-кетлиги бошланган. ЎзА хабарига кўра, тадбирларда Ўзбекистон Республикаси Президенти Шавкат Мирзиёев иштирок этиб, нутқ сўзлади.

Давлатимиз раҳбари Шароф Рашидовнинг ўзбек халқи манфаатлари йўлидаги улкан хизматлари ҳақида алоҳида тўхталди. Шароф Рашидов оддий халқ орасидан чиққани, ноёб ақл-заковати, меҳнатсеварлиги ва камтарлиги билан катта обрў-эътибор қозонгани, халқимизга садоқат билан ҳалол хизмат қилганини таъкидлади.

Шароф Рашидов умр бўйи ўз халқига, барча соф ниятли инсонларга яхшилик қилиб, уларни улуғ мақсадлар йўлида бирлаштириб, эзгу ишларга сафарбар этиб яшади, дея таъкидлади Шавкат Мирзиёев. Бу олижаноб, донишманд ва бағрикенг инсон, қандай суронли синовларга дуч келган бўлмасин, юксак гуманистик ғояларга доимо содиқ бўлиб, халқимиз қалбида яхши ном, сўнмас хотира қолдирди.

Шароф Рашидов республика раҳбари сифатида зиммасидаги улкан вазифаларга қарамасдан, ўзи бутун борлиғи билан севган адабиётга ҳамиша содиқ қолди. У ўзининг бетакрор истеъдоди билан эзгу қадриятларни тараннум этган роман ва қиссалар, шеър ва достонлар, публицистик мақолалар яратди, деди муҳтарам Президентимиз.

Бу адибнинг 100 йиллик юбилейига бағишлаб мамлакатимиз бўйлаб ўтказилаётган тадбирларда халқимизнинг улуғ адибни қанчалар ардоқлаши, унинг ижодий мероси, одамлар дардига малҳам бўлишдек ўзбекона сифатлари ва фазилатларини қадрлаши намоён бўлмоқда. Хусусан, Жиззах вилояти мусиқали драма театридаги ўтказилган хотира кечасида ҳам ушбу эътибор ва эҳтиром ўзининг ёрқин ифодасини топди. Унда юртимиз санъат усталари томонидан миллий ашула ва жаҳон санъатининг энг сара асарларидан намуналар ижро этилди.

Саҳна ортидаги улкан мониторда донишманд инсоннинг болалик ва ёшлик даврлари, уни вояга етказган ота-онаси сиймолари, Шароф Рашидовнинг она Ватанимиз, халқимиз ғурурини кўтариш, юртимизни обод этиш йўлида бутун борлиғини тикиб олиб борган ҳаёти, Президентимиз раҳнамолигида адиб номини абадийлаштириш борасида амалга оширилаётган ишлар, бугунги дориломон ҳаётимиз акс эттирилган лавҳалар намойиш этилди.

Атоқли давлат арбоби ва ёзувчининг хотирасига бағишланган кечалар, маънавий-маърифий тадбирлар мамлакатимиз бўйлаб давом этмоқда.

Ўзбекистон мусулмонлари идораси

Матбуот хизмати