www.muslimuz
МАЗЛУМНИНГ ДУОСИДАН САҚЛАНАЙЛИК!
8- حديث ابْنُ عَبّاسٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ بَعَثَ مُعاذًا إِلى الْيَمَنِ فَقالَ: اتَّقِ دَعْوَةَ المَظْلُومِ فَإِنَّها لَيْسَ بَيْنَها وَبَيْنَ اللهِ حِجابٌ
8- Ибн Аббос розияллоҳу анҳумо ривоят қилган ҳадис: Пайғамбар соллоллоҳу алайҳи ва саллам Муоз розияллоҳу анҳуни Яманга жўнатиб шундай дедилар: “Мазлумнинг дуосидан сақлангин, зеро, у(нинг дуоси) билан Оллоҳнинг ўртасида бирон парда-тўсиқ йўқдир”.
Арабчадан Зиёуддин МАНСУР таржимаси
Ўзбекистон якка сайёҳлар учун энг хавфсиз давлатлар қаторидан жой олди
Саёҳатлар учун мўлжалланган Wegoplace онлайн-сервиси 2019 йилда якка сайёҳлар учун энг хавфсиз ҳисобланган давлатлар рейтинги Solo Travel Safety Report 2019’ни эълон қилди.
Бу ҳақда Ўзбекистон бош вазири ўринбосари Азиз Абдуҳакимов Facebook ижтимоий тармоғидаги саҳифасида маълум қилди. Эътиборлиси, Ўзбекистон ушбу рейтингнинг етакчи бешталигидан жой олди.
Ҳисобот 142 та давлат вакилларидан бир неча мезон бўйича сўровнома асосида тузилган. Уларга тунги шаҳар бўйлаб сайр вақтида ўзларини қанчалик хавфсиз ҳис қилишлари, маҳаллий полицияга қанчалик ишонишлари ва бирор ҳужум ёки талончиликка учраганлари ҳақида саволлар берилган.
Натижалар эса энг юқори хавфсизлик индексига Сингапур (97 бирлик) эгалигини кўрсатган. Ундан кейинги ўринларни Норвегия, Исландия ва Финляндия эгаллаган, улардан ҳар бирининг хавфсизлик индекси 93 бирликни ташкил қилган. 5-ўринни эса 91 бирлик билан Ўзбекистон эгаллаган.
Ундан кейинги ўринларни Ҳонгконг (91), Швейцария (91), Канада (90), Индонезия (89) ва Дания (88) эгаллаган.
Давлатлар ҳисоботда 4 даражали хавфсизлик схемаси бўйича баҳоланган: 1-гуруҳга сафар уюштириш энг хавфсиз бўлган, 4-гуруҳга эса бориш қатъиян тавсия қилинмайдиган давлатлар киритилган.
Ўзбекистон 1-гуруҳга, яъни якка сайёҳлар ўзларини хавфсиз ҳис қиладиган давлатлар қаторига киритилган.
Ўзбекистон мусулмонлари идораси Матбуот хизмати
Малайзияда “Имом Ал-Бухорий” номи зиёрат туризмини ривожлантирувчи бренд
Жорий йилнинг 19 сентябрь куни Ўзбекистон Республикаси Туризмни ривожлантириш давлат қўмитаси биносида хорижий инвестицияларни жалб қилиш бўлими вакиллари Малайзиянинг PacPlus Resources, Midlands Aviation Asia Pacific (M) Sdn.Bhd. ва Malaysia-Uzbekistan Chamber of Commerce компаниялари вакиллари билан учрашди.
Хорижий делегация вакиллари Ўзбекистон ҳукумати томонидан қабул қилинаётган чора-тадбирлар ҳамда туристик соҳанинг тезкор ривожланишини таъминлаш бўйича амалга оширилаётган ишлардан хабардор қилинди. 85 мамлакат, шу жумладан Малайзия фуқаролари учун визасиз режимнинг жорий этилиши, виза жараёнларининг соддалаштирилиши, электрон виза бериш тизимининг йўлга қўйилиши, шунингдек машҳур хорижий ОТМларни жалб қилган ҳолда туризм соҳасидаги кадрлар тайёрлаш тизимини сифат жиҳатидан яхшилашга йўналтирилган чора-тадбирлар шулар жумласидандир.
Малайзия компаниялари вакиллари туризм секторида инвестиция лойиҳалари учун тақдим этилаётган имтиёз ва преференциялар билан батафсил таништирилди. Ўз ўрнида, хориж томон ташрифнинг сифатли ташкил этилгани учун миннатдорчилик билдириб, икки томонлама ҳамкорликнинг бошланиши Ўзбекистонда туризмни ривожлантиришга катта эътибор қаратилаётган даврга тўғри келганини қайд этди.
Туризмни ривожлантириш давлат қўмитаси матбуот хизмати хабарига кўра, Малайзия компаниялари вакиллари икки томонлама алоқаларни ривожлантиришга бор кучларини сарфлашга тайёр эканини маълум қилишди. Учрашув доирасида зиёрат туризми салоҳиятли йўналишлардан бири сифатида эътироф этилиб, салоҳиятли сармоядорларга республикада уни ривожлантириш бўйича амалга оширилаётган ишлар ҳақида зарур маълумотлар берилди.
Меҳмонлар Малайзияда “Имом Ал-Бухорий” номи зиёрат туризми бўйича туристлар сонини оширишга туртки бера олувчи бренд экани, зеро у ердаги ислом издошларининг сони 3 миллион кишини ташкил қилишини таъкидлашди. Шу билан бирга, туристик оқимни ошириш йўлида авиақатновларни ташкиллаштириш таклиф этилди. Яна бир муҳим йўналиш сифатида туристик хизматлар сифатини ошириш ва кадрлар малакасини оширишга доир дастурлар таклиф қилинди.
Учрашув якунига кўра, томонлар ҳамкорликни давом эттириш муҳимлиги ҳамда бундан кейинги ҳамкорлик режаларини муҳокама қилиш ва ишлаб чиқишга тайёр эканликларини билдиришди.
Ўзбекистон мусулмонлари идораси Матбуот хизмати
Шавкат Мирзиёев Иброҳим Бубакар Кейтага қутлов мактубини юборди
Ўзбекистон Республикаси Президенти Шавкат Мирзиёев Мали Республикаси Президенти Иброҳим Бубакар Кейтага табрик мактубини юборди. Ушбу мактубда Шавкат Мирзиёев Мали Республикасининг Мустақиллик куни билан Мали президенти ва халқини самимий қутлаган. Бу ҳақда president.uz сайти хабар берди.
Ўзбекистон мусулмонлари идораси Матбуот хизмати
ИБН ЖАВЗИЙ РАҲИМАҲУЛЛОҲ
«Зикр қилинишича, Ибн Жавзий раҳимаҳуллоҳнинг қўлида 20 000 (йигирма минг)дан ортиқ яҳудий ва насронийлар Исломга кирган.
У киши сабабли 100 000 (юз минг) киши тавба қилган.
Ўзлари 2000 (икки минг)дан ортиқ асар тасниф этганлар.
Ана шундай олим шогирдларига: «Агар Жаннатга кирганингизда, орангизда мени топмасангиз, «Эй Роббим, фалон банданг бизга Сени эслатиб турарди» деб мен ҳақимда сўранглар» дедилар-да, сўнгра йиғлаб юбордилар. Аллоҳ у кишини раҳматига олсин!
Бугун эса биз амални кам қиладиган бўлиб қолдик. Баъзимизнинг орзуларимиз жуда улкан. Агар (улар) бир кунда беш вақт намоз ўқиса, ўзини жаннат хушхабари берилганлардан деб ўйлайди.
Баъзимиз агар Имом Нававий раҳимаҳуллоҳнинг «Арбаъийн» ҳадис китобини ёд олса, ўзини «Шайхул Ислом ва дунё имоми» деб ҳисоблайди. Лаа ҳавла ва лаа қуввата иллаа биллааҳ».
Ибн Ражаб Ҳанбалий раҳимаҳуллоҳ
«Зайл Табақот ал-Ҳанабила» китобининг
2-жилд, 481-бетида келтирган.
Интернет маълумотлари асосида Нозимжон Ҳошимжон тайёрлади
Янгиликлар
