?Бугун, 13 август куни юртимиздаги бир гуруҳ таниқли уламоларнинг Жиззах вилоятига ташрифлари бошланади.

Сафар давомида маънавий-маърифий учрашувлар, олис ва чекка ҳудудлардаги аҳоли вакиллари билан юзма-юз мулоқотлар, таниқли уламолар ишитирокида жоме масжидларда суҳбатлар ўтказилиши ва эҳтиёжманд оилалар ҳолидан хабар олиш каби хайрли ишларни амалга ошириш мақсад қилинган.

Шунингдек, вилоят аҳлини юртимизда бўлаётган ўзгаришлар мазмун-моҳияти ҳақида хабардор қилиш билан бир қаторда, уларнинг дарду ташвишларига кўмаклашиш, фикр-мулоҳазаларини тинглаш ва диний соҳага тегишли муаммоларини жойида ўрганиб, бартараф этиш ҳам кўзда тутилган.

Бугун Уламолар қуйидаги масжидларга жума намозини адо этиш ва ҳудуд мўмин-мусулмонларга маърифий суҳбат қилиш учун ташриф буюрадилар (масжидларнинг харитадаги жойлашуви билан):

Шароф Рашидов туманидаги ? “Қўшчинор” масжидига (https://goo.gl/maps/hzbbjr99LNZ2m9c47) Ўзбекистон мусулмонлари идораси раисининг биринчи ўринбосари Ҳомиджон домла Ишматбеков;

Шароф Рашидов туманидаги ? “Жиззахлик” масжидига (https://goo.gl/maps/K8fk9ykqCqK9b6uD8) Ўзбекистон мусулмонлари идораси раисининг ўринбосари Иброҳим домла Иномов;

Шароф Рашидов туманидаги ? “Яккақайрағоч” масжидига (https://goo.gl/maps/2SLCbkexJWmjUWm4A) Ўзбекистон мусулмонлари идораси раисининг маслаҳатчиси Салоҳиддин домла Шарипов;

Жиззах шаҳридаги ? “Раваллиқ” масжидига (https://goo.gl/maps/HLinvHJBaTxaUSa28) Ўзбекистон мусулмонлари идораси бўлим бошлиғи Алижон домла Хайдаров;

Жиззах шаҳридаги ? “Қалия” масжидига (https://goo.gl/maps/8QyBrJ9pTAyBjWgc8) Ўзбекистондаги Цивилизация маркази масъул ходими Аброр Мухтор Алий домла;

Жиззах шаҳридаги ? “Хўжа Нуриддин” масжидига (https://goo.gl/maps/E6kg5YHTNJxPaDyR9) Тошкент шаҳар Юнусобод тумани бош имом-хатиби Раҳматуллоҳ домла Сайфуддинов;

Шароф Рашидов туманидаги ? “Имомтепа” масжидига (https://goo.gl/maps/2XSSSdsXYh7qeF268) Тошкент шаҳар Шайхонтоҳур тумани бош имом-хатиби Собиржон домла Рустамов;

Жиззах шаҳридаги ? “Имом Бухорий” масжидига (https://goo.gl/maps/MM6ic8PxHSiVi2PQ7) Тошкент шаҳар Чилонзор тумани бош имом-хатиби Эргашали домла Рустамов;

Жиззах шаҳридаги ? “Ўратепалик” масжидига (https://goo.gl/maps/NFKhcW1YAfqULE4o7) Тошкент шаҳар, Яшнобод тумани бош имом-хатиби Фазлиддин домла Аллаёров;

Шароф Рашидов туманидаги ? “Тоқчилик” масжидига (https://goo.gl/maps/eSN754EmrS9brMFy8) Тошкент шаҳри “Сирож Солиҳ” масжиди имом-хатиби Ҳасан Қодиров;

Шароф Рашидов туманидаги ? “Қангли” масжидига (https://goo.gl/maps/Lmw111YnBfxrtKny7) Тошкент шаҳар “Доруссалом” масжиди имом хатиби Муҳаммадраҳим домла Абдураҳимов;

Жиззах шаҳридаги ? “Сўлоқли” масжидига (https://goo.gl/maps/hYx7feQBho7YsLE48) Тошкент шаҳар “Яккасарой” масжиди имом-хатиби Салоҳиддин домла Ташанов;

Шароф Рашидов туманидаги ? “Нонисангил” масжидига (https://goo.gl/maps/QiUeK14z2qB9ctMF7) Тошкент шаҳар “Исломота” масжиди имом хатиби Йўлдошали домла Каримов;

Жиззах шаҳридаги ? “Нижонлик” масжидига (https://goo.gl/maps/jZvC5xzXdjuoVEAK9) Тошкент шаҳар “Омина” масжиди имом хатиби Юсуф домла Муҳиддинов;

Шароф Рашидов туманидаги ? “Ҳазрати Билол” масжидига (https://goo.gl/maps/fhNJaJsR3o1JbKsD8) Тошкент шаҳар “Ал Ҳудайбия” масжиди имом хатиби Муродулла домла Хуназаров;

Жиззах шаҳридаги ? “Хожи Усмон” масжидига (https://goo.gl/maps/XMK47DVm9YvQeFMe6) Тошкент шаҳар “Бурҳониддин Марғиноний” масжиди имом-хатиби Абдулҳамид Турсунов.

Қолаверса (https://goo.gl/maps/XMK47DVm9YvQeFMe6), ушбу мулоқот ва тадбирларда Президент маслаҳатчиси Шоазим Миноваров, Дин ишлари бўйича қўмита раиси Содиқжон Тошбоев ва бошқа мутасаддилар ҳам иштирок этиши режа қилинган.

 Аллоҳ таоло вилоятимизга уламоларимиз сафарини хайрли ва манфаатли қилсин!

Яқинларингизга ҳам улашинг

Ўзбекистон мусулмонлари идораси Матбуот хизмати
@muslimuzportal | @mp3muslim | @diniysavollar

❓759-CАВОЛ: Ҳозирги кунда ҳамма жойда вакцина олишга тарғибот кетмоқда. Динимиз бунга қандай муносабат билдиради? Вакцина олишнинг ҳукми қандай?

 ЖАВОБ: Бисмиллаҳир Роҳманир Роҳим.
Маълумки, соғлиқни сақлаш соҳаси мутахассислари қарийб икки йиллик кузатишлар ва изланишлардан кейин коронавирус – COVID-19 касаллигидан сақланишнинг энг самарали воситаси вакцина олиш экани тўғрисида хулосага келдилар.

Динимизда инсоннинг жони, эътиқоди, ақли, моли ва обрўсини сақлаш муҳим кўрсатмалардир. Мана шу жиҳатларга зарар етадиган ҳолатларда шариатимиз зарарни даф қилиш сабабларини қўллашга буюради. Шундай экан вакцина олиш зарурати бир неча жиҳатлар билан таъкидланади.

Биринчидан, динимиз кўрсатмаларига кўра, Аллоҳ таоло ҳар бир дарднинг шифосини ҳам берган. Бу ҳақда Пайғамбаримиз алайҳиссалом шундай деганлар:

ما أنزلَ اللهُ داءً إلَّا أنزلَ له شِفاءً أخرجه البخاري

“Аллоҳ таоло ҳар бир касалликка шифосини туширгандир” (Имом Бухорий ривояти).

Бошқа ҳадисда шундай баён қилинади:

قالَتِ الأعرابُ: يا رسولَ الله، ألَا نتداوَى؟ قال: نَعمْ، يا عبادَ اللهِ تداوَوْا؛ فإنَّ اللهَ لم يَضَعْ داءً إلَّا وضَعَ له شفاءً (رواه الإمام البخاري عن أُسامةَ بنِ شَريكٍ رَضِيَ اللَّهُ عنه).

Пайғамбаримиз алайҳиссаломдан аъробийлар: “Эй, Аллоҳнинг Расули, даволанайликми?”, деб сўрашди. У Зот алайҳиссалом: “Ҳа, эй, Аллоҳнинг бандалари, даволанинглар. Чунки Аллоҳ ҳар бир касалликка даво яратгандир”, дедилар. (Имом Бухорий ривоятлари).

Иккинчидан, баъзи кишилар касал эмаслигини рўкач қилиб, вакцина олишга бепарво бўладилар, ваҳоланки шариатимизда беморликдан аввал ундан сақланишга буюрилган. Бу ҳақда уламоларимиз шундай деганлар:
الوقاية خير من العلاج
“Касалликдан сақланиш уни даволашдан яхшироқдир” (“Ал-Фиқҳул исломий ва адиллатуҳу” китоби).

Демак, бемор бўлмаган кимсалар ҳам касаллик тегишининг олдини олиши ва шунга сабаб бўладиган муолажаларни қилиши динимиз талабидир.

Учинчидан, динимиздаги асосий қоидалардан бири ўзига ҳам ўзгага ҳам зарар бермасликдир. Бу ҳақда Абу Саъид ал-Худрий разияллоҳу анҳудан ривоят қилинган ҳадисда Пайғамбаримиз саллаллоҳу алайҳи васаллам:

عن أبي سعيد الخدري رضي الله عنه: أن رسول الله صلى الله عليه وسلم قال:
"لا ضرر ولا ضرار" (رواه الإمام ابن ماجة).

“Зарар бериш ҳам, зарар кўриш ҳам йўқ”, деганлар (Имом Ибн Можа ривояти).

Демак, вакцинани олишимиз биринчи навбатда ўзимизнинг соғлигимиз, қолаверса, яқинларимизнинг соғлигини сақлашга сабаб бўлади.

Тўртинчидан, ҳозирги кунда Ҳаж ва Умра зиёрати сафарини режалаштираётган кишилардан ҳам биринчи навбатда вакцина билан эмланган бўлиши талаб қилинмоқда. Қолаверса, дунёнинг ҳар қандай давлатига бормоқчи бўлган кишидан вакцина билан эмланганлик сўралмоқда.

Хулоса шуки, ҳозирги кунда давлатимиз томонидан фуқароларимизга етказиб берилаётган вакциналарни олишимизга динимиз рухсат беради. Эмланиш шаръан жоиз, чунки бу даволанишнинг бир кўринишидир. Валлоҳу аълам.

❓CАВОЛ: Баъзилар вакцинанинг таркибида ҳаром нарсалар борлигини айтмоқда. Шундай вакцинадан фойдаланиш мумкинми?

 ЖАВОБ: Бисмиллаҳир Роҳманир Роҳим.
Баъзи кишиларнинг вакцина таркибида ҳаром маҳсулотлар борлиги ҳақидаги гаплари ҳеч қандай илмий далиллар билан исботланмаган. Мабодо вакцина таркибида ўшандай қўшимчалар бўлган тақдирда ҳам, у моддалар кимёвий реакциялар натижасида ўз аслини бутунлай йўқотган бўлса, унинг ҳаромлиги қолмайди ва ундан фойдаланиш жоиз бўлади. Буни шариатимизда истиҳола (яъни, бир моддани бутунлай таркиби ўзгариб, бошқа нарсага айланиб кетиши) дейилади. Шу қоидага биноан, дорилар таркибида ўз асли – ҳаромлигини йўқотган моддалар бўлса-да, улардан фойдаланиш мумкин.

Қолаверса, Мисрдаги "Дорул-ифто" фатво уюшмаси, Бирлашган Араб Амирликларидаги Исломий ишлар идорасининг Шаръий фатво кенгаши ва дунёдаги бошқа йирик фатво ҳайъатлари коронавирусга қарши вакциналарда ҳаром ҳукмидаги маҳсулотлар қўшилган бўлса ҳам истиҳола қоидасига биноан мусулмонлар учун эмланиш жоиз бўлиши ҳақида фатво чиқарганлар. Валлоҳу аълам.

Ўзбекистон мусулмонлари идораси
Фатво ҳайъати.

@diniysavollar

Шариат қонунларига тўла мувофиқ келиш, бепул хизмат кўрсатиш, комиссияларсиз Apple pay ва Samsung pay орқали контактсиз тўловлар Tayyab биринчи рақамли исломий картанинг афзалликлари сирасига киради.

Forbes.kz хабар беришича, ислом молияси тамойилларига мувофиқлиги Shariyah Review Bureau халқаро шариат кенгаши (Саудия Арабистони), шунингдек, Қозоғистон мусулмонлари диний идораси томонидан тасдиқланди.
Мижозларнинг карталари бўйича қолдиқлар фоиз даромадини олиш учун ишлатилмайди, шунингдек, уларга ҳеч қандай фоизлар қўшиб ҳисобланмайди.

Apple Store ёки Play Market Tayyab мобиль иловасини ўрнатиб, бир дақиқада картани чиқариш мумкин. Дарҳол Apple Pay ва Samsung Pay ҳамёнидан фойдаланган ҳолда бутун дунё бўйлаб лаҳзали ўтказмалар ва контактсиз тўловларни амалга ошириш мумкин. Керак бўлганда етказиб бериш билан VISA пластик карточкасига буюртма бериш мумкин.
Пулни тўрт валюта: қозоғистон тангаси, АҚШ доллари, евро, россия рублида сақлаш мумкин. Дунёдаги ҳар қандай банкоматда нақд пулни ечиб олиш мумкин.

Карта Bank RBK ва VISA тўлов тизими билан ҳамкорликда Tayyab биринчи қозоқ ислом финтехи томонидан ишга туширилди. Tayyab институционал инвесторларидан бири Dubai Fintech Ventures венчур фонди ҳисобланади.

"Сўнгги жаҳон трендларига мос келувчи молиявий функциялардан фойдаланиш қулайлиги билан бир қаторда биз фойдаланувчиларимизга исломий ҳаёт тарзини амалда қўллаш учун қулай хизмат кўрсатамиз. Мисол учун, фақат Tayyab иловаси орқали сиз энг яқин масжид, намозхона ёки ҳалол кафени осонгина топишингиз мумкин. Шунингдек, иловада намоз ва азон вақти, қибла компаси, зикр ҳисоблагичи, закот ҳисоблагичи ва яна кўп нарсалар мавжуд", - дейди CEO Tayyab бош директори Дониёр Успанов.

Казино, шунингдек, ҳар қандай қимор ва лотерея бизнеси муассалари, спиртли ичимликлар ва тамаки маҳсулотларини сотишга ихтисослашган дўконларда тўлашга мўлжалланмаганлиги Tayyab биринчи рақамли исломий картанинг қўшимча ўзига хос хусусиятларидан ҳисобланади, ушбу чеклов маҳсулотларни сотиш бўйича универсал дўконларга тааллуқли эмас. Карта барлар ва тунги клубларнинг товарлари ва хизматлари учун тўлашга мўлжалланган эмас, бунда чеклов ресторанлар ва кафеларга тадбиқ этилмайди.

Ўзбекистон мусулмонлари диний идораси матбуот хизмати

Коронавируснинг “дельта” штаммини юқтириб олган покистонлик 106 ёшли фуқаро соғайгандан кейин уйига жавоб берилди, деб хабар бермоқда ARY News телеканали.

Мамлакат телеканаллари тарқатган хабарда айтилишича, 106 ёшга кирган Хасин Биби Карачидаги касалхоналарнинг бирида даволанган ва соғайгандан кейин коронавирус юқтирган беморлар даволанаётган бўлимдан уйига жавоб берилган.

ЎзА хабарига кўра, коронавируснинг "дельта" штамми июлнинг биринчи ярмида асосан Европа мамлакатларида кенг тарқалганди. Қолаверса, Жаҳон соғлиқни сақлаш ташкилоти (ЖСТ) ҳам пандемия тугашига ҳали анча борлиги ҳақда огаҳлантириб турибди.

Коронавируснинг мазкур варианти илк бор 2020 йил октябрь ойида Ҳиндистонда аниқланган. Кейинчалик унинг учта тури пайдо бўлгани ва қатор мамлакатларга тарқалгани ҳақда хабар тарқатилди.

Ўзбекистон мусулмонлари идораси матбуот хизмати