muslim.uz

mardi, 28 mars 2023 00:00

Дунё мусулмонлари Рамазонни қандай кутиб олди? (фотожамланма)

Рамазон ойи бошланиши муносабати билан Reuters бутун дунё мусулмонларининг муқаддас ойни қандай кутиб олаётгани манзаралари акс этган суратларни эълон қилди.

Таровиҳ намозини ўқиётган индонезиялик аёллар. Индонезия, Марказий Жава провинцияси, Соло шаҳри, Шайх Зайд масжиди./ Фото:Reuters

Ифторлик учун ёйилган дастурхон. Покистон, Карачи./ Фото:Reuters

Таровиҳ ўқиётган мусулмонлар. Индонезия, Жакарта. Катта Истиқлол масжиди./ Фото:Reuters

Таровиҳ ўқиётган муслималарни кузатаётган болакай. Индонезия, Жакарта. Катта Истиқлол масжиди./ Фото:Reuters

Таровиҳ ўқиётган мусулмонлар олдида ухлаб қолган болакайлар. Индонезия, Жакарта. Катта Истиқлол масжиди./ Фото:Reuters

Рамазоннинг илк кунида масжид ифторлиги учун овқат тайёрлаётган 46 ёшли ошпаз. Малайзия, Куала-Лумпур./ Фото:Reuters

Рамазонинг биринчи кунида Султон Аҳмад майдони Аё София масжиди фонида ифторлик қилаётганлар. Туркия, Истанбул./ Фото:Reuters

Ифторлик вақтини кутаётган киши. Индонезия, Жакарта. Катта Истиқлол масжиди./ Фото:Reuters

Жамоат билан таровиҳ ўқиётган аёллар. Индонезия, Жакарта. Катта Истиқлол масжиди./ Фото:Reuters

Ифторлик қилаётган мусулмонларга овқат тарқатиляпти. Индонезия, Жакарта. Катта Истиқлол масжиди./ Фото:Reuters

Катта масжидда Қуръон ўқиётган мусулмонлар. Яман, Сано./ Фото:Reuters

Ифторлик вақти бўлганини одамларга билдириш учун отилган тўп. Туркия, Истанбул, Султон Аҳмад масжиди./ Фото:Reuters

2023 йилнинг илк таровиҳида қатнашаётган аёллар. Индонезия, Жакарта. Катта Истиқлол масжиди./ Фото:Reuters

Боласи билан ифторлик вақтини кутаётган эркак. Индонезия, Жакарта. Катта Истиқлол масжиди./ Фото:Reuters

Рамазоннинг илк кунида ойни излаётган 66 ёшли Исҳоқ Шолеҳ. Индонезия, Жакарта. Ал-Мусяриъин масжиди./ Фото:Reuters

Малайзия Ислом маъмурияти ва янги ой чиқишини аниқлайдиган теодолит асбоби. Малайзия, Путражая./ Фото:Reuters

Ифторликни кутаётган эркаклар. Индонезия, Жакарта. Катта Истиқлол масжиди./ Фото:Reuters

Рамазоннинг илк кунида таровиҳ ўқиётган мусулмонлар. Индонезия, Ғарбий Жава вилояти, Бандунг шаҳри, Ал-Жаббор масжиди. / Фото:Reuters

Published in Дунё янгиликлари

lundi, 27 mars 2023 00:00

Ҳудудларда ифторлик тадбирлари ташкил этилмоқда

Ахборот 24

Published in Видеолавҳалар

lundi, 27 mars 2023 00:00

Президент қарори амалда: хонадонларда ифторлик йўқловлари

Рамазон ойи Қуръони карим барокати, гўзал хулқнинг фазилатлари билан зийнатланган муқаддас ойдир. Бу улуғ ойда қиланажак дуолар ижобат бўлади, ибодат ва хайрли амалларнинг ажри юксалади. Нафс турли иллатлардан тозаланиб, қалб покланади. Эътиборлиси, ушбу муборак ойда элимизнинг асрлар оша сайқаллашиб келаётган меҳр-оқибат, саховат ва инсонпарварлик каби хислатлари яққол намоён бўлади.

Президентимизнинг 2023 йил 21 мартдаги “Муборак Рамазон ойини муносиб тарзда ўтказиш тўғрисида” ги қарорида одамийлик, инсон шаънини улуғлаш, яхшилик ва меҳр-саховат каби фазилатларни намоён этадиган, бугунги тинч ва осойишта ҳаётимизни қадрлаш, оила ва маҳаллаларда, бутун юртимизда меҳр-оқибат, ўзаро ҳурмат муҳитини мустаҳкамлаш, кам таъминланган, ижтимоий ҳимояга муҳтож кишиларни ҳар томонлама қўллаб-қувватлашга қаратилган тадбирларни ташкил этишга алоҳида эътибор қаратиш зарурлиги белгиланди.

Ўзбекистон Мусулмонлари идорасининг Наманган вилоятидаги вакиллиги томонидан шаҳар ва туманларда, чекка ва олис ҳудудлардаги эҳтиёжманд оилалар учун ифторлик дастурхонлари ташкил этилмоқда. Унда Рамазон ойининг фазилатлари, бугунги кунда инсон қадрини улуғлаш борасидаги ўзгаришлар ҳақида мулоқот қилинмоқда. Наманган шаҳрининг Байналмилал маҳалласи, “Зафар” кўчасида истиқомат қилувчи 80 ёшли нуроний Сайдулло Ҳамидов Рамазон ойининг илк кунларидаги ифторликни кутилмаган меҳмонлар билан биргаликда қарши олди. Ўзбекистон Мусулмонлари идорасининг шаҳар бўйича вакили, шаҳар бош имом-хатиби Мусохон Аббосиддинов, мазкур ҳудудда жойлашган “Яҳёхон тўра” жоме-масжиди имоми Нуруллоҳ Жамолов табаррук кекса хонадонини йўқлаб, ифторликда иштирок этди.

Самимий руҳда кечган суҳбат давомида давлатимиз раҳбарининг яқинда Сурхондарё вилоятига қилган ташрифи чоғида Рамазон ойида ҳудудларда кам таъминланган оилаларга ифторлик ташкил этиш, уларга хайр-эҳсонлар улашиш борасида берган топшириқлари асосида савобли ишларга киришилгани энг аввало, Янги Ўзбекистонда “Инсон қадри учун!” тамойили кундалик ҳаётимизда ўз ифодасини топаётганлиги таъкидланди.

Ҳамидовлар оиласини вилоят марказидаги ибратли хонадонлардан бири сифатида кўрсатишга муносиб. Боиси, хонадон соҳиби олий маълумотли иқтисодчи сифатида узоқ йиллар халқ хўжалигининг турли тармоқларида самарали ишлади. Етти фарзанд – беш ўғил ва икки қизни элга камарбаста қилиб тарбиялади. Ҳаж зиёратини адо этган, ҳозирда шукроналик ҳисси билан элликдан ортиқ набиралари даврасида умргузаронлик қилмоқда. Сайдулло ота ўзига хос “уч авлод учрашуви” дан беҳад миннатдорлигини билдиргани ҳолда, Ватан равнақи, халқ фаровонлиги, юртимиз барқарорлигини тилаб, дуога қўл очди.

Тадбирда ушбу оилага зарур озиқ-овқат маҳсулотлари ва диний-маърифий китоблар туҳфа этилиб, дилларга қувонч улашилди. Вилоят, шаҳар ва туманлар ҳокимликлари билан ҳамкорликда диний идора мутасаддилари, имом-хатиблар иштирокида кам таъминланган оилалар хонадонларида ифторлик йўқловлари давом этмоқда. Албатта, мамлакат раҳбарининг ташаббуси билан халқимиз учун эзгулик, меҳр-мурувват, саховат, олижаноблик ва шукроналик тимсоли бўлган Рамазон ойида амалга ошрилаётган бу каби улуғвор ишлар жамиятимизда тинчлик, дўстлик, меҳр-оқибат ва бағрикенглик муҳитини мустаҳкамлашга хизмат қилади.

Оқилхон Дадабоев, ЎзА

Published in Ўзбекистон янгиликлари