muslim.uz
Расулуллоҳнинг суннатларида дунё ва охират учун фойдалар бор (8-қисм)
Абу Ҳурайра розияллоҳу анҳудан ривоят қилинади. Набий соллаллоҳу алайҳи васаллам: “Рамазондан кейинги энг афзал рўза, Аллоҳнинг муҳаррам ойи рўзасидир. Фарз намоздан кейинги энг афзал намоз тунги намоздир”, дедилар (Имом Муслим ривояти).
Иордания кардиология илмий-тадқиқот маркази тиббиёт олимлари узлуксиз узоқ вақт ухлаш инсон саломатлиги, юрак-қон томирлари учун зарарлигини, хусусан, қон қуюқлашиши, инфаркт, миокард касалликларига олиб келишини аниқладилар.
Кардиолог олимлар юрак, юрак-қон томирлари касалликларини олдини олишда кечанинг тонгга яқин қисмида уйғониб, ўқилган намоз энг самарали усул эканини таъкидлайдилар.
Қаранг, бу жуда ҳам осон, аммо савоби улкан, гуноҳларни кетказувчи, жаннатга етказувчи бўлган амалдир. Лекин дангасалигимиз, бепарволигимиз оқибатида бунга эътибор бермаймиз, амал қилмаймиз. Кўпчилигимиз ҳатто билмаймиз ҳам. Аввал билмасак, энди билиб олдик. Энди билганимизга амал қилайлик ва бошқаларга ҳам етказайлик. Зеро, Расулуллоҳ соллаллоҳу алайҳи васалламнинг суннатларини ёйилишига хизмат қилиш у зотга бўлган муҳаббат ва эҳтиромнинг юксак намунаси ҳисобланади. У зот соллаллоҳу алайҳи васаллам суннатларини аниқлик билан етказганларнинг ҳаққига: “Менинг гапимни эшитиб, ёдлаб, сингдириб, сўнгра етказган одамни Аллоҳ неъматлантирсин”, деб дуо қилганлар (Имом Термизий ривояти).
Аллоҳ таоло барчамизга ҳар бир ишда Расулуллоҳ соллаллоҳу алайҳи васалламнинг суннатларига амал қилишимизга тавфиқ ато этсин, омийн!
Даврон НУРМУҲАММАД
Имом Бухорий халқаро илмий-тадқиқот маркази Ўмондаги йирик интернет нашри нигоҳида
Жорий йилнинг 24 октябрь куни Ўмон султонлигининг “Asdaa Oman” интернет нашри расмий сайтида Ўзбеекистон Республикаси Вазирлар Маҳкамаси ҳузуридаги Имом Бухорий халқаро илмий-тадқиқот маркази фаолияти ҳақида лавҳа эълон қилинди.
Мазкур нашр бош муҳаррири Али бин Халфан ал-Хасаний ва нашрнинг фото мухбири Исса бин Хамис ал-Раисий томонидан тайёрланган саккиз дақиқалик лавҳанинг асосий қисмида марказнинг зиёрат туризмини ривожлантириш илмий бўлими бошлиғи Барот Амоновнинг интервьюси ўрин олган. Унда Марказ бўлимларининг фаолияти, нашр ва таржима ишлари жараёнлари ҳамда халқаро ҳамкорлик ҳақида батафсил маълумот берилган.
“Asdaa Oman” электрон газетаси Ўмон султонлиги ахборот вазирлиги томонидан лицензияланган ва “ASDA'A New Media” МЧЖ муассислигида чоп этилади. Муҳим ва фойдали маълумотларни тақдим этиш, ишончли янгиликларни нашр этиш ва объектив таҳлил қилишга ихтисослашган мазкур интернет нашр саҳифаларини бир кунда 10 мингдан ортиқ фойдаланувчи кузатиб боради.
Ғ.ҲАСАНОВ, ЎзА
Салафи солиҳлар ва “салафийлар”
Ибн Таймия тарафдан “Исломни қайта жонлантириш, салафлар йўлига қайтиш” шиорлари остида, унга қадар бутун мусулмон умматида бўлмаган янги фикрлар, мужтаҳидлар ижмоъсига хилоф қарашлар, тўрт мазҳаб уламоларининг на фиқҳий ва на ақидавий асосларига мос бўлган ҳукмлар ошкор қилина бошлади. Тарихчиларга кўра, Ибн Таймиянинг ақидавий ва фиқҳий масалаларда мужтаҳидлар кенгаши—ижмоъга хилоф назариётлари умумий ҳисобда олтмишга яқин масалада бўлган. (Ижмоъга хилоф фикр билдириш—бу ҳаракат аҳли сунна уламолари томондан баъзи ўринларда куфр, баъзи ўринларда бидъат-залолат, деб баҳоланади ва исломда қаттиқ қораланади.)
Масалан, унинг фикрича, Аллоҳнинг каломи қадим ва азалий эмас балки, ҳодис Аллоҳ томондан яратилган эди. Росулуллоҳ соллаллоҳу алайҳи ва салламнинг муборак қабрини зиёратига бориш (агарча, ибн Таймияга қадар, қариб саккиз асрдан бери бутун Ислом оламида бу амал жорий бўлишига қарамасдан) бидъат ва залолатдир. Шунингдек, Росулуллоҳнинг туғилган кунларини нишонламоқ—мавлид байрами ҳам бидъат ва фойдасиздир. Росулуллоҳдан қолган асори атиқаларни табаррукан асраб-авайламоқ гўёки ширкдир.
Сохта салафийлар ҳар қандай янгиликни бидъат деб ҳисоблаб, фиқҳий мазҳабларни инкор қиладилар, уларга эргашганларни қоралайдилар. Аслида улар эргашаётган “мужтаҳид”лар солиҳ салафлар қаторига кирмайди. Чунки Ибн Таймийя ва Ибн Қайюм Абу Ҳанифа (раҳматуллоҳи алайҳ)дан деярли олти юз йил кейин яшаб ўтишган. Демак, «салафий” оқимининг икки имомини солиҳ салафлардан олти асрлик тафовут ажратиб турибди. Орадан шунча узоқ вақт ўтган бўлишига қарамай, “Сохта салафийлар” бу икки шахснинг таълимотини жуда катта эътибор билан ўрганиб, амал қилишади.
Шунингдек, салафийлар орасида охирги йилларда фиқҳий ва ҳатто ақидавий аҳкомларда ҳам Албоний фикрларига мурожаат қилиш ҳолатлари бирламчи одатга айланди. “Салафийлик” оқими раҳнамоларидан бири Носир Албонийнинг тўрт мазҳаб ақидаси ва фиқҳига хилоф равишда чиқарган бемаза фатволарини ҳукмингизга ҳавола этамиз:
1. Мусҳафи шарифни ўпиш бидъат ва залолатдир.
2. Қуръон тиловатидан кейин “содақолллоҳул азим” деб айтишлик бидъатдир.
3. Ҳайзли аёллар Қуръон ўқишлари мубоҳдир.
Толибжон Шарипов
АҚШда «Мавлиди Набий» нишонламоқда
Хьюстон (АҚШ) даги масжидлар ва Ислом билим юртларида «Мавлиди Набий»ни нишонланмоқда. Тадбир доирасида Шайх Мансур Али Ризвий 24 октябръ, якшанба куни Масжидул-Расул масжидида нутқ сўзлади. Шайх ўз нутқида Пайғамбаримиз Муҳаммад соллаллоҳу алайҳи ва салламнинг ҳаётларидан мисоллар келтирди.
Islam.ru хабарига кўра, шунингдек, якшанба куни болалар учун Расулуллоҳнинг туғилган кунига бағишланган тадбир бўлиб ўтди. Ризвийнинг айтишича, яқинда бир йиллик COVID-19 чекловларидан сўнг очилган масжид аста-секин ишга қайтмоқда.
Хьюстондаги бошқа Ислом муассасалари ҳам Пайғамбаримиз Муҳаммад соллаллоҳу алайҳи ва салламнинг туғилган кунларини нишонлайдилар.
22 октябръ куни Масжид ал-собирин масжидида "Билгувчи ва меҳрибон Пайғамбар Муҳаммад" номли маъруза бўлиб ўтди. 24 октябръ куни Шугар Ленд шаҳридаги Даъвати-Ислом мактабида талабалар ва уларнинг оилалари учун мавлид ўтказилди.
Ниҳоят, Хьюстондаги Иброҳим маркази Раби-ул-аввал ойи шарафига 30 октябр, шанба куни соат 19:00 да "Расулуллоҳни севганлар байрами" деб номланган тадбир ўтказади. Тадбирда бир неча нотиқлар, жумладан, Имом Холис Рашод, нашид ижрочилари Усмон Эймс ва Maрлон Алтанлар иштирок этишади.
Ўзбекистон мусулмонлари идораси Матбуот хизмати
Росулуллоҳ соллаллоҳу алайҳи васалламнинг кўзлари намланган ҳолатлар (5-қисм)
ЎМИ матбуот хизмати
Янгиликлар
