Жонажон юртимизда Рамазон ойининг безаги бўлмиш Қуръони каримни хатм қилиш яхши анъанага айланган. Илоҳий каломни тўлиқ ёд олган қори йигитларнинг йилдан-йилга кўпайиши барчани бирдек мамнун этмоқда.
Бу йил коронавирус касаллиги кенг тарқалган бир даврда карантин қоидаларига риоя қилган ҳолда ибодатларни оила даврасида ўтказишни таъминлаш ва мўмин мусулмонлар руҳини кўтариш мақсадида, бир қатор хайрли ишлар қилинмоқда.
Шу йил 20 апрель кунидаги Президентимизнинг “Муборак Рамазон ойини муносиб тарзда ўтказиш тўғрисида”ги қарори асосида онлайн диний-маърифий дастурлар, хусусан, онлайн Қуръони карим тиловатлари ташкил этилиши элимизни чексиз хурсанд қилмоқда.
Ўзбекистон мусулмонлари идораси Уламолар Кенгашининг Рамазон ойини ўтказиш ҳақидаги баёнотида ҳам хатм Қуръонлар онлайн тарзда амалга оширилиши қайд этилгани Қуръони карим тиловатини тинглашга бўлган мўмин-мусулмонларнинг эҳтиёжлари эътиборга олинган эди.
Куни кеча диёримизнинг ҳар бир ҳудудида энг хушовоз қорилар хатми Қуръонларни бошладилар. Юртимиз аҳли Интернет сайтлари ва ижтимоий тармоқлар орқали Илоҳий калом қироатларини диққат билан тингладилар. Юртдошларимиз бундай хайрли ташаббуслардан жуда ҳам миннатдор эканлари изҳор этдилар.
Шубҳасизки, юртимиз узра Яратган Парвардигорнинг илоҳий каломи янграши баробарида Унинг раҳмати ҳам ёғилиб турди. Мана шундай хатми Қуръонлар файзу баракасидан бутун дунёга, хусусан, юртимизга қут-барака инсин, балою офатлар даф бўлсин, деб дуою илтижолар қиламиз.
Бугун ҳам бундай хатми Қуръонлар давом эттирилади. Энг хушовоз қориларнинг тиловатларини қуйидаги ҳаволалар орқали томоша қилишингиз мумкин.
ТОШКЕНТ ШАҲРИ - http://muslim.uz/index.php/online
АНДИЖОН ВИЛОЯТИ - http://muslimun.uz/bulim/onlayn-xatm/
БУХОРО ВИЛОЯТИ - http://www.naqshband.uz/
ЖИЗЗАХ ВИЛОЯТИ - https://t.me/imonuz/13791
НАВОИЙ ВИЛОЯТИ - https://t.me/hazratnavoi_uz
НАМАНГАН ВИЛОЯТИ - https://t.me/ravza_uz/22240
САМАРҚАНД ВИЛОЯТИ - https://t.me/sammuslimuz
СИРДАРЁ ВИЛОЯТИ - https://t.me/tavbauz
СУРХОНДАРЁ ВИЛОЯТИ - https://t.me/surxonmuslimuz/5149
ТОШКЕНТ ВИЛОЯТИ - https://t.me/fitratuz/14690
ФАРҒОНА ВИЛОЯТИ - http://fargonaziyo.uz/category/online-xatm/
ХОРАЗМ ВИЛОЯТИ - https://zamaxshariy.uz/category/онлайн-хатм/
ҚАШҚАДАРЁ ВИЛОЯТИ - https://t.me/nasafziyo/3610
Ўзбекистон мусулмонлари идораси Матбуот хизмати
