Шу йил 11 Сентябр куни Наманган вилояти Адлия бошқармаси “Усмон Зуннурайн” жоме масжидини расмий рўйхатдан ўтказиб, бу ҳақдаги гувоҳномани масжид ходимларига топширди. Ушбу масжид вилоятдаги Наманган шаҳридаги “Келажак тонги” МФЙ, Бодомзор кўчаси, 20-уйда жойлашган.
Маълумот учун, “Усмон Зуннурайн” масжидининг очилиши билан Намангандаги масжидлар сони 188 тага, Республикамиздаги масжидлар сони эса 2074 тага етди.
Аллоҳ таоло ушбу масжидни юртдошларимизга муборак қилсин. Ана шундай хайрли ишларнинг барокатидан башарият бошига келган вабони бутун дунёдан, хусусан, юртимизда кўтарсин, беморларимизга комил шифо берсин, барчамизни паноҳида сақласин. Юртимизда масжидлар очилишига сабабчи бўлатган инсонлардан Ҳақ таоло рози бўлсин, бундай хайрли ишларни бардавом айласин!
Ўзбекистон мусулмонлари идораси Наманган вилояти вакиллигининг Матбуот хизмати
