Қуръони карим мусобақасидан сўнг Ўзбекистонда Ҳадиси шариф мусобақаси ўтказилиши ҳақида хабар берилган эди.

«Ҳадиси шариф билимдони» Республика танловининг Қашқадарё вилоят босқичи Ўзбекистон мусулмонлари идорасининг Қашқадарё вилоятидаги вакиллиги ва Ўзбекистон Ёшлар иттифоқи Қашқадарё вилоят Кенгаши билан ҳамкорликда жорий йилнинг 3 май куни Қашқадарё бошоқли дон экинлари селекцияси ва уруғчилиги илмий тадқиқот институтининг мажлислар залида бўлиб ўтди. Бу ҳақда "nasafziyo.uz" сайти хабар берди.

Мазкур танловда Ўзбекистон мусулмонлари идораси тасарруфидаги диний таълим муассасалари талабалари, ёш имом-хатиблар ҳамда ҳадис илмига қизиқиши бўлган 14 ёшдан 30 ёшгача бўлган жами 35 нафар фуқаролар иштирок этган.

Мусобақа қизиқарли ва намунали ўтказилиб, иштирокчиларда катта таъсурот қолдирган.

Мазкур мусобақада эркаклар ўртасида:
1-ўрин: Махмудов Мухаммадяхёҳон;
2-ўрин: Холмуродов Ҳамидуллоҳ;
3-ўрин: Қурбонов Ахлиддин
3-ўрин: Жумаев Алишер ғолиб деб топилган.

Хотин-қизлар ўртасида ўтган мусобақада 1-ўринни Амонова Дилфуза қўлга киритди.

Танлов ғолиблари Ўзбекистон мусулмонлари идорасининг Қашқадарё вилоятидаги вакиллиги томонидан диплом ва қимматбаҳо эсталик совғалари билан тақдирланган.

Маълумот учун, мусобақа умумий 100 баллик тизимда баҳоланади.
1. Имом Бухорий ва Имом Термизийнинг ҳаёти ва илмий фаолиятини ёритиб бериш – 20 балл;
2. Берилган ҳадисни шарҳлаб бериш (ҳадиси шарифни ифодали ўқиб, таржима қилиш ва ундан олинадиган фойдаларни баён қилиш) – 30 балл;
3. Ҳадиси шарифни араб тилидаги матнини саҳобийнинг исми билан ёддан айтиб бериш – 50 балл.

ЎМИ Матбуот хизмати