Ҳар йили анъанавий тарзда Ўзбекистон мусулмонлари идораси тизимида фаолият кўрсатиб бораётган имом-хатиблар ўртасида “Йил имоми” кўрик танлови ўтказиб келинади. Жорий йилда мазкур танлов “Йил имом – 2023” номи остида ўтказилмоқда.

Уч босқичли танловнинг илк шаҳар-туман босқичида ғолибликни эгаллаган 16 нафар иштирокчи вилоят босқичида иштирок этди.

Танловнинг вилоят босқичини очиб берган вилоят бош имом-хатиби вазифасини бажарувчи Ёқубжон домла Мансуров: “Бу йилги танлов ҳар йилгидан ўзгача шукуҳда ўтказилмоқда. Бу ҳам юртимизда диний-маърифий соҳага, хусусан, илм аҳлига кўрсатилаётган эътибор намунасидир. Шунингдек, барча имом-хатиб, имом-ноиб, муаззин ва қоровуллар ҳам ўз устида мунтазам ишлаши керак дегани”, – дея барча иштирокчиларга омад ва муваффақиятлар тилади.

Танловда иштирокчиларнинг чиқиши ҳакамлар ҳайъати томонидан баҳоланиб борилди. Якуний натижаларга кўра қуйидагилар “Йил имом – 2023” танловининг Самарқанд вилоят босқичи ғолиби деб топилди:

I-ўрин: Аҳмедов Анвар, Жомбой тумани “Шайх Худойдод Вали” жоме масжиди имом-хатиби;
II-ўрин: Мажидхонов Мусахон, Оқдарё тумани “Човка” жоме масжиди имом-ноиби;
III-ўрин: Эгамбердиев Аҳмад, Нарпай тумани “Эшонбобо” жоме масжиди имом-хатиби);
III-ўрин: Мансуров Дониёржон, Пайариқ тумани “Олим Шайх” жоме масжиди имом-ноиби);
III-ўрин: Равшанов Оловуддин, Булунғур тумани “Амир Ҳамза” жоме масжиди имом-ноиби).

Танлов сўнгида Самарқанд вилояти вакиллиги ва “Вақф” фондининг вилоят филиали томонидан барча ғолибларга диплом ва эсдалик совғалари тақдим этилди.

“Йил имоми-2023” кўрик танлови вилоят босқичида биринчи ўринни эгаллаган Жомбой тумани “Шайх Худойдод Вали” жоме масжиди имом-хатиби Аҳмедов Анвар “Йил имоми” кўрик танловининг Республика босқичида қатнашиш ҳуқуқини қўлга киритди.

Ўзбекистон мусулмонлари идораси
Матбуот хизмати

Мактубларда манзаралар

Йил серёғин бўлди. Ёмғирдан қочиб, тушлик қилиш учун тамаддихонага кирдим. Бу ердаги таомларни еган ҳар қандай одам ёқтириб қолиши, тотини яна қўмсаши тайин. Хизмат ўз-ўзига. Навбатга турдим. Галим келгач, нон-чой, егуликлар олиб, бўш жойдан бирига ўтирдим.

Яқинимда она-бола тамадди қилишар, қиз онасига жуда ўхшарди. Унинг кўзлари  қора, киприклари онасиникидан ҳам узунроқ, жингалак сочлари долчин ранг эди. Қиз онасига овқат тутқазар, рўмолини тўғрилаб қўярди. Она гўштни чайнай олмаётгани кўриниб турар, умуман, у ейишга қийналаётганди. Таомни қизига илинар, қизи эса таомни қошиқда майдалаб онасининг раъйига қараб, гўдаклардек едирарди...

Уларнинг бу ҳоли менга алланечук таъсир қилди. Ёшлигим, ота-онам ёдимга тушди. Айниқса, онамнинг бизларга эринмай овқат едиришлари кўз олдимга келди. Қани эди ҳозир онам бўлганида... Мен ҳам шундай таомлантирган, хурсандлигидан шодланган, қўлларини тутиб лабларимга босган, кўзларимга сурган бўлардим...

Она етмиш, қизи ўттиз беш ёшлар атрофида эди. Тамадди қилиб бўлишгач, қиз ҳўл сочиқча билан онасининг юз-қўлини авайлаб артди. Идишларни  тахлади. Ўтирган жойларини ҳам артиб-суртди. Кейин она дуога қўл очиб, Аллоҳга ҳамдлар айтгач, қизи ҳақига тўлиқиб дуо қилди. Сўнг:

­­­­­­– Энди, қизим қани юр, кетдик! Туришимга ёрдам бер, –­ деди кўзойнагини тақаркан.

Қиз онасининг ҳассасини қўлига бериб, қўлтиғидан ушлаб, туриб олишига ёрдам берди.

– Баракалла, сени Худо ёрлақасин, она қизим! Доим омон бўлгин!..

Қалтираб ўрнидан тураркан, ҳассасини сиқиб ушлаб, бир қўли билан қизининг қўлидан тутган она қизига меҳр билан қарар, қизи ҳам онасига табассум қилиб турарди.

Ўтирган ўриндиқларини ҳам жойига суриб қўйишди. Қиз онасига илтифот қилди:

– Энди қаёққа боргингиз келяпти, онажон?

– Қаёққа кетардик, жон болам, уйга-да!—деди хурсанд ҳолда қизининг қўлидан ушлаб она. – Қарилик-да, қизим, таом еганимга ҳам толиқиб қолдим...

Улар аста-секин эшик томон юраркан, ўрнимдан туриб уларга пешвоз юрдим:

– Отангизга рахмат, қизим! Барака топинг. Афсус, шугина меҳрни ҳам ота-онасига бермай юрганлар йўқ эмас. Илоҳим, сиз онангизни қувонтирганингиз каби болаларингиз сизни севинтирсин...

Улар чиқиб кетгач, ўйлаб қолдим: таомнинг тоти ширинми, меҳрнингми?..

                                                                         Фазлиддин АБДУНАЗАРОВ,

Қува тумани   

Нурафшон шаҳрида спортнинг мини футбол бўйича ўтказилаётган "Ҳоким кубоги – 2023" мусобақалари якунига етди.

Финал ўйинида Дин ишлари бўйича қўмита вилоят бошқармаси ва Ўзбекистон мусулмонлари идораси Тошкент вилояти вакиллиги жамоаси Электр тармоқлари корхонаси жамоаси билан майдонга тушди.

Қизғин кечган баҳсларда жамоамиз пенальтилар сериясида рақиб жамоага 2:3 ҳисобида мағлуб бўлиб, иккинчи ўринни қўлга киритди.

Учинчи ўрин вилоят кадастр бошқармасига насиб этди.  Бу жамоа мактабгача ва мактаб таълими бошқармаси билан ўйнади.

Саодат асрида ҳам баъзи-баъзида беллашувлар ўтказилганини сийрат китобларидан яхши биламиз. Рукона исмли бир киши бор эди. У жуда кучли бўлиб, Расулуллоҳ соллаллоҳу алайҳи ва саллам уни ўзлари билан кураш тушишга таклиф қилдилар ва Набий алайҳиссалом Руконани енгдилар.

Бу ҳолат Пайғамбаримиз соллаллоҳу алайҳи ва салламнинг спортга бўлган эътиборларидан далолат.

Ишонамизки, бундай мусобақалар турли ташкилотлар, жамоалар ўртасида меҳр-оқибат ришталарини янада мустаҳкамлайди.

Фурсатдан фойдаланиб, ғолибларни  қутлаймиз.

Тошкент вилояти вакиллиги
Матбуот хизмати