muslim.uz
Власти Греции древние мечети используют, как выставочные залы
Власти Греции используют памятники исламской архитектуры Османской эпохи не по назначению, что наносит серьезный урон историческому наследию страны. В годы, последовавшие за обретением Грецией независимости, многие османские здания использовались в качестве военных тюрем, кинотеатров, провинциальных администраций, общежитий и складских помещений.
Кроме того, десятки мечетей закрыли для посещения верующими мусульманами, а некоторые из них были преобразованы в церкви.Многие заброшенные здания подверглись разрушению с течением времени.
По данным islam.ru, мечеть Фетхие в Афинах, построенная Фатихом Султаном Мехметом - также известным как Мехмет Завоеватель - в 1458 году, в настоящее время используется в качестве выставочного зала. А мечеть Цисдараки была перепрофилирована в музей керамики.
Не осталось никаких следов и от ряда других исторических зданий Османского периода, которые были зарегистрированы в архивах и ежегодниках. Построенная в 1484 году Мечеть Аладжа Имарет, тоже находящаяся в Салониках, также была превращена в музей. Мечеть Йени, построенная в 1904 году, закрыта для совершения молитв, а ее минарет разрушен. В настоящее время она является выставочным залом муниципалитета.Мечети и исторические здания во многих других греческих городах, таких как Янина, Крит, Лариса и Кавала, постигла та же участь, сообщает Anadolu Ajansı.
Пресс-служба Управления мусульман Узбекистана
Мўъминнинг ҳожатини чиқариш улкан савобли амал
Ҳадиси қудсийда шундай дейилади:
أوحى الله إلى داوود «عليه السلام» إن العبد ليأتي بالحسنة يوم القيامة، فأحكمه بها في الجنة، قال داوود: يا رب ومن هذا العبد؟ قال: مؤمن يسعى لأخيه المؤمن في حاجته، يحب قضاءها، قضيت على يديه أو لم تقض»
(رواه الخطيب وابن عساكر).
яъни: “Аллоҳ таоло Довуд алайҳиссаломга “Бир банда қиёмат кунида битта яхшилик билан келади ва Мен уни ўша яхшилик сабабли жаннатга ҳукм қиламан”, - деб ваҳий қилди. Довуд алайҳиссалом: “Роббим! У банда ким бўлди?” деди. Аллоҳ таоло: “У мўъмин биродарининг ҳожатини чиқариш учун сай-ҳаракат қиладиган, ўша биродарининг ҳожатини чиқара оладими йўқми, бундан қатъий назар унинг ҳожати раво бўлишини хоҳлайдиган банда, - деди” (Хатиб, Ибн Асокир ривоят қилишган).
Мазкур ҳадиси шариф мусулмонларни ўз биродарларининг ҳожатларини чиқариш, ғам-ғуссаларини енгиллатиш, орзу-умидларини амалга оширишда ҳамиша ҳаракат қилишга тарғиб қилиб, мана шундай хайрли ишларни қилишда ҳимматли бўлишга ундайди.
Бир оз тин олиб, ушбу ҳадисдаги Аллоҳ таолонинг “Мен уни ўша яхшилик сабабли жаннатга ҳукм қиламан”, деган сўзини тааммул қилиб кўрсак, Аллоҳ таоло ўзгаларга яхшилик қилиш учун сай-ҳаракат қилувчи мўмин бандага жаннатда ўзи хоҳлаган неъматларини бериши, ўша неъматлардан у истаганича фойдаланиш имтиёзига эга бўлишини, англаб етамиз.
Аллоҳ субҳанаҳу ва таоло ушбу ҳадиси қудсийда Довуд алайҳиссаломга ваҳий қилиб, “мўмин банда бу дунёда фақат Аллоҳ таолонинг розилиги учун, холис, эвазига бирор кишидан раҳмат умид қилмай солиҳ амал қилса, Аллоҳ таоло банданинг қилган яхшилиги учун мукофот ўлароқ Ўз ҳузурида жаннатнинг олий неъматлари ила ҳузурланиш имкониятини унга тортиқ қилади”, деб хабар қилмоқда. Во ажаб, Аллоҳ таоло бундай бандага тайёрлаб қўйган мартаба нақадар улуғ!
Аллоҳ таоло ушбу ҳадиси қудсийда мусулмон биродарларига яхшилик қилишни севадиганлар ва уларнинг эҳтиёжларини қондириш йўлида сай-ҳаракат қиладиганлар учун шу дунёнинг ўзида уларга жаннат башоратини бермоқда. Аллоҳ таоло мусулмон биродарларининг эҳтиёжларини қондирадиган ёки эҳтиёжини қондиролмаса ҳам шу йўлда сай-ҳаракат қиладиган кишиларга кўплаб мукофотлар тайёрлаб қўйгандир.
Расулуллоҳ соллаллоҳу алайҳи васаллам бизларни ушбу фазилатли ишни қилишимизга ундаб шундай деганлар:
ان لله خلقا خلقهم لحوائج الناس، يفزع الناس اليهم في حوائجهم اولئك الآمنون من عذاب الله (رواه الطبراني).
яъни: “Аллоҳ таоло баъзи инсонларни одамларнинг ҳожатлари учун яратди ва инсонлар ўз эҳтиёжларини қондиришда уларга мурожаат қилади. Ана ўша кишилар қиёматда Аллоҳ таолонинг азобидан омонда бўладилар” (Табароний ривоят қилган).
عن ابن عمر رضي الله عنهما وعن ابن عباس ر ضي الله عنهما قال عن النبي صلى الله عليه وسلم «من مشى في حاجة أخيه كان خيراً له من اعتكاف عشر سنين، ومن اعتكف يوماً (أي مكث في المسجد يوماً) ابتغاء وجه الله جعل الله بينه وبين النار ثلاثة خنادق، كل خندق أبعد مما بين الخافقين
яъни: Ибн Умар ва Ибн Аббос розияллоҳу анҳумодан ривоят қилинади: Расулуллоҳ соллалоҳу алайҳи васаллам: “Ким биродарининг ҳожатида сай-ҳаракат қилса, унинг бу ҳаракати ўн йил давомида эътикофда ўтиришдан яхшироқдир. Кимки Аллоҳнинг розилигини кўзлаб бир кун (масжидда) эътикоф ўтирса, Аллоҳ таоло у билан жаҳаннам ўртасида учта хандақ (чуқур) қилади, ҳар бир хандақнинг кенглиги машриқ билан мағрибнинг оралиғидан ҳам кенгдир”, дедилар.
Инсонларнинг эҳтиёжини қондириш кишини қиёматда Аллоҳ талонинг азобидан омонда қилади. Ҳеч кимга сир эмаски, эътикоф бандани Раббисига яқинлаштирадиган энг афзал ибодатлардан бири бўлиб, эътикоф ўтирувчи билан шайтоннинг васвасаси ўртасида тўсиқ бўлади. Бироқ, мусулмон биродарининг эҳтиёжларини қондириш йўлида сай-ҳаракат қилиш унданда афзалдир.
Қарангки, Аллоҳ таоло баъзи инсонларни бошқа кишиларнинг ҳожатини чиқариш учун вазифадор қилиб қўйган. Модомики, улар ўзларининг зиммаларида ўзгаларнинг ҳақлари бор деб билар эканлар, уларга жаннат ваъда қилинмоқда. Шундай экан, муҳтож кимсалар уларнинг олдига такрор-такрор боришларидан малолланмасинлар. Зеро, Аллоҳ азза ва жалла бошқа мусулмонларнинг ҳожатлари билан машғул бўлишлари учун уларга неъматлар ато қилгандир. Агар улар бу неъматнинг ҳаққини адо қилиб, ўз эгаларига топширсалар, Аллоҳ уларни неъмат ичра бардавом қилади ва барокатли қилади. Агар малоллансалар, Аллоҳ таоло улардан бу неъматини олиб қўяди, бошқа бандасига беради.
Расулуллоҳ соллаллоҳу алайҳи васаллам марҳамат қилдилар:
ان لله عند قوم نعماً أقرها عندهم ما كانوا في حوائج المسلمين، ما لم يملوهم فإذا ملوهم نقلها إلى غيرهم
яъни: “Баъзи кишиларга Аллоҳ таоло неъмат ато қилганки, модомики улар мусулмонларнинг ҳожатини чиқаришда малолланмасалар, Аллоҳ таоло улардаги бу неъматни бардавом қилиб беради. Бордию, малолланадиган бўлсалар,неъматларини улардан олиб, ўзгаларга топширади”.
Дарҳақиқат, киши ўз ҳожатини қондиришга кучи етмай турган бир пайтда унинг кўнглига хурсандчилик сиғадими? Ана шундай паллада бирор ҳожатбарор рўпарадан чиқиб, ҳожатини раво қилса, қандай ҳолга тушади. Шубҳасиз, қалбини кучли ҳаяжон ва хурсандчилик қамраб олади.
Агар Аллоҳ таоло сизни мусулмонларнинг ҳожатларини чиқаришга муяссар қилган бўлса, бу сиз учун катта бахт ва улкан шарафдир. Чунки, мусулмон биродарининг қалбига хурсанчилик киргизиш Аллоҳнинг наздидаги энг афзал ва суюкли амалдир. Пайғамбаримиз Расулуллоҳ соллаллоҳу алайҳи васаллам:
أحب الناس إلى الله أنفعهم للناس، وأحب الأعمال إلى الله عز وجل سرور تدخله على مسلم، تكشف عنه كربه، أو تقضي عنه ديناً، أو تطرد عنه جوعاً، ولأن أمشي مع أخ في حاجة أحب إلي من اعتكف في هذا المسجد شهراً ـ يعني مسجد المدينة ـ ومن كظم غيظه ولو شاء أن يمضيه أمضاه ملأ الله قلبه يوم القيامة رضى ومن مشى مع أخيه في حاجة حتى يقضيها له، ثبت الله قدميه يوم تزول الأقدام
яъни: “Аллоҳга энг севимли банда одамларга кўпроқ манфаати тегадиганидир. Аллоҳ таолога энг маҳбуб амал мусулмоннинг қалбига хурсандчилик киргизишинг, ундан ғам ташвишларини аритишинг, зиммасидаги қарзини узиб беришинг, очлигини кетказишингдир. Мусулмон биродаримнинг ҳожатини чиқариш йўлида юришим масжидун набавийда бир ой эътикоф ўтиришимдан яхшироқдир. Ким ўч олишга қодир бўла туриб ғазабини ютса, Аллоҳ унинг қалбини қиёмат кунида ўзининг розилиги билан тўлдиради. Ким биродарининг ҳожати билан юриб, уни раво қилса, Аллоҳ қадамлар тоядиган кунда унинг қадамларини собит қилиб қўяди”,- дедилар.
Мазкур ҳадисдан, модомики банда биродарининг ёрдамида бўлар экан, Аллоҳ таоло унинг ёрдамида эканлиги маълум бўлади.
Эй Аллоҳим, бизларни мусулмонларнинг ҳожатларини чиқарувчилардан қилгин ҳамда уларнинг қалбларига сурур киргизиш билан қиёмат куни Ўз розилигингни топишимизни насиб эт. Эй, раҳимлилар раҳимлиси!
Ўзбекистон мусулмонлари идораси
раисининг биринчи ўринбосари
Ҳомиджон Ишматбеков
Расулуллоҳ соллаллоҳу алайҳи васаллам ҳаётларидан лавҳалар: Бошқа жоним йўқлигига йиғлайман (Аудио)
ЎМИ матбуот хизмати
Ўзбeкистон халқаро ислом акадeмиясига ўқишга қабул қилиш тартиби такомиллаштирилди
Ўзбекистон Республикаси Президентининг «Диний-маърифий соҳа фаолиятини тубдан такомиллаштириш чора-тадбирлари тўғрисида»ги фармони ва Вазирлар Маҳкамасининг «Ўзбекистон халқаро ислом академияси фаолиятини ташкил этиш ва қўллаб-қувватлаш чора-тадбирлари тўғрисида»ги қарори асосида академияда халқаро стандартлар ҳамда замонавий талабларга мос барча шароитлар яратилмоқда.
Ўтган қисқа давр мобайнида академия томонидан юртимиздаги ижтимоий-маънавий муҳитни янада соғломлаштириш, буюк алломаларимиз илмий меросини ўрганиш соҳасида етук мутахассис кадрларни тайёрлаш юзасидан кенг кўлами вазифалар амалга оширилаётир. Хусусан, таълим сифати ва илмий тадқиқотлар самарадорлиги янада оширилиб, бу борада дунёдаги нуфузли олий таълим ва илмий тадқиқот марказлари билан кенг доирада амалий илмий тадқиқотлар олиб борилаётгани алоҳида аҳамиятга эга.
Ўзбекистон халқаро ислом академияси Матбуот хизмати билдиришича, шу маънода, жорий йилнинг 5 июнида Ўзбекистон Республикаси Вазирлар Маҳкамасининг «Ўзбекистон халқаро ислом академиясига ўқишга қабул қилиш тартибини янада такомиллаштириш чора-тадбирлари тўғрисида»ги қарори ҳам муҳим янгилик бўлди.
Унга мувофиқ, 2020/2021 ўқув йилидан бошлаб Ўзбекистон халқаро ислом академияси бакалавриатига ўқишга кириш мақсадида ҳужжат топширган абитуриентлар учун дастлабки имтиҳондан ўтиш тартиби жорий этиладиган бўлди.
Мазкур имтиҳон натижаларига кўра абитуриентларга Давлат тест маркази томонидан ташкил этиладиган кириш имтиҳонларининг кейинги босқичлари (касбий (ижодий) имтиҳон ва тест синовлари)га рухсат бериш ёки рад этиш тўғрисида тегишли қарор қабул қилиниши белгиланди ва юқоридаги қарор асосида тасдиқланди. Бу эса «Ўзбекистон халқаро ислом академиясининг бакалавриатига қабул қилиш тартиби тўғрисида низом»да ҳам алоҳида тасдиқланди.
Демак, юқоридаги меъёрий-ҳуқуқий ҳужжатлар асосида Ўзбекистон халқаро ислом академиясига 2020-2021 ўқув йили учун абитуриентларнинг ҳужжатларини қабул қилиш жараёнлари 15 июндан — 5 июль кунига қадар давом этиши маълум қилинди.
Ушбу тартиб асосида абитуриентлар учун янгилик бўлган дастлабки имтиҳонни ўз вақтида топшириш ва белгиланган зарур балларни йиға олмаган тақдирда ўзи истаган бошқа олий ўқув юртига ҳужжат топшириш имконияти бой берилмаслиги таъминланади.
Шу ўринда Ўзбекистон халқаро ислом академиясида ташкил этиладиган Дастлабки имтиҳон тартиб-қоидалари ва ўтказиш шаклларига ҳам тўхталиб ўтиш жоиз.
Дастлабки имтиҳон ёзма шаклда, уч блокдан иборат бўлиб абитуриентлар қуйидаги синовлардан ўтади:
1. Интеллектуал даража. Унда абитуриентнинг мантиқий ва кенг фикрлаш, турли тушунчалар, фактларни таққослаш ҳамда уларнинг ўртасидаги ўзаро боғлиқликни топиш салоҳияти баҳоланади. Бунда абитуриент максимал 40 балл олиш имкониятига эга.
2. Маънавият ва маърифат асослари бўйича билим даражаси. Максимал 30 балл. Бунда абитуриентнинг маънавият асослари, миллий ғоя ва мафкура, ҳуқуқ ва сиёсат, адабиёт, тарих, исломшунослик ва диншуносликка тааллуқли ва бошқа масалалар юзасидан мантиқий ва асосли тушунтириш қобилияти ўрганилади.
3. Хорижий тилларни (инглиз, француз ва немис тиллари) билиш даражаси. Максимал 30 балл. Ушбу босқичда абитуриент Ўзбекистон маданияти, санъати, тарихи, географиясига тааллуқли ва бошқа соҳаларга оид масалалар юзасидан мантиқий ва асосли тушунтириш қобилиятини намоён этиши зарур бўлади.
Таъкидлаш жоизки, агарда абитуриент хорижий тиллар бўйича етакчи халқаро ва баҳолаш тизимларининг амалдаги сертификатларига, шу жумладан, IELTS бўйича камида 5,5 балл, TOEFL IBT бўйича камида 72 балл билим даражаси кўрсаткичи билан халқаро сертификатларга, шунингдек, тест DaF, GOETНE сертификати, DELF сертификати имтиҳонларидан CEFR услуби бўйича В2 минимал даражасига ҳамда Вазирлар Маҳкамасининг «Олий таълим муассасаларига ўқишга қабул қилишда миллий ҳамда халқаро баҳолаш тизимлари сертификатларини татбиқ қилиш чора-тадбирлари тўғрисида» 2019 йил 13 майдаги 395-сон қарори талабларига мувофиқ сертификатларга эга бўлган абитуриентларга ушбу саволлар блоки бўйича максимал балл берилади.
Ҳозирги бутун дунёда кечаётган пандемия шароитидан келиб чиққан ҳолда қабул жараёни билан боғлиқ бўлган саволларга Академия расмий веб-сайти (www.iiau.uz) ҳамда ижтимоий тармоқлардаги телеграм саҳифалари орқали жавоб олиш мумкин. Барча янгилик ва маълумотлар доимий эълон қилиб борилади.
Ўзбекистон мусулмонлари идораси матбуот хизмати
Мисрлик ёш қори 11 нафар Қуръон ҳофизларининг услубларига тақлид қилмоқда
Мисрнинг Буҳайра вилоятидан келган йигит Ҳусайн Абдул Зоҳир олтин ҳиқилдоққа эга бўлиб, у унинг ёрдамида Қуръон ўқишнинг турли услубларига тақлид қилиши мумкин.
Youm7 маълумотларига кўра, ижтимоий тармоқ воситаларига жойлаштирилган видеороликда мисрлик Қуръон ҳофизи 10 нафардан ортиқ Қуръон ҳофизларининг услубларига тақлид қилиб, Муқаддас китобдан сураларни ўқийди.
Ҳусайн Абдул Зоҳирнинг истеъдоди бошланғич мактабда ўқиб, Қуръон ўқиётганида кашф этилган. У билан бирга бўлган Шайх унинг овозини эшитиб, уни бу йўлда давом этишга рағбатлантирди, бу эса Ҳусайннинг ёшлигида Қуръонни ўқиганда оятларнинг маъноси устида фикр юритиш ва уни бутунлигича ёд олишига сабаб бўлди.
IQNA хабарига кўра, Абдул-Зоҳир 22 нафардан ортиқ Қуръон ҳофизларининг услубларига тақлид қилиб, ҳиқилдоғининг товушини ўзгартириши ва суралар ўқиши ҳам мумкин.
Қуйидаги видеоклипда Ҳусайн Абдул Зоҳир Maхер ал-Муайқли, Шайх Muҳаммад Айюб, Ҳалил ал-Ҳусари, Муҳаммад Сидиқ ал-Миншави, Шайх Ҳасан Ибн Аҳмад ал-Банна, Шайх Мустафо ал-Лаҳуни, Али Абдулла Жабир, Шайх Носир ал-Қатами, Форс Ибод, Шайх Mуҳаммад Жибрил ва Саад ал-Ҳамиди каби 11 нафар Қуръон ҳофизларига тақлид қилган.
Ўзбекистон мусулмонлари идораси матбуот хизмати