24 марта в Бугульме стартовал традиционный VI фестиваль религиозных песнопений и мунаджатов “Зайтуна”. Получивший статус регионального, фестиваль соберет в одном зале талантливых исполнителей мунаджатов из Татарстана, Башкортостана, Самарской и Оренбургской областей в возрасте от 7 лет и старше. Участники будут соперничать в номинациях "Соло" и "Ансамбль". Конкурсанты выступят акапелло.
По данным islam.ru, в номинации “Соло” (исполнение мунаджата одним голосом) участников оценят в трех возрастных категориях: от 7 до 12 лет, от 13 до 17, и от 18 лет и старше. В номинации “Ансамбли» (от 2 до 8 человек) выступят две группы: школьники и участники старше 18 лет. Победителей ждут ценные призы.
В состав высокого жюри вошли народная артистка Татарстана Зухра Сахабиева, известные исполнители мунаджатов Ильяс Халиков, Динар Шаймарданов, руководитель направления дагъват ДУМ РТ Нияз хазрат Сабиров.

Пресс-служба Управления мусульман Узбекистана

С наступлением одного из наиболее ценных месяцев, Раджаба, мусульмане Турции объявили кампанию по сбору благотворительной помощи. Акция под названием «Пакет эрзак» стартовала при поддержке турецкого фонда Азиза Махмуда Хюдаи, сообщает islamisemya.com.
Как отмечается, все желающие могут сделать пожертвования для неимущих или бедных мусульман, находящихся как в Турции, так и в других уголках планеты. Средства с текстом «еда» допускается перевести через отделения банка или онлайн.
Добавим, что в последние годы фонд активно помогает миллионам жителей Сомали, где практически не прекращается засуха. Этот регион в Восточной Африке больше всего нуждается в гуманитарной помощи, так как люди ведут там борьбу за выживание.
Фонд Хюдаи также помогает мусульманам из африканских стран получить доступ к образованию и квалифицированной медицинской помощи, удовлетворяет их физические и духовные потребности, защищает сирот и организует курсы изучения Корана.

Пресс-служба Управления мусульман Узбекистана

Ўзбекистон ва Тожикистон раҳбарлари ўз фуқаролари учун виза расмийлаштирмасдан қўшни мамлакат ҳудудида 30 кунгача бўлиш имкониятини яратиб берганидан хабарингиз бор.
Қардошлар бундан унумли фойдаланиб, Наврўз айёми нишонланган кунларда саёҳатга отланишди. Хусусан, кўплаб тожикистонликлар диёримизга ташриф буюриб, ўз сафарларини кўтаринки кайфиятда, завқ-шавқ ва ҳайратга тўлиб ўтказишди. Олган катта таассуротларини интернет ижтимоий тармоқларидаги саҳифаларига тезда жойлаштириб, барча билан ўртоқлашди. Бу ҳақда “Халқ сўзи” нашри “news.tj” ахборот порталига иқтибосан маълумот берди.
Қуйида уларнинг айримларини келтириб ўтамиз.
“Қарор қабул қилинди: чегара очиқ! Қани кетдик. Эрталаб соат 8:00дан Тожикистон – Ўзбекистон чегарасига етиб келдик. Ҳеч қандай танқид йўқ, фақат ахборот. Биз томондаги чегарада озгина тартибсизликни ҳисобга олмаганда, ҳамма ўтаяпти. Қардош Ўзбекистон томонда 5-6 нафар чегара хизмати зобити ва 2 нафар божхона хизмати ходими менинг автоуловимни синчковлик билан текширди. Қатъий, лекин мулойимлик билан. Бунинг учун уларга плюс”, — деб ёзади Фарход Сангинов. Шунингдек, у Ўзбекистонда нарх бўйича ҳамма нарса арзонлигини қайд этиб, жумладан шундай таъкидлайди: “Бир порция кабобда — учта сих. Тухум, ун, мандаринлар, нон — арзон”.
Айтганча, дам олиш кунлари мамлакатимизга келган тожикистонликларнинг маҳсулотлар Ўзбекистонда Тожикистонга нисбатан анча арзонлиги ҳақидаги фикрлари ижтимоий тармоқларда асосий ўринни эгаллади, трендга айланди.
Меҳмонлар, шунингдек, Ўзбекистон фуқаролари томонидан кўрсатилган хушмуомалаликни алоҳида эътироф этдилар.
“Йигирма йилдан ортиқ вақт ичида бир-биримизни кўрмаган эдик, бир-биримиз ҳақида деярли ҳеч нарса билмас эдик, энди худди ўртада нифоқ бўлмагандек учрашдик, биз ҳақиқатан ҳам ўзбеклар билан биродарлармиз, биз минтақадаги энг яқин халқлармиз”, — деб қайд этади ПарвизХЗ никли яна бир фойдаланувчи.
Шулар қаторида Тожикистонга ташриф буюрган ўзбекистонликлар ҳам қўшнилар меҳмондўстлигидан хурсанд эканлигини яширмаган.
“Тожикистон халқига меҳмондорчилик учун раҳмат, — деб ёзади самарқандлик Нодир Аҳмедов. — Кеча Самарқанд тарафдан Душанбега ўз автоуловим билан бордим! ДАН ходимлари яхши ва хушмуомала. Қардош Тожикистон халқига меҳмоннавозлик учун миннатдорлик билдираман. Тожикистонда ҳеч қачон бўлмаганман, кеча илк бор ташриф буюрдим, ўз машинамда Душанбе, Панжикент шаҳарларини айландим, ҳаммаси аъло — муаммо йўқ. Ўзбек ва тожик халқига ҳурмат! Президентларга раҳмат!”
Ўз навбатида, “Facebook”даги Тожикистоннинг машҳур гуруҳларида ўзбекистонлик, Ўзбекистоннинг машҳур гуруҳларида эса тожикистонлик кўплаб янги иштирокчилар пайдо бўлди.
Қолаверса, ўзбекистонликлар қўшни юртдан келадиган меҳмонларга қўлидан келганча он-лайн кўмак беришга интилган.
“Болалар, мана сизга Тошкент метроси харитаси”, — деб фотосуратларни тақдим этган ўзбекистонлик Бобур Феникс.
Яна бир фойдаланувчи Отабек Фатхуллаев эса Тошкентнинг қайси жойида овқатланиш мумкинлиги, Ўзбекистоннинг исталган банкида валюта айирбошлаш имконияти мавжудлиги, хусусан, 1 АҚШ долларининг давлат курси ҳақида маълумот берган.
Ҳатто, айрим ўзбекистонликлар ёрдам керак бўлса деб ўз шахсий телефон рақамларини, тожикистонликлар эса бунга жавобан ўз рақамларини қолдирган.
“Биз Самарқандга бувимиз билан бордик. Мен уни ўз машинамда олиб бордим. У киши 79 ёшда, — деб ёзади Нодир Иброҳиов “Facebook”даги саҳифасида. — У йўл бўйи жим кетди. Самарқанд унинг Ватани ва бувим энди у ерга бошқа бора олмаслиги ҳақида кўп гапирарди. Лекин борди. Унинг ушалмас орзу армонини амалга оширган барчага раҳмат, бизнинг қардош халқларимизга шон-шарафлар бўлсин. Бундан буён доим шундай бўлаверсин”.
Эслатиб ўтамиз, жорий йил апрель ойида мамлакатлар ўртасидаги автобус қатновлари янгиланиб, Тожикистондан автобуслар Ўзбекистондаги бешта шаҳар — Тошкент, Самарқанд, Денов, Термиз ва Фарғонага боради. Шундан сўнг юқоридаги каби дил сўзлари, орзулар рўёби кўпайишига шубҳа йўқ.

Ўзбекистон мусулмонлар идораси матбуот хизмати

Бу дунё ҳикматларга тўла. Атрофимизни ўраб турган барча нарсалар: дарахтлар, қиру адирлар, тоғу тошлар, анҳорлар, сойлар – барчаси мўминлар учун ибрат ва Аллоҳ таолонинг қудрати тажаллийсидир. Ҳар куни умр дафтаримиздан янги саҳифа очилганидек атрофдаги оламнинг ҳам сурати янгиланади. Энг қизиғи, ана шу янгиланишлар асло бир-бирини такрорламайди.

Кеча ва кундуз доимо алмашиб туради. Бири узайса, иккинчиси қисқаради. Умримиз ҳисобини кеча ва кундузлар билан ўлчаймиз. Шу жараён фаслларни ҳам ўзгартириб туради. Замҳарир қишда гўё оппоқ кафанга бурканган ерни эрта баҳорда Аллоҳ таоло қайта тирилтиради. Буюк Парвардигор кечаю кундузни ҳаракатлантирмаса, ёмғир ёғдирмаса, Ер юзида ҳаёт бўлмайди. Мунтазам такрорланиб турувчи бу табиат ҳодисаларидан ҳар бир мўмин ибрат олиб, буюк сафарга тараддуд кўриши керак.

Аллоҳ таоло бундай марҳамат қилади: «Энди инсон ўзининг таомига (ибрат кўзи билан) боқсин! Биз (осмондан) сувни мўл ёғдирдик. Сўнгра Биз унда донларни ундирдик, узум ва кўкатларни, зайтун ва хурмоларни, қалин дарахтзор боғларни меваю гиёҳларни ҳам. Булар сизлар учун ва чорва ҳайвонларингиз учун манфаатдир» (Абаса сураси, 24–32-оятлар).

Юртимизда эзгу бир анъана шаклланган. Ҳар йили икки қутлуғ сана – Наврўз ҳамда Мустақиллик байрамлари арафасида умумхалқ хайрия ҳашари уюштирилади. Жорий йилнинг 18-19 март кунлари ҳам ана шундай хайрия тадбирлари ўтказилиб, юртдошларимиз бир тану бир жон бўлиб мамлакатимизни обод масканга айлантиришди.

Икки кунлик ҳашар давомида ўн минглаб туп мевали ва манзарали дарахт кўчатлари ўтқазилди. Бу яхши, албатта. Лекин ерга қадалган ушбу кўчатларнинг тақдири, баравж униб-ўсишини ким назорат қилади? Ҳар йили баҳорги ҳашар давомида экилган дарахтлар бехато кўкарганида эди, бугун юртимиз боғу бўстонга айланарди. Демак, эккан кўчатларимизни худди фарзандларимиздек парваришлашимиз зарур.

Аслида ҳеч бир дин, фалсафа ёки жамият тозаликка исломчалик эътибор қаратмаган. Ҳадиси шарифларда поклик, тозалик имоннинг ярми экани айтилади. Ҳатто намознинг шартларидан бири ҳам поклик – жой ва кийимнинг тоза бўлишидир.

Мўмин киши бир туп кўчат ўтқазса, ундан нафақат инсонлар, балки ҳайвонлар ва қушлар ҳам манфаат кўради. Муборак ҳадисда айтилишича, экилган ҳар бир дарахтнинг айтаётган тасбеҳи, ўша дарахтни эккан кишининг номаи аъмолига ёзилади ҳамда унинг мевасидан бошқалар еса ёки соясида ўтирса, эккан кишининг амал дафтарига садақа савоби ёзиб қўйилади.

Бир подшоҳ ўз вазири билан сайрга чиқиб, бир қишлоқдан ўтаётса, боғида меҳнат қилаётган бир чолни кўрибди. Чол қариб қолганига қарамай, меҳнат қилиб кўчатлар экаётган экан. Чолнинг меҳнати подшоҳга жуда ёқибди. Вазирига шу чол билан бироз суҳбатлашайлик, дея унинг олдига келибди.

Чолга салом бериб:

– Ҳорманг отахон, нима экяпсиз? – дебди.

Чол:

– Саломат бўлинг, шоҳим. ёнғоқ экяпман, – деб жавоб берибди.

Подшоҳ ажабланиб:

– Отахон, ёнғоқ кўп йиллик дарахт бўлса, сиз эса анча қариб қолгансиз, унинг ҳосилигача етармикансиз? – дебди.

Чол:

– Бу дарахтларнинг мевасини кўриш менга насиб этмаса керак, – деб жавоб берибди.

Подшоҳ:

– Унда нега экяпсиз? – деб сўрабди.

Чол:

– Подшоҳим, оталаримиз экдилар, биз едик. Энди биз экамиз, фарзандларимиз ейди-да, – дебди.

Бу жавоб подшоҳга маъқул бўлиб чолга бир ҳамён олтин берибди. Чол олтинларни олиб: «Аллоҳга шукрлар бўлсин, эккан кўчатимиз бугуннинг ўзидаёқ ҳосил бера бошлади», дебди.

Буни эшитган подшоҳ завқи келиб чолга яна бир ҳамён олтин берибди.

Чол: «Аллоҳ таолога ҳамду санолар бўлсинки, ҳамма дарахтлар бир йилда бир марта ҳосил берса, менинг эккан дарахтим икки марта ҳосил бераётир», дебди.

Подшоҳ унга яна бир ҳамён олтин бермоқчи бўлибди. Шунда вазири дарҳол тўхтатиб: «Эй подшоҳим, бу ердан тезроқ кетмасак, хазинангиздаги олтинлар тугаб қолади», дебди. Подшоҳ чолга ҳам, вазирига ҳам миннатдорчилик билдириб, йўлида давом этибди.

Чол жуда хурсанд бўлиб, қўлини дуога очиб: «Эй Раббим, Сен Буюксан. Энди мен вақтимни беҳуда ўтказмай, фақат сенинг розилигинг учун дарахтлар экаман, боғ-роғлар барпо қиламан», дебди.

Пайғамбаримиз соллаллоҳу алайҳи васаллам бундай деганлар: «Қиёмат куни бўлса ҳам қўлида бир туп ниҳоли бор одам уни эксин».

Инсон ўз уйига қандай эътибор берса, атрофга ҳам шундай муносабатда бўлиши шарт. Чунки бутун Ер юзи инсонлар учун маскандир.

Зеро, ояти каримада: «У Ерни сизлар учун бешик (қароргоҳ) қилиб қўйди ва унда йўллар пайдо қилди ҳамда осмондан сув (ёмғир, қор) ёғдирди. Бас, Биз у (сув) билан турли ўсимлик навларини ундириб чиқардик» (Тоҳо сураси, 53-оят).

Ота-боболаримиз: “Сувга тупурма, ариққа супурма, кўчага ахлат ташлама, кўкариб турган новдани нобуд қилма”, дея бежиз уқтирмаган. Қолаверса, халқимизда: «Бирни кессанг, ўнни эк», деган ҳикмат ҳам бор. Дарҳақиқат, биз бугун кесган бир туп дарахтнинг зарари йиллар ўтиб унинг ўрнига экилган дарахт орқали қопланади.

Миродил МИРЖАЛИЛОВ,

Қибрай тумани бош имом-хатиби

ЎМИ Матбуот хизмати

Президентимиз ташаббуси билан ҳаётга татбиқ этилаётган “Обод қишлоқ” дастури доирасида амалга оширилаётган хайрли ишлар сабаб бугун Самарқанд вилояти Нуробод туманидаги 30 минг аҳолига эга бўлган Жом қишлоғи улкан бунёдкорлик ҳамда ободонлаштириш майдонига айланди. Ислоҳотлар шамоли етиб  қишлоқ четидаги қабристон ичида қолиб кетган “Жом ота” масжидини ҳам Қарши-Самарқанд трассаси ёнига кўчириш бўйича амалий ишга киришилди. 

24 март куни Самарқанд вилояти ҳокими Т.Жўраев, вилоят бош имом хатиби З.Эшонқулов, бош имом хатиб маслаҳатчиси М.Меликов ва бошқа ташкилотлар, аҳоли вакиллари иштирокида масжид пойдевори ўрнатилиши бошланди. 

Дастлабки бетон қоришма вилоят ҳокими ва вилоят бош имом хатиби, нуроний отахонлар томонидан пойдевор асосига ташланди. 

Ушбу хайрли ишга Аллоҳ таолонинг ўзи мададкор бўлсин. 

ЎМИ Матбуот хизмати