muslim.uz
Палестинские брат и сестра обрели друг друга в хадже
Палестинские брат и сестра Муса и Латифа, разлученные более 14 лет назад, воссоединились усилиями властей Саудовской Аравии.
В рамках программы, реализуемой по указу короля Салмана, приглашения в хадж получают мусульмане в самых разных странах мира, и им предоставляется возможность съездить в паломничество за счет личных средств монарха.
Такие приглашения получили и палестинские брат с сестрой. Латифа вспоминает, что 30 лет назад уехала из Палестины в Ливан вместе с семьей, когда брату было всего 2 года, но вскоре она переехала в Египет, а брат остался в Ливане. За все эти годы она видела брата только один раз, 14 лет назад. Брат и сестра крепко обнялись и прослезились после многолетней разлуки, встретившись во время хаджа.
«Когда я увидела его сейчас, его волосы уже поседели, он выглядит старше своих 32 лет», – сказала Латифа, утирая слезы радости, цитирует IslamNews со ссылкой на Saudi Gazette. Ранее сообщалось о том, как два сирийских брата чудом воссоединились в Мекке, куда оба прибыли в хадж.
Пресс-служба Управления мусульман Узбекистана
Оталар ва оналар ҳақида
ОТАЛАР ҲАҚИДА
- Ота хонадонга ташриф буюрганда ўриндан туриб, жой бўшатиш лозим.
- Ота билан кетаётганда унинг изнисиз ундан олдин юрмаслик керак.
- Ота фарзанд учун бирон нарса мерос қолдирмаса ҳам, ундан номус қилинмайди.
- Ота бор уйда бош қотиришга ва бировга маслаҳат солишга зарурат бўлмайди.
- Ота ёнида ёки у кириб келганда ёнбошлаб ётилмайди.
- Ота уйда бўлмаган маҳалда истеъмол қилинган нарсалардан унинг учун алоҳида олиб қўйилиши фазилатдир.
- Мансабли шахс бўлсанг ҳам отанг чақирганда отингдан тушиб, олдида ҳозир бўлишга шошил! Мансабинг ишингга алоқадор, отангга эмас!
- Отангнинг ёнидаги солиҳ кишиларга нисбатан самимий бўлгин, агар отанг вафот топиб кетса ўшалар билан муомала-муносабатларингни узма!
ОНАЛАР ҲАҚИДА
- Ҳадяни аввал онага, сўнг отага берилиши маҳбубдир.
- Ҳаёт бўлсалар ҳам, вафот топиб кетган бўлсалар ҳам уларнинг ҳақларига доимо дуода бўлмоқ зарур.
- Оналарнинг юзларига тушган ажинлар, қўлларининг қадоқлари – сен ва ака-укаларинг, опа-сингилларинг сабабли эканлигини билгин!
- Сенга берган оқ сутини меҳру хурсандлик билан берган, аммо сенинг унга берган таоминг баъзида миннатли ва озорлидир. Шунинг учун берган ҳар-бир луқманг меҳрли бўлиши учун камтарин бўл, камтарин бўл!
- Унга сен ҳар куни кўриниш бер, чунки онангнинг сени кўриши хум-хум тилло туҳфа қилганингдан ортиқроқдир.
- Тириклигида бор имкониятинг ила унга тавозеъли ва ширин сўзли бўл, шунда уни йўқотганингда армонда қолмайсан.
- Ҳайит кунлари онангни бағринга бос! У сени ҳар куни қучиб, ҳидларингдан тўйиб-тўйиб завқ олганини эсингдан чиқармагин!
Интернет манбалари асосида Бахмал тумани «Домла Эшонқул»
жоме масжиди имом-хатиби Хушбеков Исоқул тайёрлади
Қайтар дунё (ибратли ҳикоя)
Қадим замонда донишмандлиги билан юксак обрў-эътибор қозонган киши бор эди. У барчага меҳрибон, тўғри йўл кўрсатувчи, ҳамдард ва ҳамсуҳбат эди.
Бир куни донишманднинг ҳузурига сув сотувчи ғамгин ҳолда келди. Унинг маҳзунлигини кўрган донишманд:
– Болам, бирор мусибатинг борми? – деб сўради.
– Йўқ, ...аммо... қандай айтишни билмай турибман – деб жавоб берди сув сотувчи.
– Гапиравер, уялма, дардингни айт, – деди донишманд куйиниб.
– Кечирасиз, деб гап бошлади сотувчи минг хижолат ила. Сизнинг фарзандингиз бугун олтинчи мешимни жуволдиз (бигиз) билан тешди. Биласиз, фақир одамман, нима қилишни билмай қолдим. Янгисини олишга пулим ҳам қолмади.
Донишманд:
– Хафа бўлма, болам, бир чорасини топаман. Ҳозирча мана бу пулни олиб, бошқа меш сотиб ол, – деди.
Ота “нега фарзандим бундай ишга қўл урди?” деган саволнинг жавобини ўйлаб ўйига ета олмади. Шундан сўнг, аёлига бўлган воқеани айтиб:
– Қандай қилиб ўғлимиз бу хунук ишга қўл урди. Хатоимни ҳеч ўйлаб топа олмадим. Сен ҳам яхшилаб ўйлаб кўр, – деди.
Орадан бироз вақт ўтиб, аёли:
– Эсимга тушди, – деди ҳаяжонланиб. Ўғлимизга ҳомиладор бўлганимда меҳмонга борган эдим. Дастурхондаги апелсинга кўзим тушиб, жуда ҳам егим келди. Бироқ дастурхонга қўл узатишга тортиндим. Катта ёшдаги қария онахонларнинг: “Ҳомиладор аёлнинг кўнгли бирор нарсани тусаганда ундан тотиб кўрмаса, туғилажак фарзандига салбий таъсир кўрсатади”, дейишгани ёдимга тушди. Боламизга путур етишидан қўрқиб, мезбондан сув сўрадим. Сув олиб келишга чиқиб кетганида, ёқамдаги тўғноғични олиб, апелсинга тиқиб яладим.
Донишманд:
– Тез бориб уй эгасидан узр сўра, – деди.
– Уларга нима дейман? Шу арзимаган иш учун ҳам узр сўраш шартми? – деди аёли эътироз билдириб.
– Хонадан аҳлидан розилик сўра. Фарзандимиз олти ёшга тўлди. Ўша воқеадан олти йил ўтиб, тўғноғичинг ўғлимиз қўлида бигиз бўлди. Сенинг қилган ишинг давом этмоқда. Кейин кеч бўлмасин, – деди донишманд.
Ўрол ТУРОБОВ,
Бахмал туманидаги “Лаби-ҳовуз” жоме масжиди имом-хатиби
Савол: Сажда қилганида қуймичи, белининг паст қисми очилиб қолган кишининг намози дуруст бўладими?
Савол: Сажда қилганида қуймичи, белининг паст қисми очилиб қолган кишининг намози дуруст бўладими?
Жавоб: Намозда аврат аъзоларининг тўртдан бири ёки ундан кўп қисми очилиб қолишининг ҳукми ўша аъзонинг ҳаммаси очилиб қолганининг ҳукми кабидир. Намозда ёпилиши керак бўлган аврат аъзоларининг тўртдан бири очилиб қолса ва шу ҳолда бир рукнни адо этса, намоз бузилади. Агар иккита аврат аъзонинг тўртдан биридан ками очилиб қолиб, улар қўшилганида бир аъзонинг тўртдан бирига тўғри келса, намоз бузилади. Аммо очилган авратни дарҳол ёпиб олган кишининг намози билиттифоқ бузилмайди. Аврат бўлган аъзонинг тўртдан биридан кам қисми очилиб қолса, зарари йўқ. Авратининг тўртдан бири очилиб, бир рукн адо этилиши муддатича турган кишининг, Имом Абу Юсуф наздида, намози бузилади. Имом Муҳаммад эса бузилмаслигини айтган (“Фатовойи Ҳиндия”).
Демак, сажда қилганида қуймичи, белининг киндикдан пастки қисми очилиб қолган одамнинг намози дуруст бўлмайди.
“СЎРАГАН ЭДИНГИЗ...” китобидан
Дўзахдан қутқарадиган ва жаннатга киритадиган икки амал
Абдуллоҳ ибн Амр ибн Осс розияллоҳу анҳудан ривоят қилинади. “Росулуллоҳ соллаллоҳу алайҳи васаллам: “Кимни дўзахдан узоқлашиши ва жаннатга кириши хурсанд қилса, вафот этадиган пайтда Аллоҳга ва охират кунига иймон келтириб вафот этсин. Ҳамда ўзига қилинишни маҳбуб кўрган муомалани ўзига ҳам, бошқаларга ҳам раво кўрсин”, дедилар (Имом Муслим ривояти).
Дўзахдан узоқлашишни ва жаннатга киришни истамайдиган мусулмон йўқ бўлса керак оламда. Дўзах ҳақида эшитган инсон борки, ундан паноҳ тилайди, ўз нафсини ундан қутқариш учун ҳаракат қилади. Жаннат ҳақида билган киши эса, унга тезроқ етишиш илинжида, ундаги роҳат ва мукофотларга эришиш ниятида жидду-жаҳд қилади.
Бу ҳадиси шариф эса айнан шундай кишиларга дастуруламал ва орзуга эришиш учун йўлланмадир. Ушбу йўлланмани ёзиб берган зот эса энг ишончли, энг ростгўй инсон Муҳаммад соллаллоҳу алайҳи васалламдир. Йўлланмада эса содда ва тушунарли қилиб икки сабаб кўрсатилган:
1) Аллоҳга ва охират кунига иймон келтирган ҳолда, қатьий ишонч ва ушбу ишонч исботи йўлида қилинган солиҳ амаллар қуршовида вафот этиш;
2) Ўзгалар тарафидан ўзига қандай муомала қилинишини яхши кўрса, ўзи ҳам ўзгаларга шундай муомала қилиш. Демак, ўзингга нисбатан:
- Алдашларини ёқтирмайсанми? Сен ҳам алдама!
- Хиёнатни ёмон кўрасанми? Хиёнат қилма!
- Зулм қилинишидан қўрқасанми? Зулм қилма!
- Ғийбатни ёмон кўрасанми? Ғийбат қилма!
- Ёрдам берилишини истайсанми? Ёрдам бер!
- Кечирилишни яхши кўрасанми? Сен ҳам кечир!
- Айб ва нуқсонларингни беркитилишини истайсанми? Ўзгалар айбини ёп.
- Сенга инфоқ қилинишини хуш кўрасанми? Саҳий бўл!
- Ҳурмат қилинишни яхши кўрасанми? Ҳурмат қил!
- Хизмат қилинишни истайсанми? Хизмат қил!
Хуллас, ўз нафсинг учун нимани яхши кўрсанг, ўзгаларга ҳам раво кўр. Ва ўз нафсинг учун ёқтирмаган нарсаларингни бошқалар учун ҳам раво кўрма. Шундагина иймонинг комил бўлади. Шундагина жаҳаннамдан узоқлашиб, жаннатга эришасан. Ягона йўл шудир. Бошқа йўл излаб ҳалок бўлма.
Ёрбек ИСЛОМОВ,
Олмазор туманидаги “Мевазор” масжиди имом ноиби