Кўчамизда бир неча тарихий обида бор.  Шу боис бу ерга сайёҳлар кўп келади. Кўча бошида эса уч-тўрт киши доим нарда ўйнаб ўтиради. Улар дам сайёҳларга йўлнинг тескарисини кўрсатиб адаштиришса, дам ёш болаларни кимўзарга сўктиришади. Ҳолбуки, кексалик аллақачон соч-соқолларига элчиларини жўнатиб, амр-фармонини йўллаб бўлган.

Баъзан уловларда,  баъзан тўй-ҳашамларда айрим катталарнинг аҳволини кўриб, беихтиёр ёмон қаришдан паноҳ беришини сўрайсан киши.

Ёшлар иззат-икром қилиши зарур бўлган бундай катталар болаларига , невараларига қандай сабоқ беради? Фарзандлари улардан нимани ўрганади-ю нимаси билан фахрланади?

Мавлоно Жалолиддин Румийнинг “Маснавийи маънавий” асарида бир ривоят келади:

«Бир куни Мавлоно йўлда ёшига нолойиқ бир алфозда юрган кишидан: «Сен каттами ёки соқолинг?» деб сўрабди. У: «Соқолимдан йигирма ёш каттаман», дебди .Мавлоно унга: “Ўзингдан йигирма ёш кичик соқолинг оқарибди-ю, ўзинг ҳамон қоралигингча яъни, ақлинг қоронғулигича қолибсан?” деган экан. Бу сўздан у қаттиқ таъсирланиб, яхшилик йўлига кирган экан. Қиссадан ҳисса: ҳаётнинг оғир-енгилини кўрган ёши катталар ақл, сабр-қаноат ва одоблари билан ёшларга ибрат бўлишлари зарур.

Муайяда РАҲМОН

ЎМИ Матбуот хизмати

О регулировании искусственного оплодотворения в Узбекистане рассказал муфтий, член Общественной палаты Российской Федерации Альбир Крганов.
Управление мусульман Узбекистана опубликовало фетву "Об искусственном оплодотворении", где подробно объяснило, кто может воспользоваться этим медицинским процессом. По этой теме дал комментарий общественный деятель, муфтий Альбир Крганов.
Он отметил, что в Узбекистане очень сильная богословская школа, много специалистов, которые могут дать выверенную оценку данному вопросу.
"Данная фетва касается верующих людей, которые причисляют себя к мусульманам и придерживаются этой фетвы. А те, которые не считают себя верующими, это их право, они могут жить согласно своему пониманию", — сказал Альбир Крганов радио Sputnik.
По его словам, нет никакого вмешательства в божественное происхождение человека при искусственном оплодотворении.
"Всевышний дал эту возможность, наука не противоречит исламу и ислам не противоречит науке. Если это во благо человеку, то использовать можно", — сказал Альбир Крганов.
Основная причина, по которой духовенство стремится регулировать искусственное оплодотворение, это необходимость правильных представлений ребенка о своих родителях, отметил муфтий.

Пресс-служба Управления мусульман Узбекистана

13 февраля во дворце торжеств «Мумтоз» в Ташкенте продолжается отборочный раунд Коранического конкурса.
Все сидячие места в здании заполнены до отказа, остальные преданные поклонницы выразили готовность, стоя послушать чтиц Корана.
За состязаниями среди девушек и женщин в Шайхантахурском районе в режиме онлайн наблюдают тысячи поклонников Корана.
Следите за нашими трансляциями в прямом эфире через наш портал Muslim.uz, не пропустите самые захватывающие моменты конкурса.

Пресс-служба Управления мусульман Узбекистана

Пойтахтимизнинг Шайхонтоҳур тумани аҳолиси қадимдан миллий анъаналаримизга, динимиз таълимотига амал қилиш борасида фаол бўлиб келган. Зотан, бу туманнинг тамал тошини 700 йил муқаддам Шайх Зайниддин Кўйи Орифони Тошкандий ибн Шайх Шаҳобиддин Абу Ҳафс Умар Суҳравардий қўйган (у зот 1164 йилда туғилган ва 1259 йилда 95 ёшида вафот этган).

Масжиднинг ёнидаги қабристондан Шайх Зайниддин бободан кейин ҳам не-не  азизлар мангуга қўним топган. Шунингдек, Шайх Муҳаммад Содиқ Муҳаммад Юсуф ҳазратларининг қабри ҳам шу жойда.

Дарвоқе, Шайх Зайниддин бобо қабрини ҳам дастлаб Соҳибқирон Амир Темур обод қилиб у зотнинг бошлари узра мақбара қурдирган.

Бу масжид гўзал юртимиздаги энг кўркам ва энг катта масжидлардан бири саналади.  Бир вақтнинг ўзида 6000 киши намозхон ўқий олади.

Аллоҳ таолонинг изни-иродаси ила бугун ана шу масжидда Қуръон мусобақақсининг Тошкент шаҳри бўйича туман босқичларига фатво берилди ва Шайхонтоҳурлик хушовоз қорилар беллашуви бўлиб ўтди.

6000 киши намоз ўқиши мумкин бўлган жойга сиғишиб ўтирса 18000 киши жойлашиб олиши мумкин. Яна ташқарида турганлар, келиб-кетаётганларни (баъзилар ишхонасидан бирровга келиб Қуръон тиловатини тинглаб кетади-да) қўшиб ҳисобласангиз, 20000 чоғли одам Қуръондан баҳраманд бўлди.

Бу саноққа аёлларни қўшмаймиз. Чунки аёлларнинг мусобақаси ўтаётган жойда одам бундан ҳам кўп бўлди.

Ана шунча одам Аллоҳнинг Каломи ўқилганидан дуога қўл очиб юртимизга ояти карималардан ҳосил бўлган ажру савобдан ушбу манзилда ётган азизларнинг, улуғ шайхларнинг руҳларини баҳраманд қилишини сўради. Парвардигоримизга илтижо этиб юртимизнинг тинчлиги барқарор бўлишини, маъмурчилигини янада зиёда қилишини, юртбошимизнинг бошини омон қилишини сўради. Иншоаллоҳ, Раббимиз пок ниятлар ила сўралган ушбу дуоларни ижобат этади. Илло, ҳадиси шарифда ҳам Қуръон ўқилгандан сўнг қилинган дуо ижобат бўлиши айтилган.

Бугун Қуръон мусобақасига келган ҳамшаҳарларимиз Қуръон тиловатидан баҳра олиш баробарида бу ерда ётган улуғларимизнинг қабрларини ҳам зиёрат қилиб, кўнгли равшан бўлди.

Эслатиб ўтамиз: эртага Юнусобод, Мирзо Улуғбек, Яккасарой туманлари қорилари “Минор” масжидида, қориялари “Осиё” тўйхонасида; Яшнобод, Миробод, Бектемир, Сергели туманлари қорилари “Холид ибн Валид” масжидида, қориялари “Яккасарой” тўйхонасида; Учтепа, Чилонзор туманлари қорилари “Бисёр” тўйхонасида беллашадилар.

Азиз ҳамшаҳарлар! Эртага ҳам янги қорилар кашф этилади. Ўша чоқда сиз ҳам ўзингизга маъқул бўлган қорини ва қорияни кашф этасиз. Айтайлик, қори ёки қориянинг тажвиди, тартиласи, овози, ўзини тутиши борасида томошабиннинг ўзининг ҳам фикри бўлади-да, барибир. Шундай экан, фурсатни қочирмасдан мусобақага боринг, Жонли ижродан баҳраманд бўлинг. Зотан, у ерда саноаткорларимизга ўхшаб фонограммадан фойдаланмайдилар...

ЎМИ Матбуот хизмати

Савол: Зуҳд, ҳақиқий зоҳидлик нима дегани?

Жавоб: “Зуҳд” бирор нарсадан юз ўгириш маъносини англатади. Абу Идрис Ҳаволоний зуҳд ҳақида бундай деганлар: “Ҳақиқий зоҳид ҳалол нарсани ўзига ҳаром қилмайди, дунёдан воз кечмайди. Балки ўз қўлидагидан кўра, Аллоҳ таолонинг ҳузуридагига ишонади, етган бирор мусибат эвазига ажру савоб умид қилиб, янада хотиржам бўлади”.

Абу Сулаймон Доримий: “Бирор кишининг зоҳирини кўриб, зоҳид экан, демагин. Чунки зуҳд қалбда бўлади”, деганлар. Ҳасан Басрий раҳматуллоҳи алайҳ: “Зуҳд киши бирор одамни кўрганида уни ўзидан афзал билишидир”, деганлар. Имом Аҳмад раҳматуллоҳи алайҳ: “Дунё борасида зоҳидлик орзуларнинг қисқалиги ва одамлар қўлидаги нарсалардан тама қилмаслик”, деганлар.

Демак, ҳақиқий зуҳд ҳамма нарсадан юз ўгириб яшаш эмас, балки мол-дунёга муҳаббат қўймаслик, қўлдан кетганига қайғурмай, етган азиятга сабр билан Аллоҳ таолодан савоб умид этиш, эришган ютуқлари учун Аллоҳ таолога ҳамд айтиб, яна савоб умид қилишдир.

“Сўраган эдингиз” китобидан

ЎМИ Матбуот хизмати