muslim.uz
Муфтий ҳазратлари “Ҳидоя” мадрасаси фаолияти билан танишди (фотожамланма)
ЎМИ Матбуот хизмати
Муфтий ҳазрат азиз авлиёни тарбиялаган она қадамжосини зиёрат қилди
16 сентябрь куни Ўзбекистон мусулмонлари идораси раиси, муфтий Усмонхон Алимов ҳазратлари Чортоқ туманидаги Биби Наима зиёратгоҳи мажмуасига ташриф буюрдилар. Аввал улуғ авлиёлар руҳига бағишлаб, Қуръони карим оятлари тиловат қилинди ва дуолар йўлланди. Ривоятларга кўра, Биби Наима авлиё Султон Увайс Қараний ҳазратларининг оналари ҳисобланади.
Муфтий ҳазратлари мақбарани зиёрат қилиш асносида уни ҳар томонлама обод этиш, зиёратчиларга муносиб шарт-шароитлар ҳозирлаш ва ёшлар таълим-тарбиясидаги аҳамиятини янада ошириш борасида тавсиялар бердилар.
Ушбу тарихий обидалар XII-XIII асрларга тегишли бўлиб, турли даврларда таъмирлаш ишлари олиб борилган. Ушбу манзилда Биби Наима хотирасига бағишлаб, унинг қабри устига 2000 йили мақбара қурилган. Aтрофи ободонлаштирилиб, зиёратчилар учун шарт-шароитлар яратилган. У ерда намозхона ва салқин айвонлар ҳам барпо етилган.
ЎМИ Матбуот хизмати
Нишонга урилган гаплар: “Ким биродарига ошкора, (ҳамманинг ичида) насиҳат қилса, демак, уни шарманда қилибди”
Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Аллоҳ таоло Қуръонда “сўнгра заифликдан кейин қувватли қилган” деб марҳамат қилган. У Зот бандаси заиф бўлганидан сўнг уни қувватли қилгандир. У барча нарсага қодирдир. Ана шундай Зот сизга маҳзунлигингиздан сўнг хурсандчилик, тушкунлигингиздан сўнг умид, тор ҳаётингиздан кейин кенгликни, албатта, ато қила олади. Шундай экан, Қодир Зотга таваккул қилинг!
*****
Эй неъматларини кенгу мўл қилиб берувчи Зот!
Эй шифони туширувчи Зот!
Эй балоларни даф қилувчи Зот!
Эй дуоларни ижобат этувчи Зот!
Барча беморларга Ўзинг комил шифо бергин!
Барча мусибатга учраганларга Ўзинг кушойиш бергин!
Барча қарздорларга Ўзинг нажот бергин!
Барча мазлумларга Ўзинг енгиллик бергин!
Барча фарзанд талабида юрганларга Ўзинг солиҳ-солиҳа фарзанд неъматини ато этгин!
Шариатга мувофиқ иш бошлаганларнинг ишларига ривож, топганларига баракот бергин!
*****
Ҳақиқий дўст – ҳамма сендан узоқлашаётган пайтда сен тарафга келаётган кишидир.
“Тарих муҳрлаган сўзлар”
*****
Ким биродарига махфий равишда насиҳат қилса, демак, унга чиндан насиҳат қилибди.
Ким биродарига ошкора, (ҳамманинг ичида) насиҳат қилса, демак, уни шарманда қилибди.
Имом Шофеий раҳимаҳуллоҳ
*****
Баъзилар асаларига ўхшайди. Ҳаммага асал беради. Лекин агар уни безовта қилинса, ҳурмати ерга урилса, чақиб олади.
“Фикр дурдоналари”
*****
Агар оёқларинг билан хотиржам, қийналмай, бирорта инсоннинг ёрдамисиз юраётган бўлсанг, Аллоҳ таолога шукр қил! Чунки сен жуда улкан неъматга эга экансан-у, аммо буни ўзинг сезмаяпсан.
“Фикр дурдоналари”
*****
Бир донишманддан “Нега тонг ҳавоси тоза, мусаффо бўлади?” деб сўралди. Шунда у: “Чунки у пайтдаги ҳаво мунофиқлар нафасидан холидир” деб жавоб берди.
“Фикр дурдоналари”
Интернет материалларидан тўплаб,
таржима қилувчи Нозимжон Иминжонов
Қишлоқ аҳли замонавий, кўркам ва қулай масжидга эга бўлади
Мамлакатимизда истиқомат қилаётган фуқароларга ҳар томонлама қулайликлар яратиш, уларнинг эҳтиёжларини тўла таъминлашга эришиш, халқ фаровонлигини юксак даражага етказиш бўйича амалга оширилаётган ислоҳотларга барчамиз гувоҳ бўлиб келмоқдамиз. Ушбу ислоҳотлар юртимизнинг чекка ҳудудларида истиқомат қилаётган аҳоли учун ҳам манфаатли бўлмоқда.
Бугун – 2019 йилнинг 15 сентябрь куни Тошкент вилоятининг чекка тоғли ҳудудларидан бўлмиш Бўстонлиқ тумани Янгиовул қишлоғидаги “Қизил Қангли” жоме масжидини қайта қуриш учун дастлабки ғишт қўйиш маосими бўлиб ўтди.
Масжидга илк ғиштни Тошкент вилояти бош имом-хатиби ўринбосари Нурали домла Мавлонов табаррукона қўйиб бердилар.
200-250 кишига мўлжалланган масжид тоғли ҳудудда қурилаётган бўлсада, унда намозхонларга барча қулайликларни яратиш, замонавий ва кўркам кўринишга эга бўлиши назарда тутилган.
Маросим анъанага мувофиқ Қуръон тиловати билан бошланди, амалга оширилаётган ишлар, юрт тинчлиги ва осойишталиги, неъмат учун шукроналик сўзлари янгради, хайрли дуолар қилинди.
Тадбир сўнгида йиғилганларга дастурхон ёзилиб, ўзбекнинг шоҳ таоми ош улашилди.
ЎМИ Матбуот хизмати
Сиз буларни билармидингиз?
Биласизми, Пайғамбаримиз соллаллоҳу алайҳи васалламнинг набиралари Ҳасан ва Ҳусайн розияллоҳу анҳумо эгизак эмаслар. Балки Ҳасан розияллоҳу анҳу Ҳусайн розияллоҳу анҳудан деярли бир ёш каттадирлар.
Биласизми, Салоҳиддин Айюбий раҳимаҳуллоҳ оқсоқ эдилар. Урушлардан бирида оёқлари жароҳатланиб, то вафотларигача оқсоқланиб юрганлар. Жангу жадалларда ҳам шу ҳолда иштирок этганлар.
Биласизми, Салоҳиддин Айюбий раҳимаҳуллоҳнинг асл исмлари Юсуф ибн Айюб бўлиб, “Салоҳуддин” у кишининг лақабларидир.
Биласизми, Холид ибн Валид розияллоҳу анҳу юздан ортиқ жангда иштирок этганлар. Аммо бирор марта мағлуб бўлмаганлар. Таналарида қилич, найза, камон ўқи тегмаган бирор жой йўқ эди. Деярли ҳамма жойлари яраланган эди. Лекин шунга қарамасдан у киши жанг майдонида эмас, балки уйларида, тўшакда вафот этганлар. Набий соллаллоҳу алайҳи васаллам у кишини “Аллоҳнинг қиличи” деб номлаганлар. “Аллоҳнинг қиличи” деб аталган кимса мағлуб бўлармиди?!
Биласизми, Муҳаммад ибн Қосим Сақафий тарихдаги энг кичик фотиҳдир. У Синд (Покистон ҳудуди), Ҳинд ўлкаларини фатҳ қилганда ўн етти ёшда эди.
Биласизми, эркакларга номаҳрам аёлларга назар солишдан тийилиш буюрилганидек, аёлларга ҳам номаҳрам эркакларга назар солишдан тийилиш буюрилган. Аллоҳ таоло Қуръони Каримда шундай марҳамат қилган:
“Сен мўминларга айт, кўзларини тийсинлар ва фаржларини сақласинлар. Ана шу улар учун покдир. Албатта, Аллоҳ нима ҳунар қилаётганларидан хабардордир. Сен мўминаларга айт: Кўзларини тийсинлар, фаржларини сақласинлар ва зийнатларини кўрсатмасинлар...” (Нур сураси, 30-31-оятлар)
Интернет маълумотлари асосида Нозимжон Ҳошимжон тайёрлади