Аввалроқ, Ўзбекистон Республикаси Президентининг 2017 йил 12 январдаги "Китоб мутолааси китобхонлик маданиятини ошириш ҳамда тарғибот қилиш ҳақида"ги фармойиши ҳамда Ўзбекистон мусулмонлари идорасининг кўрсатмасига асосан турли ҳудудларда "Китоб сайли" ташкил этилаётгани ҳақида хабар берган эдик.

"Мовароуннаҳр", "Ҳилол-нашр", "Янги аср авлоди", "Шарқ" ва "Ғафур Ғулом" нашриётлари иштирок этаётган ушбу сайллар жума айёми муносабати билан туман-шаҳарлардаги жоме масжидларида ташкил этилмоқда.

Бу эса кўпчилик юртдошларимизнинг эътирофига сазавор бўлмоқда. Ушбу сайлларда диний-маърифий мавзудаги китобларни нашриёт нархида исталган усулда харид қилишингиз мумкинлигини эслатиб ўтамиз.

Бугун, 10 август куни Тошкент вилояти ва Тошкент шаҳрининг қуйидаги масжидларида Китоб сайли ташкил этилади.

1. Тошкент вилоятининг Нурафшон шаҳар "Тўй тепа" жоме масжидида бўлиб ўтади (масъул шахс Ж.Туронов +998 90 327 62 57).

2. Тошкент шаҳридаги Тепамасжид жоме масжидида ташкил этилади (А.Маматов 990 54 96).

3. Тошкент шаҳридаги Ал Бадр жоме масжидида ташкил этилади (О.Холмуродов 299 50 38, 293 43 37).

ЎМИ Матбуот хизмати

“Бўладиган бола бошидан”, деб бежизга айтилмаган. Одина ўнларга кирганда бувиси вафот этди. Буваси Муҳаммад ота ёлғиз қолди. Кексайганда ёлғизлик азоби қийин бўлар экан. Кекса одамнинг кўнглини топиш учун бир сўз кам, икки оғиз сўз кўп. Уларнинг кўнгли нозик, хизмати оғир бўлади. Ўн ёшли Одинани отаси ёнига чорлаб, бувасига хизмат қилиб, дуосини олиш кераклигини тушунтирди. Одина ёш бўлса-да, зийрак эди. Отаси тушунтирган ҳамма ишни бажаришга ваъда берди. Муҳаммад бува намозхон. Эрта тонгда туриб, намоз ўқир, узоқ дуо қилар, нонуштани ҳам эрта қиларди. Муҳаммад буванинг хонасида Одина ва кичик укаси Абдулазиз бирга ётарди. Муҳаммад ота набираларини уйқуси бузилмасин деб энди ўрнидан турмоқчи бўлса, зийрак Одина намоз вақти бўлганини, бувасига тез таҳорат суви тайёрлаш лозимлигини сезиб, ўрнидан сакраб турарди. Бувасининг ухлайвер, дейишига қарамай таҳорат сувини тайёрларди. Буваси намоз ўқиб бўлгунига қадар нонуштани ҳозирларди. Яна нолимасдан ойисига уй ишларига ёрдам берарди. Буваси эса ҳар намоздан сўнг: “Умринг узоқ бўлсин, бахтли бўл, қизим! Олижаноб инсон жуфтинг бўлсин!” деб дуо қиларди. Отанинг сўзини қолдирмаган, буванинг дуосидан насибасиз қолмаган Одина ўн йилга яқин, яъни турмушга чиққунига қадар бувасига холис хизмат қилди. Бу катта матонат, отага итоат ва бувага ҳурмат эди. Уйқу ва роҳатдан савобни устун қўйди. Ўзи катта олийгоҳни тугатмаса-да, энг обрўли, илмли шаҳарлик йигитлардан бирига турмушга чиқди. Одина турмуш ўртоғи Муродга ҳам хизматини аямади. Эрини тонг саҳарда туришга ундаб, шундай дерди:

– Бувам, тонгда ухлаш ризқни кесади. Ризқи мўл бўлишни хоҳлаган одам, саҳар туради. Бувам: “Тонгда қилинган иш унумли, дуолар эса қабул бўлади”, – дердилар. Қани ўрнингиздан туринг! – деб эрини ҳоли-жонига қўймай уйғотарди.

Мурод эса:

– Қишлоқ қизисан-да, танноз келинлар каби дангасаликни ёқтирмайсан-да! – дерди.

Одина ўз одатига кўра, қайнота-қайнона ва эрига нонуштани эрталаб тайёрлаб қўярди. Уни шундай тайёрлардики, ҳаммаси ҳайрон қоларди. Эрини бирор марта бўлса-да, ишига нонуштасиз кузатмасди. Қайнота ва қайнонаси ҳам уни кўп дуо қиларди. Дуо ва олқишнинг сабабидан неча йил заҳмат чекиб, бувасининг дуосини олган, отасининг назарига тушган, қайнота ва қайнонанинг олқишини олган, эрига итоатли келин ҳамма орзусига етди. Эри Мурод уни бирор жойда ишлатмас, “Қишлоқда роса ишлагансан, шунинг ўзи етади”, дерди. Қайнотаси вафот этгач, қайнонасига қизларидан ҳам яхшироқ хизмат қилиб, дуосини олди. Ўзи ҳам кексалик ёшига етди. Уч қиз, икки ўғилни вояга етказди. Уларни илмли, одобли ва ҳаёли қилиб тарбиялади. Дастурхон атрофида ўтирганларида, болаларига:

– Бува, бувиси, қайнота ва қайнонаси бор ўғил-қизлар ва келинлар жуда бахтли-да! Уларнинг хизматини қилади, дуосини олади, билмаганини ўрганади. Дуо ва олқиш олган инсон кам бўлмайди. Бувамнинг хизматини қилдим, қайнонам ва қайнотамнинг дуосини олдим, оталарингизнинг ҳурматини жойига қўйдим, мана бугун сизларнинг ардоғингиздаман. Таҳоратга сув иситаман деб, қиш кунлари совқотган қўлларимни совуқ сувга урдирмайсиз, ухлаб қолмай деб қаттиқ ерларда ётардим, энди эса пар тўшакларда иззатдаман. Савоб топаман деб озгина қилган хизматим эвазига ҳажга бордим, бугун сизнинг ардоғингиздаман. Ҳа, холис қилин­ган хизматнинг мукофоти, дуолар самараси мана шундай азизликдир, – дерди мамнун.

Азиз қизларим! Албатта, ота-онанинг хизматини қилиб, дуосини олиш шарафдир. Ҳамма ҳам дуо олавермайди, ҳаммага ҳам олқиш насиб қилмайди. Ким хизмат қилса, кун келиб унга ҳам хизмат қилишади. Ким ҳурмат қилса, ҳурмат топади. Ким нима экса, шуни ўради. Шунинг учун хизмат қилинг, хизмат ва дуо боис улуғлик, ҳурмат ва эҳтиромга сазовор бўласиз.

“Қасамини бузган қиз” китобидан

В соцсетях появилось сообщение о том, что сотрудников мечети «Яргунчи» Гузарского района Кашкадарьинской области обязали собрать 1 миллион сумов пожертвовании, в противном случае, мечеть может закрыться.
Эта ситуация, упомянутая в некоторых СМИ, фактически имела место в марте 2018 года, а не в настоящее время, как указывается в сообщении. Прежде всего, следует отметить, что мечети являются некоммерческими и некоммерческими организациями и осуществляют свою деятельность на принципах самофинансирования. Естественно, в этом смысле важную роль играют пожертвования в мечеть.

Как известно, указом главы государства от 16 апреля 2018 года «О мерах по коренному совершенствованию деятельности религиозно-просветительской сферы» был создан Благотворительный общественный фонд «Вакф» при Управлении мусульман Узбекистана, который с мая текущего года начал свою деятельность. Одним из направлений данного фонда является оказание материальной и социальной поддержки имам-хатибам мечетей, строительство, ремонт и реконструкция зданий мечетей.
Благотоворительный общественный фонд «Вакф» в настоящее время оказывает в необходимом объеме финансовую помощь соборной мечети «Яргунчи» Гузарского района Кашкадарьинской области.
Так, только в июле-августе этого года со стороны фонда этой мечети было выделено в общей сложности 1 млн 600 тысяч сумов.
В то же время в июне-июле текущего года в расчетный счет мечети «Яргунчи» поступило 206 тысяч сумов пожертвований. Эти деньги были переведены в расчетный счет фонда «Вакф».

Пресс-служба Управления мусульман Узбекистана

Саудия Арабистони ҳукумати Ҳаж мавсумида зиёратчиларнинг хавфсизлигини таъминлаш, зиёратчиларга қулайликлар яратиш, зиёрат пайтида ҳаддан ортиқ тирбандлик ҳолатини олдини олиш мақсадида мамлакатда яшовчи ва хориждан рухсатномасиз Макка шаҳрига кирмоқчи бўлган шахс ва машиналарни назорат қилади.

Бугун, 9 август куни Ҳаж хавфсизлик кучлари қўмондонлигининг хабар беришига қараганда 188 464 нафар зиёратчилар Макка шаҳрига киритилмаган. Бунинг асосий сабаби сифатида уларда Ҳаж рухсатномасининг йўқлиги экани қайд этилган.

Saudi Press Agency (SPA)нинг маълум қилишича, Макка шаҳрига кириш ва чиқиш қаттиқ назоратга олинган. Шаҳарга 12 та назорат пункти орқали кириш йўлга қўйилган.

Макка шаҳрига фақатгина Ҳаж рухсатномасига эга зиёратчилар ва Ҳаж мавсумига ишлашга рухсат берилган шахсларгина киритилади.

Ушбу қоидаларни бузган шахслар 2,6 минг АҚШ доллари миқдоридаги жаримага тортилиши маълум қилинган.

Маълумот учун, 2017 йилда Ҳаж қилиш учун 2,35 миллион зиёратчи Макка шаҳрига келган бўлиб, шундан 1,75 миллион нафарини хорижликлар ташкил этган.

ЎМИ Матбуот хизмати