Пайғамбаримизга мукаммал ва батамом салавоту дурудлар бўлсин.

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам: «Ким бир қавмга тақлид қилса, у ўшалардандир», дедилар.

Шарҳ: Ўз қавми, ўз дини ва урф-одати туриб, бошқаларнинг турмуш тарзини, кийиниш ва ҳаётдаги бошқа нарсаларини устун қўйиб, жон-жаҳди билан уларга ўхшашга ҳаракат қилиш одамга ўз таъсирини ўтказмай қолмайди. Ўша одам «ҳар кимга ниятига яраша» қоидасига биноан ўзи тақлид қилган қавмдан бўлади. Кофирларга ўхшашни орзу қилиб уринган бўлса, кофирлардан бўлади. Фожирларга ўхшашга ҳаракат қилган бўлса, фожир бўлади ва ҳоказо...

Ислом уммати Аллоҳ таоло юборган таълимотларнинг энг мукаммалига, ҳар бир замон ва ҳар бир маконга муносиб таълимотга раво кўрилган умматдир. Аллоҳ таоло бу умматни бошқа барча умматлар устидан шоҳид қилиб қўйгандир. Аллоҳ таоло бу умматга ҳар бир нарсада ўзига хосликни бериб қўйгандир. Шунинг учун ҳам бу умматга ўзидан бошқаларга ўхшашга ҳаракат қилиш, ўзига Аллоҳ таоло осмондан тушириб берган нарсани қўйиб, бошқа миллатлар ердан чиқарган нарсаларга ҳавас қилиш мутлақо тўғри келмайди.

Кўриб турибмизки, бунда фақат кийим ҳақида эмас, балки умуман ташқи қиёфани қандай тутиш кераклиги ҳақида ҳам сўз кетмоқда. Соқол-мўйлабни қандай қўйишдан тортиб ҳаром тукларни қиришгача, улама сочдан тортиб, тирноқни олишгача сўз юритилмоқда. Демак, ташқи қиёфа маданиятида ҳам ҳар ким ўзлигини унутмаслиги керак. Эркак киши эркаклигини, аёл киши аёллигини. Мусулмон мусулмонлигини.

Эркаклар аёлларни бошқалардан ажратиб турадиган, уларнинг аёллигини билдирувчи белги, аломат бўлган кийимларни киймаслиги, аёлларга хос бўлган ташқи қиёфа маданиятини ўзига раво кўрмаслиги керак.

Худди шунингдек, мусулмонлар бошқа миллатларга хос бўлган, уларни мусулмонлардан ажратиб турадиган нарсаларда уларга тақлид қилмасликлари лозим.

Шайх Муҳаммад Содиқ Муҳаммад Юсуф

(Ҳадис ва ҳаёт китобидан)

Саудия Арабистони пойтахти Ар Риёддан Ўзбекистон пойтахти Тошкентга янги авиарейс йўлга қўйилди. Бу ҳақда кun.uz сайти хабар берди. 5 август куни илк рейс кутиб олинди.

Маълум бўлишича, Ар Риёд – Тошкент – Ар Риёд йўналишидаги бу рейсни йўлга қўйиш бўйича музокаралар узоқ давом этган. Мунтазам қатновлар бўйича Саудиянинг «Flynas» авиакомпанияси билан келишувга эришилган.

Ислом Каримов номидаги Тошкент халқаро аэропортида Саудиядан келган рейс тантанали кутиб олинди. Маълумот учун, «Flynas» Саудия Арабистонидаги йирик лоукостер ҳисобланади. Бу қўшимча рейс йўналишга бўлган юқори талабни қондириши ҳамда зиёрат туризми салоҳиятини оширишга хизмат қилиши режалаштирилган.

Ўзбекистонда транспорт логистикасини ривожлантириш, ташқи ва ички қатновларни кенгайтириш ҳамда транспорт хизматлари сифатини ошириш орқали мамлакатимизга ташриф буюрувчи хорижий сайёҳлар сонини янада ошириш мақсадида жорий йил бошида Туризм ва спорт вазирлиги томонидан Саудия Арабистони Қироллигининг «Flynas» авиакомпанияси раҳбарияти билан музокаралар ўтказилиб, «Ар-Риёд–Тошкент–Ар-Риёд» авиарейсларини йўлга қўйиш бўйича келишувлар амалга оширилган, деб хабар берди uza.uz.

A320NEO самолёти Тошкент шаҳридаги Ислом Каримов номидаги халқаро аэропортга қўнди. Ҳаммаси бўлиб, бортда 18 йўловчи бўлган, улар орасида RUH ва Flynas Management вакиллари бор. «Flynas» компаниясининг биринчи рейсини Туризм ва спорт вазирлиги ҳамда Транспорт вазирлиги ходимлари ва ОАВ вакиллари кутиб олишди.

«Flynas» парвозлари мунтазамлигини ҳисобга олиб, сайёҳлар оқимини кўпайтирилади, Ўзбекистоннинг йирик туристик компания ва агентликлари вакилларини Саудия Арабистонига юборилади.

Бундан ташқари, у ерда Ўзбекистон туризм салоҳиятига бағишланган тақдимотлар ўтказилади.

Мазкур рейс, икки давлат ўртасидаги дўстлик алоқаларини янада мустаҳкамлашга ҳамда мамлакатимизга Саудия Арабистони Қироллигидан ташриф буюрувчи туристларнинг сонини ошишига ўз ҳиссасини қўшади.

Маълумот учун: «Flynas» (илгари «Nas Air») 2007 йилда ташкил топган. Flynas World Travel Awards томонидан кетма-кет беш йил ва Skytrax томонидан кетма-кет уч йил давомида Яқин Шарқнинг арзон нархлардаги етакчи авиакомпанияси деб топилган. Ушбу компания энг йирик бюджет авиакомпаниялардан бири ҳисобланади. 17 та маҳаллий ва 53 та халқаро йўналишлар бўйича мунтазам рейсларни амалга оширади ҳамда 27 та самолётлар паркига эга.

Ўзбекистон мусулмонлари идораси матбуот хизмати

Хабарингиз бор, икки ойдан бери уламоларимиз кенг халқ оммаси билан учрашиб, чекка ҳудудлардаги аҳоли билан мулоқотлар, жоме масжидларда мавъизалар ва эҳтиёжманд оилаларга ёрдамлар кўрсатиб келмоқдалар.
Аллоҳга шукрки, Қуръони каримга мухлис халқимизнинг истакларини инобатга олган ҳолда юртимизда Аллоҳнинг каломини ўрганиш ва ўргатиш борасида жуда катта ишлар амалга оширилмоқда. Айниқса, она-Ватанимизда Мусҳафи Шариф чоп этилиши, қорилар мусобақалари ўтказилиши ва Қуръон курслари кенгайишини алоҳида қайд этиш мумкин.
Мана шундай қувончли воқеалар давом этиб, диёримиздаги малакали қори устозларга Қироат илми бўйича Ижоза тақдим этиш каби хайрли анаъна жорий этилди. Қироат илми устози, 10 та қироат соҳиби Шайх Aлижон қори Файзуллоҳ Махдум ўғли мана шундай хайрли ишни бошлаб бердилар.
Айтиш керакки, Шайх Алижон қори Қуръони карим ва тажвид илми матнлари бўйича энг мўътабар устозларнинг ижозаларини олган. Шунингдек, у дунёдаги машҳур қироат алломаларига Қуръони каримни табаррукона ўқиб берган. Шайх Алижон қори дунёнинг кўплаб қироат илми уламолари томонидан эътироф этилган забардаст қорилардан бири. У Қуръон таълимида минглаб шогирдларнинг устози саналади.
Мазкур сафарлар давомида Шайх Алижон қори Файзуллоҳ Махдум ўғли томонларидин Сурхондарё вилоятидаги Имом Термизий ўрта махсус диний таълим муассасасининг “Қуръони карим ва тажвид” курси ўқитувчиси Музаффар қори Aҳмедов, Қашқадарё вилоятидаги “Хожа Бухорий” ўрта махсус диний таълим муассасаси ўқитувчилари Саидмуҳаммад қори Муҳибуллаев, Акбархон қори Асқаров ва Қарши шаҳар “Кўк гумбаз” жоме масжиди ходимлари Яҳёхон қори Аҳмедов ва Абусаидхон қори Валиевга Қуръони каримнинг тегишли сура ва оятлари бўйича Ижоза шаҳодатномалари тақдим этилди.
Маълумот ўрнида, Ижоза – ижоза берувчи шайх (муқрий)дан ижоза олувчи толиб (қорий)га ўқиш ва ўқитиш учун бериладиган шаҳодатдир. Ижоза – авлоддан авлодга Қуръони каримни овоз ила нақл қилишлик амалиётидир. Унга кўра, ижоза берувчини «Албатта, ижоза олувчининг тиловати бир ривоят ёки ривоятларга кўра юз фоиз тўғри бўлди», деб гувоҳлик бериши ҳамда унга Қуръони каримни ўқиш ва ўзидан бошқасига ўқитиш учун изн (рухсат) беришидир.
Аллоҳ таоло қориларимизнинг илмларини янада зиёда қилсин, олган ижозаларини муборак айласин.

Ўзбекистон мусулмонлари идораси Матбуот хизмати

#Ташрифнинг_тўртинчи_куни

Хабар берганимиздек, 3 август куни юртимиздаги бир гуруҳ таниқли уламоларнинг Насафийлар юртига ташрифлари давом этмоқда.

Ташрифнинг 4-чи куни, яъни, бугун Уламолар қуйидаги жоме масжидларда бўладилар:

▫️Ўзбекистон мусулмонлари идораси раисининг биринчи ўринбосари Ҳомиджон домла Ишматбеков
пешин намозида Косон туманидаги "Катта масжид" жоме масжидига,
аср намозида Қарши туманидаги “Файзобод” жоме масжидига;

▫️Ўзбекистон мусулмонлари идораси раисининг ўринбосари Иброҳим домла Иномов
пешин намозида Косон туманидаги "Абдураҳмон Ҳалифа" жоме масжидига,
аср намозида Қарши туманидаги “Дашт” жоме масжидига;

▫️Ўзбекистон мусулмонлари идораси раисининг маслаҳатчиси Салоҳиддин домла Шарипов
пешин намозида Косон туманидаги "Каманди" жоме масжидига,
аср намозида Қарши туманидаги “Қўйи Бешкент” жоме масжидига;

▫️Тошкент шаҳар "Убай ибн Каъб" масжиди имом-хатиби Абдулҳаким домла Матқулов
пешин намозида Қарши туманидаги "Сарой" жоме масжидига;

▫️Ўзбекистон мусулмонлари идораси бўлим бошлиғи Эрдон домла Эсонов
пешин намозида Косон туманидаги "Қусам ота" жоме масжидига;

▫️Ўзбекистондаги Ислом цивилизация маркази масъул ходими Аброр Мухтор Алий
пешин намозида Шаҳрисабз шаҳридаги "Сирожиддинхон Бурхониддинхон ўғли" жоме масжидига,
аср намозида Қарши шаҳридаги "Маҳаллот" жоме масжидига;

▫️Тошкент шаҳар "Ракат" масжиди имом-хатиби Раббимқул домла Муҳаммадиев
пешин намозида Қарши туманидаги "Имомайн” жоме масжидига;

▫️Тошкент шаҳар Юнусобод тумани бош имом-хатиби Раҳматилла домла Сайфуддинов
пешин намозида Китоб туманидаги "Хожа Бухорий" жоме масжидига;

▫️Тошкент шаҳар "Олтинтепа" масжиди имом-хатиби Исломиддин домла Зухриддинов
пешин намозида Миришкор туманидаги "Чоргумбаз" жоме масжидига,
аср намозида Миришкор туманидаги “Гулистон” жоме масжидига;

▫️Тошкент шаҳар "Бурхониддин Марғилоний" масжиди имом-хатиби Абдулҳамид домла Турсунов
пешин намозида Нишон туманидаги "Мулла Ўнгбой” жоме масжидига,
аср намозида Миришкор туманидаги “Миришкор” жоме масжидига;

▫️Тошкент шаҳар "Умар ибн Хаттоб" масжиди имом-хатиби Мансур домла Даминов
пешин намозида Нишон туманидаги "Ҳазрати Усмон" жоме масжидига,
аср намозида Миришкор туманидаги “Анна” жоме масжидига;

▫️Тошкент шаҳар "Доруссалом" масжиди имом-хатиби Муҳаммадраҳим домла Абдулқодиров пешин намозида Косон туманидаги "Ғоиб ота" жоме масжидига,
аср намозида Муборак туманидаги “Хитой” жоме масжидига;

▫️Тошкент шаҳар "Ал-Ҳудайбия" масжиди имом-хатиби Муродулла домла Хунназаров
пешин намозида Нишон туманидаги "Наврўз” жоме масжидига,
аср намозида Муборак туманидаги “Нажот” жоме масжидига;

▫️Тошкент шаҳар "Ислом ота" масжиди имом-хатиби Йўлдошали домла Каримов
пешин намозида Косон туманидаги "Оқтепа" жоме масжидига,
аср намозида Қарши туманидаги “Мирмирон” жоме масжидига;

▫️Тошкент шаҳар "Омина" масжиди имом-хатиби Юсуфхон домла Муҳиддинов
пешин намозида Косон туманидаги "Аллаёр Эшон" жоме масжидига,
аср намозида Муборак туманидаги “Абдуллоҳ ибн Муборак” жоме масжидига ташриф буюриб, масжид жамоасига маърузалар қилиб берадилар.

ЎМИ Қашқадарё вилоят вакиллиги
Матбуот хизмати.
@nasafziyo
@muslimuzportal | @mp3muslim | @diniysavollar

Динимизда инсонларга яхшилик қилиш, уларнинг кўнглини кўтариш улкан савобли амаллардан саналади. Ҳадиси шарифлардан бирида: “Фарз амаллардан кейин Аллоҳ таолога энг маҳбуб амал мусулмон кишининг қалбига шодлик киритишдир”, дейилган.

Юртимизнинг таниқли уламолари Қашқадарё вилоятидаги сафарлари давомида эҳтиёжманд оилалар ҳолидан хабар олиб, ҳадиси шарифда айтилганидек, кишиларнинг қалбига шодлик киритмоқдалар

Жумладан, Ўзбекистон мусулмонлари идораси раисининг маслаҳатчиси Салоҳиддин домла Шарипов, Ўзбекистон мусулмонлари идораси раисининг ўринбосари Иброҳим домла Иномов, Ўзбекистон мусулмонлари идораси бўлим бошлиғи Эрдон домла Эсоновлар ташриф давомида жойлардаги эҳтиёжманд оилалар ҳолидан хабар олиб, ширин сўз, диний-маърифий китоблар тўплами ва “Вақф” фондининг ёрдам пуллари ва ҳадялар билан кўнгилларини кўтардилар.

Қашқадарё вилоят вакиллиги
матбуот хизмати