Имом Бухорий номидаги Тошкент ислом институтида 2023-2024 ўқув йили модуль таълим тизими учун ҳужжат топширган абитуриентлар 2023 йил 3 август куни қуйидаги фанлар бўйича тест синовларида қатнашади:

– ихтисослик фанлари мажмуаси: Қуръони карим ва тажвид, ҳадис, фиқҳ, ақоид – 73,5 балл;

– ижтимоий-гуманитар фанлар мажмуаси: Ўзбекистон тарихи, Маънавият асослари, Миллий ғоя – 27,5 балл.

Тест синовлари 3 август, соат 06:00 да бошланади.

Эслатма: Абитуриентлар қабул имтиҳонларига рухсатнома ва паспорт билан киритилади;

Имтиҳон биносига киритиш эрталаб соат 5:30 да бошланиб, 30 дақиқа давом этади;

Соат 6:00 дан сўнг кечикиб келганлар, қандай сабаб бўлишидан қатъий назар, имтиҳонга киритилмайди.

Имтиҳон ўтказиладиган манзил: Тошкент шаҳар, Олмазор тумани, Зарқайнар 18-берк кўча, 47-уй.

☎️ 71-240-03-58, 77-250-03-58

Тошкент ислом институти
Матбуот хизмати

Бугун, 31 июль куни “Хадичаи Кубро” аёл-қизлар ўрта махсус ислом таълим муассасасида 2023-2024 ўқув йили учун кўзи ожиз абитуриентларнинг қабул имтиҳонлари бошланди.

2022-2023 ўқув йили қабулига ҳужжат топширган 1437 та абитуриентдан 3 нафари кўзи ожиз абитуриент эди. Бугун мазкур абитуриентлардан Ўзбекистон мусулмонлари идорасининг “Ўрта махсус ислом таълим муассасаларига кўзи ожиз абитуриентларни ўқишга қабул қилиш тартиби”га асосан кириш имтиҳони оғзаки шаклда ўтказилмоқда.

Ушбу имтиҳон жараёнида Тошкент шаҳар “Шароит плюс” ногиронлар жамоат бирлашмаси кенгаш аъзоси Улуғбек Маматханов холис кузатувчи сифатида иштирок этмоқда.

Ўзбекистон мусулмонлари идораси
Матбуот хизмати