Индонезийские солдаты, дислоцированные недалеко от границы Индонезии и Папуа-Новой Гвинеи в деревне Питеви-Арсо района Киром, провинция Папуа, помогли местным жителям построить мечеть.
По данным islam.ru, общественные работы проводились несколькими военнослужащими оперативной группы по охране границы Индонезия-ПНГ 711/Rks пехотного батальона.
Солдаты и жители деревни работали вместе, чтобы поднять строительные материалы, необходимые для строительства мечети, которую местные жители будут использовать в качестве молитвенного дома и учебного центра для своих детей.
Алан, уважаемый деятель местной мусульманской общины, поблагодарил военнослужащих, которые помогли им построить храм.
Для солдат, дислоцированных в округе Киром, помощь местным жителям в строительстве их молитвенных домов стала постоянным делом.
В начале июля 2021 года несколько солдат помогли жителям деревни Сомографи, район Веб, отремонтировать церковь Санта-Мария.
Ранее индонезийские солдаты, дислоцированные в Папуа, помогли местным жителям через общественные работы, включая предоставление основных продуктов питания, медицинское обслуживание, мобильную библиотеку, программу уборки улиц.

Пресс-служба Управления мусульман Узбекистана

Дубайда минглаб энг буюк араб ақллари – математиклар ва олимлар қидируви бошланди. БАА вице-Президенти, бош вазири ва Дубай ҳукмдори Шайх Муаммад бин Рашид ол Мактум ҳазратлари араб дунёси илм-фанининг кўзга кўринган вакиллари ғояларини молиялаштирадиган махсус жамғарма ташкил этди.

«Энг буюк араб ақллари» жамғармасининг бюджети 100 млн дирҳам (27,3 млн АҚШ доллари) ни ташкил қилади. Маблағ математика, физика, компьютер дастурлаш ва катта маълумотларни қайта ишлаш соҳасида инновацион ғояларни қидириш ва амалга ошириш учун ишлатилади.

Islam.ru портали хабарига кўра, Дубай келажак музейи дастур учун база сифатида фойдаланилади ва 4 вазир бир вақтнинг ўзида унинг кураторларига айланади. "Бугун биз физика ва математика, дастурий таъминот ва маълумотлар тўғрисидаги фан, иқтисодиёт, олий таълим ва тадқиқот соҳаларида 1000 нафар буюк араб ақлларини топиш учун янги лойиҳани бошлаймиз", - деди Шайх Муҳаммад.

Унинг фикрига кўра, буюк ақллар яхши дунёни қуриш учун ҳар қандай имкониятга эга бўлган араб цивилизациясини яратди. "Биз энг яхши илмий ғояларни ишлаб чиқиш учун Амирликларнинг араб ва жаҳон инкубатори сифатидаги ролини кучайтирамиз. Олимлар, мутафаккирлар ва инноваторлар учун глобал марказ сифатида қурилган Келажак музейи минтақамиздаги энг яхши ақл салоҳиятини ривожлантирадиган пойдевор учун идеал марказ бўлади", - деди Дубай ҳукмдори.

Жамғармага Келажак музейи Президенти ва Вазирлар Маҳкамаси ишлари бўйича вазир Муҳаммад Ал Гергави, илғор фанлар бўйича давлат вазири ва БАА космик агентлиги раиси Сара Ал Амирий, рақамли иқтисодиёт, сунъий ақл ва масофадан туриб ишлаш тизимини ривожлантириш масалалари бўйича давлат вазири Омар Ал Олама, ёшлар ишлари бўйича давлат вазири Шамма Ал Мазруи раҳбарлик қилади, хабар бермоқда The National.

Ўзбекистон мусулмонлари идораси матбуот хизмати

Бугунги серташвиш дунёда кўпчиликнинг қалби бойлик, мол-дунё тўплаш, баланд-баланд иморатлар қуриш, қиммат машиналар миниш билан машғул бўлиб қолди. Аксарият кишилар орзуларига ета олмаётганидан, кўнгли хотиржам эмаслигидан, ҳузур-ҳаловат йўқлигидан нолийди.

Аслида, ризқ-рўз ҳам, мол-дунё ва фаровон ҳаёт ҳам имон қувватида, ибодат ва тоатлар, тасбеҳ ва зикрлар бардавомлигидадир. Бежиз Аллоҳ таоло Қуръони каримда: «Улар имон келтирган ва қалблари Аллоҳнинг зикри билан ором оладиган зотлардир. Огоҳ бўлингизки, Аллоҳни зикр этиш билан қалблар ором олур (ва таскин топур)», демаган (Раъд сураси, 28-оят).

Қалбимиз зикр ва тасбеҳлар билан ором олади. Чунки Буюк Раббимиз кўплаб ояти карималарда – Ҳадид, Ҳашр, Саф суралари 1-оятларида «Осмонлар ва Ердаги (бор) нарса Аллоҳга тасбеҳ айтур», деб марҳамат қилган бўлса, Жумъа ва Тағобун сураларининг 1-оятларида «Осмонлардаги ва Ердаги (ҳамма) нарса Аллоҳга тасбеҳ айтур», дейилган. Шунингдек, Исро сураси 44-, Нур сураси 36-, 41-, Ҳашр сураси 24-оятларида ҳам етти осмон, Ер ва улардаги барча мавжудот ва махлуқот Парвардигоримизга тасбеҳ айтиши баён этилган.

Тасбеҳ ва зикр қилишда ҳам улуғларимизнинг тутган йўллари биз учун ибратдир. Буюк саҳоба Абу Ҳурай ра розий аллоҳу анҳу бир кунда 12 минг марта тасбеҳ айтган. У зотнинг оқ ипи бўлиб, унда мингта тугун бўлган. Шу ипни ҳар доим ёнида олиб юрган.

Абу Ҳурай ра розий аллоҳу анҳу Расулуллоҳ соллаллоҳу алайҳи ва салламдан энг кўп ҳадис ривоят қилган саҳобадир. Шу улуғ саҳоба ипни тугун қилиб, тасбеҳ санагани учун бидъатчи бўладими? Аллоҳ асрасин! У зотлар Набий алайҳиссаломнинг тарбияларини олган, набавий ахлоқ билан хулқланган эдилар.

Абу Ҳурай ра розий аллоҳу анҳу бидъатчи бўлмаган, шунингдек, кўп зикр қилишлари ва тасбеҳ ай тишлари ривоят қилинган улуғ зотлар ҳам асло бидъатчи, залолатга бошловчи эмас. Аксинча, улар суннат ва ҳидоят имомларидир (Имом Ибн Абу Шайба, “Муснад”).

Абу Ҳурай ра розий аллоҳу анҳудан ривоят қилинади. У киши айтади: “Мен ҳар куни нафсим қарзини узиш учун (Аллоҳ яратганига шукр келтириш учун) 12 минг марта тасбеҳ айтаман” (Имом Ибн Абу Шайба ривояти).

Демак, ҳар дарднинг давоси бор. Кўнгил хотиржамлигининг давоси зикр қилиш, тасбеҳ айтишдир.

Азиз ўқувчи! Бир синаб кўринг-а: ҳар куни тасбеҳ ва зикрларни канда қилмай айтиб юринг. Тез орада қалбингиз хотиржам бўлади, ҳузур-ҳаловат топасиз.

Аллоҳ таоло умрингизга, ризқингизга барака беради.

Толибжон НИЗОМ

“Ҳидоят” журналининг 12-сонидан олинди

Ўзбекистон Фанлар академияси Миллий археология маркази томонидан «Ғарбий турк хоқонлиги: тарих ва танга-пул тизими» номли монография чоп этилди, деб хабар бермоқда «Дунё» АА.

Фанлар академияси томонидан тақдим этилган маълумотда қайд этилишича, ушбу монография ўзбек давлатчилиги тарихида юксак ўрин тутадиган Ғарбий турк хоқонлиги (568-740-йй.) тарихи ва танга-пул тизимининг долзарб масалаларига бағишланган.

Монография ижтимоий-гуманитар фанлар, шу жумладан, тарих, археология, этнология ва лингвистика соҳалари учун бирламчи ёки ёрдамчи қўлланмалардан бири сифатида хизмат қилади.
Нашрда Ўзбекистон ҳудудидаги қадимий шаҳар қолдиқларидан топилаётган осори-атиқаларга оид материллар ўрин олган бўлиб, бундай қадимий ашёлар Марказий Осиёнинг бошқа мамлакатларида деярли учрамайди.

Монографиядан Евросиё халқлари, шу жумладан, туркий халқлар тарихи, нумизматикаси, этнология ва линвистикаси учун ёрдамчи материал сифатида фойдаланиш мумкин.

Ўзбекистон мусулмонлари идораси матбуот хизмати