muslim.uz

samedi, 06 juillet 2024 00:00

“Ислом фиқҳи асослари” китоби нашрдан чиқди

Ўзбекистон мусулмонлари идораси раисининг биринчи ўринбосари Ҳомиджон домла Ишматбековнинг “Ислом фиқҳи асослари” номли китоби нашрдан чиқди.

Мазкур китобда ислом фиқҳининг пайдо бўлиш тарихи ва илдизлари ҳақида баён этилган. Ислом шариатининг ўзига хос хусусиятлари ҳақидаги ушбу китобнинг ёзилишидан мақсад динимиз воқеий дин экани ва барча замону маконларга ҳам мувофиқ келишини илмий асослашдан иборатдир.

Ҳижрий иккинчи ва учинчи асрларга келиб мужтаҳид уламолар томонидан Ислом шариати аҳкомларини ўзида ифодаловчи мазҳабларга асос солинди. Жумладан, Кўфада Имом Абу Ҳанифа, Мадинада Имом Молик, Ҳижозда Имом Шофеъий ва Бағдодда Имом Аҳмад раҳимаҳумуллоҳ ўзларидан аввалги зотларнинг таълими асосида кейинги авлодга шариат аҳкомларига амал қилишнинг йўл-йўриқларини кўрсатиб бердилар.

Уларнинг илмий асосга эга усуллари ва жорий қилган қоидалари ҳозиргача ўз аҳамиятини йўқотмай келаётгани мавжуд мазҳабларнинг нақадар пухта ва мустаҳкам эканига далолат қилади. Ушбу китобда мавжуд тўрт мазҳабнинг айнан Қуръон ва суннатга асослангани ва динимизнинг замонлар оша юзага келадиган муаммоларини ҳал қилишда айнан мазҳаб уламолари жорий қилган усул ва қоидаларга асосланиши ҳам баён этилган.

Аллоҳ таоло ушбу китобни илм талабида бўлган китобхонларга манфаатли айласин.

Ўзбекистон мусулмонлари идораси Матбуот хизмати

Published in Ўзбекистон янгиликлари

samedi, 06 juillet 2024 00:00

Ҳамдардлик билдирамиз

Ўзбекистон мусулмонлари идораси жамоаси Сурхондарё вилояти Қумқўрғон тумани "Хўжа Мирсаид" жоме масжиди имом ноиби Абдулкарим домла Абдуллаевнинг оналари Биби Дона ҳожи онанинг вафоти муносабати билан чуқур таъзия билдиради.

Аллоҳ таоло марҳума онахонни раҳматига олсин, маконини жаннат айласин. Бу дунёда қилган барча хайрли ишларини бошларига соя, охиратларига захира айласин. Ортда қолган барча яқинларига гўзал сабр берсин.

Иннã лиллãҳи ва иннã илайҳи рожиъун!

«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».

Ўзбекистон мусулмонлари идораси

Published in Ўзбекистон янгиликлари

samedi, 06 juillet 2024 00:00

OTA-ONA BIZLARNING JANNATIMIZDIR

YUNUSXON JABBAROV,
Namangan shahar "Abdulqodir qori" jome masjidi imom-noibi

Published in ВИДЕО

samedi, 06 juillet 2024 00:00

Aл-Aзҳар:хорижлик талабалари ўртасида Қуръони карим мусобақаси ўтказилади

Мисрнинг нуфузли Aл-Aзҳар университетидаги Хорижлик талабалар таълим маркази талабалар ўртасида халқаро Қуръони карим мусобақаси ўтказилишини эълон қилди.

“IQNA” сайтининг “Al-Ahram”га таяниб хабар беришича, мазкур марказ кейинг ойларда “Инновация ва етакчилик”, “Иқтидор ва қобилият” шиорлари остида халқаро Қуръони карим ва исломий санъат танловини эълон қилди.

16 йўналишдан иборат ушбу танлов Aл-Aзҳардаги хорижий талабаларнинг Қуръон маҳоратини ошириш, ижодий ғояларини қўллаб-қувватлаш ва ривожлантириш мақсадида ўтказилади.

Танловда талабалар Қуръони Каримни ёддан ўқиб бериш ва қоидали тиловат қилиш, диний илмлар, ислом маданияти, ислом илмлари ва хорижий тиллардаги адабиётлар, хаттотлик ва бошқа бир қанча бадиий ва тадқиқот йўналишлари бўйича мусобақалашади.

Унда ҳар бир йўналиш бўйича энг яхши 10 нафар иштирокчига совринлар топширилади. Ғолиблар турли совғалар ва 260 000 евро миқдоридаги пул мукофоти билан ҳам тақдирланади.

И.Аҳмедов тайёрлади.

Published in Ўзбекистон янгиликлари