muslim.uz

Subscribe to this RSS feed

muslim.uz

lundi, 08 avril 2019 00:00

Татбиқ: Вақтингиз етмаябтими

ЎМИ Матбуот хизмати

Published in Видеолавҳалар

lundi, 08 avril 2019 00:00

Жазоирда Қуръони карим тарихига оид кўргазма ўтказилди

Жорий йилнинг 1-5 апрель кунлари Жазоир мамлакати пойтахти Жазоир шаҳрида Каломуллоҳнинг босилиши тарихи ҳақида маълумот берувчи Қуръони карим кўргазмаси ташкил этилди.

Ушбу кўргазма Дин ва вақф ишлари вазирлиги томонидан ташкил этилгани ҳақида akher.news веб-сайти хабар берди.

Кўргазмада Қуръони каримнинг дастлаб Жазоирга кириб келиш тарихи, уни қайта чопиш этиш ва такомиллашув жараёнлари ҳақида сўзловчи тарихий далиллар ўрин олган. Араб ёзуви санъати ва Усмон ёзуви асослари моҳир ҳаттотлар томонидан намойиш этилмоқда.

Кўргазма меҳмонларига Араб ҳаттотлигининг бошланғич усуллари ҳам ўргатилмоқда.

Ўзбекистон мусулмонлари идораси Матбуот хизмати

Published in Дунё янгиликлари

lundi, 08 avril 2019 00:00

Халқаро Қуръон мусобақасида 80 та мамлакат вакили қатнашади

2019 йил 9 апрель куни Қувайт пойтахтида Х халқаро Қуръон мусобақаси бошланадиБу ҳақда IQNA нашрига таяниб Ислом.уз хабар берди.

Мусобақанинг ташкилий қўмитаси раиси Фарид Амадининг куни кеча матбуот анжуманида берган интервьюсида, мусобақада 80 та мамлакатнинг вакиллари иштирок этишини маълум қилган.

Қуръон мусобақаси уч босқичда ўтказилади. Ташкилий қўмита раисининг билдиришича, бу йилдан бошлаб мусобақа низомига ўзгартириш киритилиб, унда ўсмирлар ҳам қатнашиш имкониятига эга бўлди. Ўтган йилги мусобақаларда Яман, Қувайт, Ливия давлати вакиллари биринчиликни қўлга киритган эди.

Аввалроқ, Муборак Абдул Азиз Ал Ҳисави номидаги миллий Қуръон мусобақаси жорий йилнинг 6 апрель куни Қувайтда бошлангани ҳақида хабар берган эдик.

Ўзбекистон мусулмонлари идораси Матбуот хизмати

Published in Дунё янгиликлари

dimanche, 07 avril 2019 00:00

Шавкат Мирзиёев Султон Саодат мажмуасини обод қилиш бўйича кўрсатмалар берди

Ўзбекистон Президенти Шавкат Мирзиёев Термиз шаҳри яқинидаги Султон Саодат мақбарасини зиёрат қилди. Қуръон тиловат этилди.

Ушбу қадамжо X-XVII асрларга мансуб мақбаралар мажмуасидир. Бу ерда пайғамбаримиз Муҳаммад алайҳиссаломнинг қизлари Фотима онамиз ва Ҳазрат Алининг бешинчи авлоди бўлган Саййид Ҳасан ал-Амир мангу қўним топган. Шу боис у аслида Султон Содот, яъни “Саййидлар султони” дея аталган. Кейинчалик мақбара атрофига унинг авлодлари ва бошқа саййидлар дафн этилган.

Олимлар фикрича, Ҳасан ал-Амир ўз яқинлари билан тахминан 865 йилда Термизга келиб, яшаб қолган. Шу тариқа бу ерда обрўли саййидлар сулоласи шаклланган. Ўрта асрлардаги давлатлар, хусусан, Амир Темур салтанати ривожида Термиз саййидларининг алоҳида ўрни бўлган. Соҳибқирон ва темурийлар пайғамбаримиз авлодларига ҳурмат кўрсатишни шараф деб билиб, бу ерда хонақоҳ ва мақбаралар қурдирган. Кейинги даҳмалар ўз даврининг услубига мос равишда барпо этилган. Шу жиҳатлари билан мажмуа улкан тарихий, маънавий, маданий аҳамиятга эгадир.

Давлатимиз раҳбари ушбу қадамжо улкан маънавий мерос, мусулмонлар учун табаррук маскан эканини қайд этиб, унинг тарихини мукаммал ўрганиш, халқимизга ва чет элликларга етказиш зарурлигини таъкидлади. Мажмуа ҳудудини археологик ўрганиш асосида уни ободонлаштириш, Имом Бухорий, Имом Термизий мақбараларидек катта ва гўзал зиёратгоҳга айлантириш бўйича кўрсатмалар берди.

Шавкат Мирзиёев Ҳаким Термизий мақбарасини ҳам зиёрат қилди. Юртимизга тинчлик, қут-барака тилаб дуо қилинди.

Манба: https://president.uz

Published in Ўзбекистон янгиликлари

vendredi, 05 avril 2019 00:00

ТАЪЗИЯ

Ўзбекистон мусулмонлари идораси жамоаси Таълим ва кадрлар тайёрлаш бўлими мудири Салоҳиддин Шерхоновнинг синглиси Иботова Зебохоннинг вафоти муносабати билан чуқур таъзия изҳор этади.
Аллоҳ таоло марҳуманинг барча хайрли ишлари ва солиҳ амалларини ҳусни қабул айлаб, Ўз мағфиратига олсин. Охиратларини обод қилиб, ажру мукофотларини кўпайтирсин ва яқинларига чиройли сабр берсин.
Иннаа лиллааҳи ва иннаа илайҳи рожиъуун.
Жаноза намози эртага (06.04.19) соат 14:00 да Самарқанд вилояти, Каттақўрғон тумани, Мойбулоқ қишлоғида ўқилади.

Ўзбекистон мусулмонлари идораси Матбуот хизмати

Published in Ўзбекистон янгиликлари