ONLINE.

СУРХОНДАРЁ.

ЎМИ Матбуот хизмати

Жорий йилнинг 17-19 апрель кунлари Мальта Республикаси пойтахти Валлетта шаҳрида Ислом меросини тадқиқ этиш ва меъморчилигини ривожлантиришга бағишланган II халқаро анжумани бўлиб ўтади. Анжуманда ислом давлатларидаги масжидлар, меҳмонхоналар, миноралар, тураржой бинолари, истироҳат боғлари, кўприклар, сув омборлари ва бошқа бинолар лойиҳалари муҳокама қилинади.  

Ушбу анжуман мусулмон давлатларида меъморчилик соҳасида юз бераётган ўзгаришларни ўрганиш мақсадида ташкил этилмоқда. Ушбу мавзудаги I халқаро анжуман 2017 йилнинг май ойида Испаниянинг Валенсия шаҳрида ўтказилган эди.

Маълумот ўрнида, Мальта Республикаси Ўрта Ер денгизининг марказий қисмидаги Малта архипелаги ороллар гуруҳида жойлашган кичкина давлат. Майдони 396 км.кв. Аҳолиси 429 000 киши (2015 й) . Пойтахти Валлетта шаҳри.

Халқаро алоқалар бўлими ходими

 Илёсхон АҲМЕДОВ

 тайёрлади.

ЎМИ Матбуот  хизмати

Ўзбекистон Республикаси Президенти Шавкат Мирзиёев 26 январь куни Россия Федерацияси Президенти Владимир Путин билан телефон орқали мулоқот қилди. Бу ҳақда Ўзбекистон Президентининг Матбуот хизмати хабар берди.

Мулоқотда икки давлат раҳбарлари Ўзбекистон ва Россия ўртасида стратегик шериклик ва иттифоқчилик муносабатлари изчил мустаҳкамланиб, жадал ривожланиб бораётганини катта мамнуният билан қайд этдилар.

2017 йил 4-5 апрель кунлари Россия Федерациясига амалга оширилган олий даражадаги ташриф ҳамда икки давлат раҳбарларининг мунтазам учрашув ва фикр алмашувлари сиёсий мулоқотни фаоллаштириш, кўп қиррали ҳамкорликни кенгайтиришга хизмат қилгани, алоқаларни сифат жиҳатидан янги босқичга кўтариб, амалий мазмун билан бойитгани алоҳида таъкидланди.

Биргаликдаги саъй-ҳаракатлар туфайли савдо-иқтисодиёт, инвестиция, молия ва транспорт-коммуникация соҳаларида салмоқли натижаларга эришилди.

Бугунги кунда мамлакатимизда Россиянинг етакчи компания ва банклари иштирокида энергетика тармоғи, нефть-газ мажмуи, металлургия, машинасозлик, тўқимачилик ва озиқ-овқат, фармацевтика, қурилиш материаллари саноати ва бошқа устувор йўналишларда йирик инвестицион лойиҳалар амалга оширилмоқда.

Ўтган йил якунларига кўра, ўзаро товар айирбошлаш ҳажми 20 фоизга ошди ва 4,5 миллиард долларга етди.

Давлат раҳбарлари Ҳудудлараро ҳамкорликка кўмаклашиш тўғрисидаги ҳукуматлараро битим доирасида мамлакатларимиз ҳудудлари ўртасида самарали шериклик йўлга қўйилганини алоҳида қайд этдилар.

Туристик ва маданий алмашинувлар кенгаймоқда, таълим ва соғлиқни сақлаш соҳаларида муҳим қўшма лойиҳалар амалга оширилмоқда.

Ўзбекистон ва Россия раҳбарлари минтақавий ва халқаро аҳамиятга молик долзарб масалаларни, келгусидаги турли даражадаги учрашув ва тадбирлар режасини муҳокама қилдилар.

Мулоқот сўнгида Ўзбекистон Республикаси Президенти Шавкат Мирзиёев ва Россия Федерацияси Президенти Владимир Путин мамлакатларимиз ва халқларимиз манфаатлари йўлида, минтақада тинчлик, барқарорлик ва тараққиётни таъминлаш мақсадида ўзаро манфаатли шерикликни янада мустаҳкамлашга тайёр эканини қатъий таъкидладилар.

ЎМИ Матбуот хизмати

Татаристон Республикасида “Ислом нури” диний-маърифий маркази босмахонасида омма учун қўлай Қуръони карим чоп этилди. 

Набережние Челна шаҳрида оммага намойиш этилган Мусҳафи шарифда суралар, уларнинг кирилл алифбосида ўқилиши, оятларнинг татар тилига таржимаси ва тафсири берилган. 

Бундан ташқари, ушбу Қуръон китобида тажвид (тўғри ўқиш) қоидалари ҳам берилган.

ЎМИ Матбуот хизмати

Қуръон мусобақаси 2018 йил 27 январь куни Шеробод туманидаги "Имом Термизий" жоме масжидида, 28 январь куни Термиз шаҳридаги “Мурч бобо” жоме масжидида ҳамда 29 январь куни Денов туманидаги “Имом Бухорий” жоме масжидида ўтказилиши белгиланди.

Шу муносабат билан Сиз азизларни мазкур Қуръон мусобақасига таклиф этамиз!

ЎМИ Матбуот хизмати