Кўзи ожиз ва заиф кўрувчи мусулмонларга ёрдам бериш мақсадида Масжидул ҳаромга электрон Қуръон келтирилди, дея хабар бермоқда ArabNews.

Haramain деб аталувчи электрон Қуръонда илғор Брайл технологиясидан фойдаланган. Унинг узунлиги қарийб олти ва кенглиги тўрт дюйм бўлиб, юқори сифатли Брайл ячейкалари ёрдамида саҳифадан саҳифага муаммосиз ўтиш имконини беради.

“Кўзи ожизлар учун мўлжалланган 100 та Брайл алифбосидаги электрон қурилмалар учун махсус жавонлар тайёрланмоқда”, – деди Икки муқаддас масжид ишлари бўйича бош бошқарма вакили Ғози ал-Тубёний.

Янги қурилмалардан ташқари Масжидул ҳаромда Қуръоннинг Брайл алифбосидаги қоғоз нусхалари ҳам тақдим этилган.

“Ҳар бир Мусҳаф олти жилддан иборат. Шунингдек, бизда кўзи ожиз болалар учун ислом асосларини ўрганишга ёрдам берадиган Брайл алифбосидаги буклетлар ҳам бор”, – деди Ғози ал-Тубёний.

azon.uz

«Аллоҳ таолонинг нозил қилганига хилоф бўлган жаҳолат, ҳавойи-нафс ва бидъатлар одамларнинг нубувват ва салафи солиҳлар замонидан узоқлашгани сари урчиб бормоқда. Бугун биз олдимизда ўзларини бошқалардан айро тутувчи ва салафи солиҳларга, Ашъарий ва Мотуридийлардан иборат Аҳли сунна вал жамоа имомларига хилоф қилувчи кишилар пайдо бўлди. Балки, улар ишни аксига ўгирмоқдалар: ўзларини «Аҳли сунна» кўрсатиб, асл Аҳли суннани «бидъатчи» қилиб кўрсатмоқда. Уларнинг даъволари салафларга эргашиш, аммо салафлар улардан беҳожатдир. Салафи солиҳлар ораларидан «Мушаббиҳа» ва «Мужассима» кабиларнинг чиқишидан покдирлар. Улар Аллоҳнинг энг яхши бандаларидир. Жаноби коинот соллаллоҳу алайҳи васалламнинг уларга «яхшилар», деган гувоҳликлари берилган.

Шуни билингки, Аҳли сунна вал жамоа деганда икки имом: Абул Ҳасан Ашъарий ва ҳидоят имоми Абу Мансур Мотуридий роҳимаҳумаллоҳларга эргашганлар тушунилади. Улар салафи солиҳлар, тўрт мазҳаб: Ҳанафий, Моликий, Шофеъий ва Ҳанбалийларнинг фазилатлиларига эргашганлардир. Улар бу умматнинг «Саводул аъзам»идир, бу мустаҳкам диннинг имомларидир. Биз ушбу ҳидоят аҳлига эргашишлик билан бошимизни Қуёшдан ҳам устун тутамиз!».

«Рофъул ғошия ъанил мажози ват таъвил» асаридан 7-Б, Шайх Низол Иброҳим Ола-Роший ҳафизаҳуллоҳ

Термиз археология музейида «Сурхон маданияти дурдоналари» мавзуcида китоблар кўргазмаси ташкил этилди.

ЎзА хабарига кўра, тадбир очилишида Термиз Давлат Музей қўриқхонаси илмий ходимлари, Ҳаким Термизий, Имом Термизий мажмуалари, «Вақф» хайрия жамоат фонди вилоят бўлими, вилоят маданий мерос бошқармаси мутасаддилари, Термиз давлат университети ва Имом Термизий халқаро тадқиқот маркази қошидаги ўрта махсус Ислом билим юрти талабалари, кенг жамоатчилик вакиллари иштирок этди.

Сурхондарё вилоят туризм ва спорт бош бошқармаси, Термиз археология музейи ҳамда Имом Термизий халқаро илмий-тадқиқот маркази ҳамкорлигида ташкил этилган кўргазмада кейинги йилларда мамлакатимизда ички ва ташқи зиёрат туризмини ривожлантириб, юртимизда яшаб ўтган буюк алломаларимиз мангу қўним топган муқаддас қадамжоларни ободонлаштириш, уларнинг бой маданий-маънавий меросини дунёга кенг тараннум этишга алоҳида эътибор қаратилаётгани таъкидланди. Кўплаб буюк алломаларимизнинг нодир асарлари чоп этилиб, юртдошларимиз ва халқаро жамоатчилик орасида кенг тарғиб қилинаётгани қайд этилди.

– Президентимизнинг шу йил 9 февралдаги «Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида»ги фармони соҳани янги босқичда юксалтиришнинг аниқ йўналишларини белгилаб берди, – дейди вилоят туризм ва спорт бош бошқармаси бош мутахассиси Ж.Худойқулов. – Шунга мувофиқ мамлакатимизнинг хориждаги элчихоналари ҳамкорлигида воҳанинг узоқ ўтмишга бориб тақаладиган муқаддас зиёратгоҳлари чет элларда кенг тарғиб қилиняпти. Зиёратчилар учун қулай шароитлар яратилмоқда. Буюк алломаларимизнинг нодир асарлари нашр этилмоқда. Қизиқарли кўргазмалар ташкил этилиб, муқаддас қадамжоларни жаҳон интернет тармоғи орқали кенг тарғиб қилиш йўлга қўйилмоқда. Термизий алломаларнинг бугун кўргазмага қўйилган асарлари ҳам ана шундай эзгу мақсадга қаратилгани билан томошабинларда катта қизиқиш уйғотмоқда.

Давлатимиз раҳбарининг 2017 йил 15 февралдаги «Имом Термизий халқаро илмий-тадқиқот марказини ташкил этиш чора-тадбирлари тўғрисида»ги қарори бу борадаги ишлар кўламини янада кенгайтиришда муҳим омил бўлмоқда. Термиз шаҳридаги Имом Термизий халқаро илмий-тадқиқот маркази ходимлари ислом дини ривожига улкан ҳисса қўшган буюк олим, алломаларнинг беназир меросини илмий асосда чуқур ўрганиб, нашр эттирмоқда.

– Заминимиз азал-азалдан улуғ алломалар, азиз-авлиёлар ватани бўлиб келган, – дейди Имом Термизий халқаро илмий-тадқиқот маркази директори Шукрулло Умаров. – Айни пайтда аждодларимизнинг илмий меросларини чуқур ўрганиб, тадқиқ этяпмиз. Улардан диний таълим, маънавий-ахлоқий тарбия ишларида фойдаланиш учун зарур дарслик ва ўқув қўлланмалари, оммабоп нашрлар, илмий-амалий тавсиялар тайёрлаяпмиз. Ўтган йилларда Ҳаким Термизий, Имом Термизий, Сўфи Оллоёр каби улуғ зотларнинг илмий меросига оид 50 га яқин рисола чоп этилди. Термизийнинг аҳоли сақлаб келаётган 80 дан ортиқ нодир қўлёзма асарлари марказ кутубхонасига олинди. Бу борадаги ишлар ўтмишда яшаган буюк аждодларимизни мамлакатимиз ва халқаро жамоатчилик орасида кенг тарғиб қилиш баробарида миллий-диний қадриятларимизни асраб-авайлаш, ривожлантириш, шу асосда ёш авлодни эзгу ғоялар руҳида тарбиялаш ҳамда уларнинг қалбида Ватанга муҳаббат ва садоқат туйғусини янада кучайтиришга хизмат қилмоқда.

Кўргазмада Имом Термизий халқаро илмий-тадқиқот маркази томонидан чоп этилган янги асарлар, Термиз археология музейи фондида сақланаётган ислом дини маданияти ва ислом меъморчилигини ўзида акс эттирган ноёб экспонатлар, қўлёзмалар ҳамда «Ўзбекистон маданий мероси жаҳон тўпламларида» деб номланган китоб-альбом намойиш этилмоқда.

Ўзбекистон мусулмонлари идораси матбуот хизмати

Мир Араб ўрта махсус ислом билим юрти мударриси

Тожиддинов Абдусамад

Устоз Салоҳиддин домла Шарипов