muslim.uz

muslim.uz

Шу кунларда Ўзбекистон ва Белорус ўртасида дипломатик алоқалар ўрнатилганлигининг 30 йиллиги доирасида Ўзбекистонда ШҲТнинг Халқ дипломатияси маркази вакиллари ишчи ташриф билан Белорус Республикасида бўлиб турибди. Ташриф давомида “Ўзбекистон-Белорус вақт синовидан ўтган дўстлик” давра суҳбати (28 ноябрь), ўзбек халқининг II жаҳон урушига қўшган ҳиссасига бағишланган кўргазма (29 ноябрь) ўтказилди. 30 ноябрь куни Белорус мусулмонлар бирлашмасида  мазкур идоранинг илмий-тадқиқот бўлими ходими Максат Овезовнинг "Основы религии по убеждениям наставленных Абу Хафса Умара ибн ан-Насафи" китоби тақдимоти бўлиб ўтди.

Асарда буюк аждодимизнинг "Ақоид ан-Насафия" китобидаги матнлар ўрганилган. Шунингдек, юртимиздан етишиб чиққан ақоид илми вакилларининг илмий мероси тадқиқ қилинади. Кириш қисмида муаллиф юртимиздаги бирқанча илмий-тадқиқот институтларига мурожаат қилганлиги ва асар учун маълумотлар тўплаганлигини айтиб ўтган.

Тадбир Белорус Мусулмонлар бирлашмаси, Ўзбекистоннинг Белорус Республикасидаги элчихонаси билан ҳамкорликда ташкил этилди.

Кун тартибидан китоб тақдимоти билан бирга Абу Хафс Умар ибн ан-Насафий ҳаёти ва ижодига бағишланган давра суҳбати ҳам ўрин олди. Унда белорусиялик диний соҳа вакиллари, ўзбекистонлик Насафийшунос олимлар, хусусан, Ўзбекистон халқаро ислом академияси ва Имом Мотуридий халқаро илмий-тадқиқот маркази мутахассислари онлайн шаклда иштирок этишди. 

Ўзбекистонда ШҲТнинг Халқ дипломатияси маркази директори Қобилжон Собиров, илм аҳли ўртасидаги ўзаро мулоқатнинг ривожланиши халқларимиз ўртасидаги алоқаларнинг мустаҳкамланишига, буюк алломаларимиз илмий меросини кенг жамоатчиликка етказиш, айниқса, ёшларни аждодлардан ибрат олиб, тинмай меҳнат қилишга ундашини таъкидлади. Шунингдек, мамлакатимизда Учинчи Ренессанс пойдеворини яратиш бўйича кенг кўламли ишлар бошлангани,  бу борадаги саъи-ҳаракатларимизда илмий дипломатия муҳим аҳамият касб этишини қайд этди.

Мутахассислар китобдан ўрин эгаллаган мазмун-моҳият, илгари сурилган ғоялар ҳақида ўз фикрларини билдирди. Дарҳақиқат, ҳар бир маънавият тарғиботчиси бор экан, ундан зиё тарқатишда юксак билим, самарали меҳнат, тинимсиз изланиш, ўқиб-ўрганиш талаб этилади. Ўзбекистонлик мутахассислар муаллифнинг аждодимиз илмий меросини ўрганиш йўлидаги меҳнатини юксак баҳолади.

Тадбир ўзаро мулоқат шаклида, кўтаринки руҳда бўлиб ўтди. Томонлар бу каби тадбирларни давомий равишда ташкил этиб боришга, ҳамкорликда илмий изланишлар олиб боришга келишиб олдилар.

 

Ўзбекистонда ШҲТ Халқ дипломатияси маркази матбуот хизмати

П'ятниця, 02 декабрь 2022 00:00

Ислом дини тинчлик дини (аудио)

Абдураҳмон домла Бафоев
Бухоро туман "Имом Бухорий"
жоме масжиди имом-хатиби

Германиянинг «Neue Zeiten» журналида Ўзбекистоннинг Франкфурт-Майн шаҳридаги Бош консули Олимжон Абдуллаев билан «Қуёшли заминимиз йил бўйи гўзал» сарлавҳаси остида суҳбат чоп этилди, деб хабар бермоқда «Дунё» мухбири.
Унда Германия Ўзбекистон билан туризм соҳасида ҳамкорликда Европа давлатлари орасида етакчи ўринни эгаллаши қайд этилган. Суҳбатда мамлакатимизда сайёҳларнинг хавфсиз ва ўзини қулай ҳис қилиши учун барча зарур шароитлар яратилгани таъкидланган.
Материалда туризм соҳасида амалга оширилаётган ижобий ислоҳотлар, ўзбек халқининг бой маданий-тарихий мероси, республикадаги машҳур сайёҳлик йўналишлари ҳақида батафсил маълумотлар берилган. «Германияда истиқомат қилаётган немис ва постсовет жамоатчилиги мамлакатимиз санъати, маданияти, меъморчилиги, миллий ошхонасига катта қизиқиш билдирмоқда, саёҳатдан доимо унутилмас таассуротлар билан қайтмоқда», дейди Бош консул.
Германиядаги «NEUE ZEITEN» ойлик ахборот журнали «RusVerlag» нашриёт уйи томонидан босма ва электрон форматларда чоп этилади. Журнал ўз саҳифаларида маданият, иқтисодиёт, сиёсат, соғлиқни сақлаш ва туризм соҳасидаги долзарб янгиликларни ёритиб боради. Нашр саҳифаларида Марказий Осиё, жумладан, Ўзбекистон ҳаётидаги муҳим янгиликлар тез-тез эълон қилинади.

Ўзбекистон мусулмонлари идораси матбуот хизмати

Ўзбекистон мусулмонлари идораси Матбуот хизмати 

Франциянинг «Ouest-France» газетасида «Ўзбекистон воҳаларининг таровати Луврда очилди» сарлавҳали мақола чоп этилди, деб хабар бермоқда «Дунё» АА мухбири.
Нашрнинг ёзишича, кўпгина экспонатлар Лувр музейида илк бор намойиш этилаётган 180 асар Ипак йўлининг асосий манзили – Амир Темур давлати пойтахтининг улуғворлигидан далолат беради.
«Уларнинг аксарияти Ўзбекистон миллий бойликлари рўйхатига киритилган. Ушбу тарихий асарлар биринчи марта мамлакатдан ташқарида намойиш этилмоқда. Бу худди Мона Лизани қарзга олишга ўхшайди, дейди Лувр музейининг ислом санъати бўлими директори Янник Линз. Албатта, венециялик савдогар Марко Полонинг 1298 йилда ёзилган ва Франция Миллий кутубхонаси томонидан истисно тариқасида тақдим этилган машҳур «Дунё мўжизалари китоби» бизда катта таассурот қолдирди. Аммо бу дунёдаги энг қадимий Қуръонлардан бири бўлган Катта Лангар Қуръоннинг икки саҳифаси ёки Варахшадаги араблар келгунига қадар бўлган Бухоро подшолар саройининг деворий суратлари олдида ҳеч нарса эмас».
Мақолада қайд этилганидек, Лувр Ўзбекистон кўркидан баҳраманд бўлган ягона музей эмас. 2023 йилнинг 4 июнига қадар Араб дунёси институтида «Самарқанд йўл: Ипак ва олтин мўжизалари» кўргазмаси ҳам очилди.
Алоҳида таъкидланганидек, бу ерда 300 дан ортиқ тарихий ашёлар намойиш этилмоқда. Улар заргарлик буюмлари, чопонлар ва амирлар саройининг зардўзлик намуналари, ажойиб сўзана, кашта, гилам ва икатлар ва бюошқа ноёб тарихий ашёлардир.
«Ва иккита алоҳида экспонат - қизил маржон ва яшил феруза билан безатилган бош кийими ва дунёда иккита ва етти нусхаси мавжуд бўлган тўй либоcлари тўплами ҳайратингизни оширади», деб ёзади «Ouest-France».

Ўзбекистон мусулмонлари идораси матбуот хизмати

Сторінка 2 з 3017
Top