Табиийки, киндик қони тўкилган жой инсон учун ҳамма нарсадан ҳам қимматли даргоҳдир. Расули Акрам соллаллоҳу алайҳи васаллам Мадинаи мунавварага ҳижрат қилиб кетаётганларида туғилиб ўсган ватани Маккаи мукаррамага юзланиб туриб: “Агар қавмим мени чиқиб кетишга мажбур қилмаганида, ҳеч ҳам ўз ихтиёрим билан уни ташлаб кетмаган бўлур эдим”, деганлари сийрати набавия китобларида баён этилган. 

Демак, Ватанни севиш, ватанпарвар бўлиш, ундаги бор нарсаларни ардоқлаб, соғиниб яшаш инсоният табиатида мавжуд бўлган нозик ҳис-туйғудир.

Буюк аллома Алишер Навоий ҳазратларининг қуйидаги сўзида она-Ватанини севувчи садоқатли ҳар бир кишининг қалбида ғайрат ва шижоат уйғотади:

Ватан таркини бир нафас айлама,

Ани ранжи – ғурбат, ҳавас айлама.

Донолар айтадилар: “Кишининг вафодорлиги ва садоқати унинг ўз Ватани учун қайғуришидан, дўстларини соғинишидан ва умрининг зое кетказган лаҳзаларига ачиниб, ўкиниб яшашидан билинади”. Инсоннинг ўз халқига бўлган садоқати ва фидоийлиги она Ватанни ҳимоя қилиши, тараққий топиб, ҳар томонлама мустаҳкам ва қудратли бўлиши ҳамда халқининг тинч ва фаровон ҳаёт кечиришига имкон даражада ҳисса қўшиши билан ўлчанади.

Ватан ҳимояси барчамизнинг муқаддас бурчимиз! Диний-маънавий қадриятларимиз қайтадан халқимизга қайтарилди. Имон-эътиқодимиз ва эртанги кунга бўлган ишончимиз мустаҳкамланди. Шаҳару қишлоқларимиз кўркам ва обод бўлди. Ҳаётимизга беқиёс маъно ва мазмун олиб кирган бу бебаҳо илоҳий неъматларнинг қадрига етиш, уларга шукр қилиш, уни асраб-авайлаш барчамизнинг бурч ва вазифамиздир.

1992 йил 14 январь куни мустақил давлатимиз тарихида муҳим воқеа юз берди. Республикамиз Қуролли Кучлари ташкил топди. 1993 йилдан эътиборан 14 январь юртимизда “Ватан ҳимоячилари куни”,  деб эълон қилинди.

Ана ушбу шонли сананинг 26 йиллигини нишонлаш арафасида турибмиз.

Ушбу қутлуғ сана билан юрагида Ватан ва халқ севгиси маҳкам жой олган шижоатли ўғлонлар, юрт сарҳадларини сергаклик билан қўриқлаётган ака-укаламиз қатори, юрт тинчлиги ва осойишталиги йўлида турли соҳаларда хизмат қилаётган барча ватандошларимизни муборакбод этамиз.    

Абдуғулом МЕЛИБОЕВ,

 “Саййид Муҳйиддин махдум” ўрта махсус ислом билим юрти мудирининг маънавият-марифат ишлари бўйича ўринбосари

ЎМИ Матбуот хизмати

Юртимизда Ватан ҳимоячилари байрами 10 январь куни, давлатимиз раҳбари  Чирчиқ шаҳрига ташриф буюрган куниёқ бошланиб кетган эди. Ўша кундан бошлаб юртимизнинг ҳар гўшасида байрамона руҳ ҳукмрон бўлди. Жойларда, ҳарбий қисмларда байрам тадбирлари кўтаринки руҳда ўтказилмоқда. Айниқса, президентимизнинг муносиб хизмат қилган ҳарбийларни уй-жой, автомашина билан таъминлаш бўйича топшириқ бергани ҳарбий хизматчиларнинг руҳини янада кўтариб юборди.

Ана шундай шодиёналарнинг давоми ўлароқ кеча Ўзбекистон Республикаси Мудофаа вазирлиги пойтахтнинг “Наврўз” истироҳат боғида “Армия ва ёшлар” деб номланган ҳарбий-ватанпарварлик фестивали ўтказди.

Фестивалда ҳарбий техника ва қурол-аслаҳа намойиши, ҳарбий хизматчилар ва жанговар техникаларнинг тантанали марш билан ўтиши, ҳарбий оркестрлар ва Қуролли Кучлар Марказий ҳамда Ички ишлар ва МХХ Чегара қўшинлари ашула ҳамда рақс ансамбллари хонандаларининг концерт дастури, ҳарбий хизматчиларнинг кўргазмали чиқишлари, дала ошхонаси фаолияти ўрин олди.

Шу билан бирга, соғлом турмуш тарзини тарғиб этиш мақсадида узоқ масофага югуриш акцияси бўлиб ўтди.

Тадбирда 80 дан зиёд техника қатнашди. Ҳарбий-техника кўргазмасида эса 50 дан ортиқ техника, 200 дан кўпроқ қурол-аслаҳа намуналари намойиш этилди, 600дан ортиқ ҳарбий хизматчилар ҳамда Қуролли Кучлар фахрийлари иштирок этди.

Шунингдек, Тошкент шаҳри узра 6 та ҳарбий вертолёт учиб ўтди. Шаҳар аҳолисининг таклифига биноан мазкур фестиваль бугун, 13 январь куни ўша жойда такроран бўлиб ўтди.

Ватан ҳимоячиларига Ўзбекистон Республикаси Президентининг табрик йўллагани уларнинг кўнглини тоғдек кўтарди.

“Қадрли дўстлар!

Амалга ошираётган саъй-ҳаракатларимиз, армия ва халқнинг фаол ҳамкорлиги натижасида Қуролли Кучларимиз том маънода жамиятнинг ажралмас қисмига, мамлакатимиз барқарорлиги ва тараққиётининг ишончли кафолатига, ёшлар ва ҳарбий хизматчиларни ватанпарварлик руҳида тарбиялашнинг муҳим институтига айланиб бормоқда”, дейилади президент табригида.

Дарҳақиқат, армия ва халқ ўртасида ўрнатилган фаол ҳамкорлик мамлакатимиз хавфсизлигини таъминлашда устувор аҳамиятга эгадир. Чунки қалқиб турган бугунги замонда ташқи душманлар ўзини ошкор қилмайди, қайсидир давлат қўшини сифатида ҳам намоён бўлмайди. Аксинча, халқаро терроризм ва экстремизм, рангли инқилоблар инқилобчилари қиёфасида пайдо бўлади. Ҳозир бутун дунё ана шундан азият чекмоқда. Ғаразли мақсадларга хизмат қилувчи бундай стратегиялар зумда  қуролли тўқнашувларга айланиб кетади ва узоқ вақт давом этиб халқларни ҳолдан тойдиради, гуллаб-яшнаётган мамлакатларни вайронага айлантиради.  Аёнки, ана шундай манфур кучлар Ўзбекистоннинг барқарор ривожланишига ҳам таҳдид солмасдан қолмайди, Шонли армиямиз уларга муносиб зарба беришга доимо тайёр бўлгани боис тунлари мириқиб ҳордиқ чиқаряпмиз, оиламиз бағрида шодуман ҳаёт кечиряпмиз, боғларимиз болажонларнинг шодон кулгусидан жаранглайди, ишларимиз унумли.

Ана шундай фараҳли кунларимизни эъзозлаб, тинчлик неъматини асраб-авайлаш учун “Қуролли Кучларни янада ривожлантириш, унинг жанговар тайёргарлиги ва қобилиятини ошириш доимо эътиборимиз марказида бўлади ва давлатнинг энг муҳим вазифаларидан бири бўлиб қолади”, деди давлатимиз раҳбари ўз табригида.

“Байрам халқнинг руҳида акс этиши керак”, деган эди атоқли олим Нажмиддин Комилов домла. Ўзбекистон Қуролли Кучлари ўтган 26 йил ичида юртимизга гард қўндирмасдан ҳимоя қилди. Шу туфайли  ўтган йиллар ичида Қуролли Кучларимизнинг обрўйи ва нуфузи ошди. Бундан севинчга тўлиб, ушбу санани ҳақли равишда тантана қилаётган юртдошларимизга, Қуролли Кучларимиз раҳбарлари ва ҳарбий хизматчиларимизга байрам муборак бўлсин. Ватан ҳимоясидек шарафли бурчини бажариш йўлида омад ёр бўлсин. Зотан, уларнинг омади, Ўзбекистон халқининг бахти, муваффақиятидир

ЎМИ Матбуот хизмати

Вчера, 12 января в рамках зарубежного визита председатель Управления мусульман Узбекистана, муфтий Усман Алимов провел встречи с муфтием Ставропольского края Российской Федерации Мухаммад-Хаджи Рахимовым и группой узбекских трудовых мигрантов. Он также познакомился поближе с деятельностью мечетей и медресе в Пятигорске.
Сначала в беседе с муфтием Ставропольского края говорилось о необходимости поддерживания связи сторон на пути сохранения ценностей религии ислама, дальнейшего укрепления отношений дружбы и сотрудничества между мусульманскими государствами. В частности, муфтий Усмонхон Алимов рассказал о широкомасштабных работах, проводимых в Узбекистане, больших новостях и значительных изменениях в религиозной сфере. По словам Алимова, отношения между Управлением мусульман Узбекистана и Духовным управлением мусульман Ставропольского края растут с каждым годом, и представители двух мусульманских ведомств неоднократно встречались в течение последних двух лет.
Кроме того, муфтий на встрече с узбекскими трудовыми мигрантами рассказал о реформах в сфере религии в стране, открытии новых мечетей и медресе, создании научно-исследовательских центров, специализированных школ, проведении крупномасштабного республиканского конкурса чтецов Корана, провел с ним беседы о преданности Родине, святости семьи, бдительности. Также он поинтересовался с условиями их жизни и трудовой деятельности, ответил на заданные ими вопросы. Провел беседу с пожилой уроженкой Самарканда, которая многие годы проживает в Ставропольском крае.
Муфтий в своем интервью радиостанции «Пятигорск» отметил, что за последние годы в социально-экономической и религиозной сферах Узбекистана произошли широкомасштабные изменения.
Визит узбекской делегации в Ставропольском крае продолжается.

Пресс-служба Управления мусульман Узбекистана

Жорий йилнинг 13 январь куни диний идорада “Ўзбекистон қуръон мусобақаси-2018” ташкилий ишлари борасида мажлис бўлиб ўтди. Унда Қуръон мусобақасини ўтказиш бўйича ташкилий қўмита раиси Абдулҳаким қори Матқулов, қўмита раиси ўринбосари Ҳасанхон қори Абдулмажидов, қўмита аъзолари ва Қуръон мусобақаси ҳакамлар ҳайъати иштирок этишди.

Мажлисни ташкилий қўмита раиси А.Матқулов кириш сўзи билан очиб, вилоятлардаги тайёргарлик жараёнларни янада жадаллаштириш, ҳар бир ҳудудга бириктирилган ташкилий қўмита аъзолари ва ҳакамларни жойларга ўз вақтида етиб боришлари ва ишларига талабчанлик билан ёндошишларини таъкидлади.

Сўнгра қўмита раиси ўринбосари Ҳ. Абдулмажидов қўмита аъзолари ва ҳакамларни белгиланган ҳудудларга тақсимотини эълон қилди.

Ҳакамларга иштирокчиларнинг балларини ҳисоблаб бориш учун алоҳида ходимлар бириктирилди. Қуръон мусобақасининг туман-шаҳар босқичи очилиш маросими Жиззах вилояти Зомин туманидаги “Маърифатли” жомеъ масжидида ўтказилиши, ундаги тадбир жараёни ҳақида маълумот берилди ва очилиш маросимида қатнашиш учун “зийнат” қорилар танлаб олинди.

ЎМИ Матбуот хизмати