www.muslimuz
Янги Зеландияда ўзгача кўринишдаги масжид қурилади
Янги Зеландиянинг Палмерстон-Норт шаҳрида янги масжид барпо этилади, дея хабар бермоқда Islam.ru.
Шаҳардаги мавжуд масжид айниқса жума ва ҳайит кунлари намозхонлари сиғдира олмай қолган. Бу танқислик Крайстчерч шаҳри масжидларидаги терактдан сўнг ортди, чунки ўша машъум ҳодиса ортидан Исломга қизиқиш билдирувчилар сони кўпайди.
Янги масжиднинг кўринишида маҳаллий маори халқи маданиятига хос анъаналардан фойдаланилади. Охирги пайтда айнан маорилар орасида мусулмонликни қабул қилувчилар сони ортган.
Янги масжид қурилиши учун 4 миллион доллар сарфланиши режалаштирилган.
Ўзбекистон мусулмонлари идораси Матбуот хизмати
Ўзбекистонда шажара дастури яратилади
Ўзбекистонда шажара дастури яратилади. Бу ҳақда 2019-2021 йилларда нотариат институтини янада такомиллаштириш бўйича “Йўл харитаси”да айтилган.
Қайд этилишича, ушбу дастурга мавжуд фуқаролик ҳолати далолатномалари бўйича маълумотлар тўлиқ киритилади ҳамда “Нотариус” автоматлаштирилган ахборот тизими билан интеграция қилиниши таъминланади. Бунда “ФҲДЁ ягона электрон архиви” ахборот тизимини такомиллаштириш бўйича тегишли чора-тадбирлар ишлаб чиқилади.
Бу борадаги тегишли комплекс чора-тадбирлар режаси 2021 йил декабрь ойигача ишлаб чиқилади. Ижро этилишига масъул - Адлия вазирлиги.
Шунингдек, аэропортлар ва темир йўл вокзалларида айрим турдаги нотариал ҳаракатларни онлайн амалга ошириш имконини берувчи инфокиоскалар жойлаштирилади.
2021 йил январь ойигача Адлия вазирлиги, Транспорт вазирлиги, “Uzbekistan Airoport" АЖ, “Ўзбекистон темир йўллари” АЖ, Лойиҳа бошқаруви миллий агентлиги тегишли комплекс чора-тадбирлар ишлаб чиқади.
Ўзбекистон мусулмонлари идораси Матбуот хизмати
Россиялик Қуръон ҳофизи Саудиядаги қорилар мусобақасида иштирок этмоқда
Бир қанча миллий ва халқаро мусобақалар ғолиби бўлган Гусен Рабаданов Саудия Арабистони Подшоҳлигида ўтказиладиган Қуръони карим мусобақасида Россия Федерацияси номидан иштирок этди. 41 марта ўтказилаётган Қирол Абдулазиз номидаги халқаро Қуръони карим ҳофизлари мусобақаси Макка шаҳрида ташкил этилди.
Ушбу мусобақада 103 мамлакатдан 146 нафар қорилар иштирок этиши қайд этилган. Мусобақа тўрт йўналишда ўтказилди.
- Қуръони карим матнини алоҳида сўз ва ибораларга қадар тўлиқ ёд олганлар;
- Қуръони карим матнини ёддан билувчилар;
- 15 жузни ёд олганлар;
- 5 порани ёд олганлар.
Ўзбекистон мусулмонлари идораси Матбуот хизмати
Масжидул Ҳаромда ўтказилган Қуръон мусобақаси ғолиблари бугун маълум қилинади
Халқаро мусобақанинг сўнгги кунида 27 нафар қорилар чиқиш қилдилар. Бу ҳақда al-Akhbar al-Yawm янгиликлар сайти хабар берди.
Қирол Абдулазиз номидаги 41-халқаро Қуръони карим ҳофизлари мусобақасининг якуний натижалари бугун, 11 сентябрь куни шомга яқин маълум қилиниши хабар қилинди.
Ўзбекистон мусулмонлари идораси Матбуот хизмати
Тошкент вилояти Зангиота тумани «Салмон Форсий» жоме масжидига ғишт қўйиш маросимидан фотолавҳалар
Ўзбекистон мусулмонлари идораси Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.