www.muslimuz
Муфтий ҳазратларини "Хожа Аҳрор Валий" масжидига хатми Қуръон ва таровиҳ намозига ташрифлари (фотолавҳа)
"Новза" масжиди дуолар ила файзга тўлди
“Абу Сахий” масжидида илк жума намози ўқилди (Фотолавҳа)
Бугун, 8 апрель куни Тошкент шаҳри Чилонзор тумани “Абу Сахий” даҳасидаги “Абу Сахий” масжидининг расмий очилиш маросими бўлиб ўтди. Унда Ўзбекистон мусулмонлари идораси раиси биринчи ўринбосари Ҳомиджон домла Ишматбеков, мутасадди вакиллар, ҳожи оталар, тадбиркор-савдогарлар, маҳалла фаоллари ва ҳудуд аҳли қатнашди.
Маросим давомида Ҳомиджон қори Ишматбеков мўмин-мусулмонларни янги жоме билан мубарокбод этиб, улуғ Рамазони шарифнинг илк жума куни жоменинг очилиши катта хурсандчилик бўлгани, Ҳақ таолодан ушбу масжиднинг мўмин-мусулмонларга то қиёматга қадар хизмат қилишини, унинг очилишига ҳисса қўшган инсонлар рози бўлишини, бундай хайрли ишлар бардавомлигини сўраб хайрли дуолар қилдилар.
Тошкент шаҳар бош имом-хатиби ўринбосари Абдуқаҳҳор домла Юнусов ушбу вазифадан ажралмаган ҳолда "Абу Сахий" жоме масжиди имом-хатиби этиб тайинланди.
Маросимдан сўнг намозхонлар янги жоме масжидда илк жума намозини адо этдилар.
Аллоҳ таоло ушбу масжидни халқимизга муборак қилиб, бундай хайрли ишларни бардавом айласин!
Ўзбекистон мусулмонлари идораси Матбуот хизмати
Muslim.uz
@muslimuzportal | @mp3muslim | @diniysavollar
"Фирдавс" масжидида хатми Қуръон файзи
Муфтий ҳазратлари Германия элчисини қабул қилдилар
Шу йил 7 апрель куни Ўзбекистон мусулмонлари идораси раиси, муфтий Нуриддин домла ҳазратлари Германия элчиси Тило Клиннерни қабул қилдилар.
Учрашувда Муфтий ҳазратлари Ўзбекистон ва Германия ўртасидаги муносабатлар мустаҳкамланиб бораётгани, Ўзбекистон мусулмонлари идораси фаолияти ва охирги йиллардаги диний-маърифий соҳадаги ўзгаришлар ҳақида сўзлаб бердилар.
Германия илм-фан каби ўта муҳим соҳаларга алоҳида аҳамият кўрсатиб, ёшларга, жумладан ўзбекистонлик ёш авлодга қулай шароитлар бераётгани, улар Германияда илмий тадқиқотлар олиб боришга жуда иштиёқмандлиги, шунингдек, яқин кунларда Диний идора Кутубхона ходимлари ҳам Берлин музейига сафари режалаштирилаётганини муфтий ҳазратлари маълум қилдилар.
Тилло Клиннер самимий қабул учун миннатдорлик билдириб, ҳақиқатан икки давлат муносабатлари янада яхшиланиши ва ҳамкорлик алоқаларида улкан муваффақият тилади. Элчи жаноблари Ўзбекистон заминида диний бағрикенглик ва миллатлараро тотувлик муҳити дунёга намуна қиладиган даражада эканини эътироф этди. У диний-соҳа ходимлари ўзаро ҳамкорлик қилиш яхши натижа беришини билдириб, Германия ҳукумати қўлёзма манбаларни ўрганиш ишларини ҳар томонлама қўллаб-қувватлашини айтди.
Мулоқотда элчи Ислом дини маърифатини кенг ёйишдаги Ўзбекистонннинг илмий салоҳиятини эътиборга олган ҳолда “Марказий Осиёда Ислом динининг ўрни” мавзусида халқаро анжуман ўтказиш ва Муфтий ҳазратларини икки томонлама алоқаларни йўлга қўйиш мақсадида, қулай вақтда Германия давлатига таклиф этди.
Учрашув дўстона ва самий руҳда ўтди.
Ўзбекистон мусулмонлари идораси Матбуот хизмати
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.