www.muslimuz
Хушхабар: Масжидлар сони 2100 тага етди! Қорақалпоғистонда яна бир масжид ўз фаолиятини бошлади.
Қорақалпоғистон мусулмонлари қозиёти хабарига кўра, Қорақалпоғистон Республикасида масжидлар сони биттага кўпайди. Бугун Қорақалпоғистон Республикаси Қанликўл тумани «Қос жап» овул фуқаролари йиғини ҳудудида «Атажан хўжа» жоме масжиди давлат рўйхотидан ўтказилиб, ўз фаолиятини бошлади.
«Қос жап» фуқаролар йиғини аҳолисининг истак ва мурожаатлари натижасида «Атажан хўжа» жоме масжидига Қорақалпоғистон Республикаси Адлия вазирлиги масжид гувоҳномасини топширди.
52 мингдан зиёд аҳоли сонига эга Қанликўл туманида бугунги кунгача битта масжид аҳолига хизмат кўрсатиб келди. У ҳам бўлса туман марказида бўлгани боис, кўпчилик айниқса, катта ёшдаги нуронийларнинг масжидга келиб кетишларида қийинчилик туғилар эди.
Масжид маҳаллий тадбиркор ва аҳолининг яқиндан берган кўмаги билан барча қўлайликларга эга шинам ҳолатда қуриб битказилди. Катта намозхонаси шарқ оймакорлик саънати билан безатилган. Масжид туман марказига 35 км, Нукус шаҳрига эса 55 км оралиқда жойлашган.
Президентимиз таъкидлаб ўтканидек масжид чин маънода маънавият ўчоғи сифатига хизмат қилади. Ушбу янгиликдан аҳолининг қувончи чексиз. Тиллари, қалблари шукроналикда, дуода. Аҳолининг кўп йиллик дуолари бугун ижобат бўлди.
Шунинг билан Қорақалпоғистон Республикасида масжидлар сони 57 га етди. Бундан олдинги 56-масжид эса Тахтакўпир тумани «Мулк» овул фуқаролари йиғинидан «Айимбет эшон» номи билан жорий йил август ойида иш бошлаган эди.
«Атажан хўжа» масжидининг очилиш маросимига Қорақалпоғистон Республикаси Вазирлар Кенгаши Раиси ўринбосари Р.Сапарбаев, Қорақалпоғистон мусулмонлари қозиёти қозиси Ш.Бауатдинов, Қанликўл тумани ҳокими А.Ибрагимов, Қорақалпоғистон Республикаси Адлия вазири С.Мамбетқадиров, туман нуронийлари ва «Қос жап» овули аҳолиси иштирок этди.
Янгидан иш бошлаётган масжидларимизни Аллоҳ таоло халқимизга муборак қилсин. Қиёмат кунигача мўмин-мусулмонлар учун хизмат қилишини насиб қилсин.
Ўзбекистон мусулмонлари идораси Матбуот хизмати
www.Muslim.uz
"Таскин" кўрсатувининг навбатдаги мавзуси: "Аллоҳга бундай муносабатда бўлманг"
"Таскин" кўрсатувининг навбатдаги мавзуси: "Аллоҳга бундай муносабатда бўлманг"
- Мусулмон ҳолатда кофирни ишини қилишнинг оқибати;
- Қалбингизга назар солганмисиз?
- Бахтдан ўзингиз юз ўгирманг...
www.Muslim.uz ҳамда www.Vaqf.uz ҳамкорлигидаги руҳий тарбияга бағишланган лойиҳа!
Шайх Алижон қори: Дунё – охират экинзори
"Mirbobo ota" jome masjidia juma mavizasi | Shayx Alijon qori
VAQF fondi rahbariyatining Andijon viloyatidagi so'ngi tashrifi "Imom Muslim" masjidi bo'ldi
Yahyo domla Abdurahmonov va Muzaffar Salomovlarning viloyatdagi so'ngi manzili Qo'rg'ontepa tumanidagi "Imom Muslim" masjidi bo'ldi.
Masjid qavmi bilan dildan suhbat qilgan ustoz Yahyo domla yig'ilganlarga yurtimizda bo'layotgan diniy sohadagi ijobiy o'zgarishlar haqida so'zlab o'tdi.
So'ngra masjiddagi sharoitlarni yanada yaxshilashga hissa qo'shish maqsadida fond hisobidan 10 000 000 so'm miqdorida moddiy yordam taqdim etdi.
Shu bilan VAQF fondi rahbariyatining Andijon viloyatiga safari o'z nihoyasiga yetdi. Xayriyalar ertaga, 2 dekabr kuni Namangan viloyatida davom etadi...
Yahyo domla Abdurahmonov ikki oilaga nogironlik aravachasi xayriya qildi
VAQF fondi rahbari Yahyo Abdurahmonovning Andijon viloyatidagi galdagi tashrifi, nogironligi bor bo'lgan fuqarolar xonadoni bo'ldi.
Dastlab, fond rahbariyati Jalaquduq tumani, So'fi qishlog'ida istiqomat qiluvchi 1-guruh nogironi Farxodbek Madaminov holidan xabar olib, ularga zarur bo'lgan nogironlar aravachasi va oziq-ovqat mahsulotlari xayriya qildi.
So'ngra ustozlar Qo'rg'ontepa tumani, Chimyon qishlog'ida yashovchi 1-guruh nogironi, D.Matyoqubovaning uyiga borib, ularning haqqiga duo qildilar va nogironlik aravachasi bilan oziq-ovqat mahsulotlari taqdim etdi.
ХОРИЖДАГИ ЮРТДОШИМ САҲИФАСИ
КОНЦЕПЦИЯ
Дунё дарвозалари янада кенгроқ очилиб, хорижий давлатлар фуқароларининг юртимизга келиб-кетишларига қулай шароитлар яратилмоқда. Жумладан, 39 та давлат фуқароларига туристик визаларни расмийлаштириш тартиби соддалаштирилди, Ўзбекистон билан визасиз давлатлар сони кўпайди.
Шунинг баробарида бизнинг юртдошларимизнинг ҳам хорижий давлатларга чиқиши ортмоқда.
Одатда, чет элга, умуман, йўлга чиқаётган ҳар қандай йўловчига олдиндан йўловчилик машаққатини тортган, бу борада бой тажриба тўплаган кишилар; китоб кўрган олиму уламолар йўл-йўриқлар кўрсатиб, панду наисҳатлар қилишган. Зеро, нотаниш манзиллар сари сафарга отланган кишиларга бундай тавсияю насиҳатларнинг аҳамияти жуда ҳам катта.
Бинобарин, хорижга чиқаётган мўмин-мусулмонлар ушбу сафарида давлатнинг қонунларига амал қилгани каби шариатимиз кўрсатмаларига ҳам амал қилмоғи ниҳоятда муҳимдир.
Масаланинг ана шу жиҳатлари эътиборга олиниб, muslim.uz Интернет порталида “Муҳожир ватандошлар” лойиҳаси иш бошлади. Ушбу лойиҳа доирасида янги рукн очилиб “Хориждаги юртдошим” номланди.
Ушбу рукнда:
- хорижда таълим олаётган, меҳнат қилаётган, узоқ муддатга даволанишга кетган ватандошларимиз тўғрисида ҳаётий мақолалар;
- йўлга чиқувчиларга тавсиялар, маслаҳатлар;
- узоқ муддатли сафарларнинг ижтимоий ҳаётга, оилавий масалаларга таъсири ва бошқа долзарб муаммоларга доир савол-жавоблар дастурий равишда ёритилади;
- Интернет сайтда эълон қилинган мақоланинг аудио формати ҳам тавсия қилинади.
Ушбу материаллар оят, ҳадис ва уламоларимизнинг илмий меросларига асосланган ҳолда ёритилади.