![muslim.uz](/templates/sj_news_ii/images/placeholder/user.png)
muslim.uz
800 нафар татаристонлик зиёратчилар Маккага етиб келди
Ҳаж мавасумининг бошланиши арафасида Саудия Арабистонига турли мамлакатлардан мусулмонлар келиши бошланди. Шундай зиёратчилардан 800 нафари Татаристон Республикасидан ташриф буюрди. Бу ҳақда islam-today.ru нашри хабар берди.
Хабарда айтилишича татаристонлик зиёратчилар келишлари биланоқ зиёрат амалларини бажаришга, чин ихлос билан ибодат қилишга киришишган. Татаристон Республикасидан Саудия Арабистони томон йўлга чиққан яна 300 нафар зиёратчи йўлда эканлиги ҳам қайд этиб ўтилган.
Маълумотларга қараганда, 2018 йилда Татаристон учун 1800 кишилик квота ажратилган бўлиб, Ҳаж қилиш учун дастлабки гуруҳлар аллақчон етиб келишган, сўнгги гуруҳ эса 15 август куни етиб келиши айтилган.
Татаристонлик зиёратчилар "ДУМ РТ Хадж" МЧЖ расмий ҳаж оператори дастурлари орқали Саудия Арабистонида бўладилар.
ЎМИ Матбуот хизмати
Ҳидингиздан… Ҳабибим
Пайғамбаримиз соллаллоҳу алайҳи васалламнинг муборак равзаларини зиёрат қилаётган кишининг димоғига жуда ёқимли ҳид урилди. У зиёратдан чиқиб дўконга борди ва атторга: «Менга муборак равзада димоғимга урилган атирдан беринг», деди. Сотувчи ҳайрон бўлиб, харидорга қаради ва: «Сиз Пайғамбаримиз соллаллоҳу алайҳи васалламни яхши танимас экансиз. Димоғингизга урилган ҳид бирор дўконда сотиладиган атир ҳиди эмас. У ҳид Расулуллоҳ соллаллоҳу алайҳи васалламнинг қабрларидан чиқади. Аллоҳ таоло ўша ҳидни оламларга раҳмат қилиб юборган Пайғамбарининг муборак баданидан тараладиган қилиб қўйган. Ҳаётлик чоғларида қайси кўчадан ўтсалар, ўша кўчада ҳидлари қолар, кимнинг бошини силасалар, ўша кишининг бошидан анча вақтгача ўша ифор таралиб турарди. Мана, вафотларига неча асрлар бўлганига қарамай, ўша ҳид қабрларидан таралиб турибди» деб жавоб берди.
Аллоҳумма солли ва саллим ва баарик ала Муҳаммад ва ала олиҳи ва асҳабиҳи ажмаъийн.
Нозимжон Иминжонов тайёрлади.
ЎМИ матбуот хизмати
Олий мукофот
Кекса отахон бемор бўлди ва уч ўғлини қошига чорлаб, уларга мол-мулкини тақсимлаб бергандан сўнг:
– Ўғилларим, қўлимда қимматбаҳо бир дур қолди. Бу дурни ким охирги уч ой ичида энг улуғ савоб иш қилган бўлса, шунга бераман, – деди.
Бу гапни эшитган тўнғич ўғил:
– Отажон, бир кун анҳор ёқалаб кетаётсам, бир аёл у ёқдан-бу ёққа дод солганча йиғлаб, югурар эди. Билсам, тўққиз ёшли фарзанди сувга тушиб кетиб чўкаётган экан. Анҳор чуқур ва тез оқаётган бўлса-да, жонимни хатарга қўйиб, ўзимни сувга отдим ва болани қутқардим. Боласини бағрига босган она, хурсандлигидан ҳақимга кўп дуолар қилди, бу ҳақиқий мардлик эмасми? – деди.
– Баракалла ўғлим, катта жасорат кўрсатибсан. Бу улуғ савоб иш, сен ҳақиқий ботир йигитнинг ишини қилибсан, – деб мақтаб қўйди.
Навбат иккинчи ўғилга келди:
– Дўконимда савдо-сотиқ билан машғул эдим, нотаниш бир киши менга анчагина олтин-кумушни “сизга омонат” деб, ташлаб кетди. Исмини ҳам, манзилини ҳам айтмади. Орадан анча вақт ўтди. У одамдан дарак йўқ! Кунларнинг бирида дўконимга омонатнинг эгаси кириб келиб, ташлаб кетган омонатини сўради. Омонатнинг бир тийинига ҳам хиёнат қилмай, эгасига қайтариб бердим. Бу ишим мардлик эмасми? – деди.
– Ҳа, сен ҳам омонатдор, содиқ мўминнинг ишини қилибсан! Омонатни сақлаш ва унга хиёнат қилмаслик олижаноб иш, – деб ўртанча ўғлини алқади.
Навбат кенжа ўғилга етди:
– Менинг ашаддий душманим бор эди. Бир кун тонгда ёнбағирда айланиб юрсам, бир одам жарлик ёқасида ухлаб ётибди. Озгина ҳаракат қилса, жарга қулайди. Ёнига борсам, душманим! Итариб юборсам, ўлиши аниқ эди. Аммо унга ўлимни истамадим, уни уйғотиб, “Эҳтиёт бўл, жарга тушиб кетишинг мумкин!” деб ўлимдан сақлаб қолдим, – деди.
Ота кенжа ўғлини бағрига босиб:
– Болажоним, сен энг улуғ савоб ишни қилибсан! Душманингни ўлдиришга қодир бўла туриб, унга яхшилик қилиб, ўлимдан сақлаб қолибсан, бу – мард йигитнинг иши. Манави қимматбаҳо дур сенга, – деб ваъда қилинган мукофотни унга берди.
Ҳақиқий мард инсон душманига ҳам ёмонликни раво кўрмайди. Қўлидан келганича яхшилик қилади. Доно халқимизда “Яхшидан боғ, ёмондан доғ қолади», деб бежиз айтилмаган.
Азиз китобхон! Сиз кимларга яхшилик қилгансиз? Яхшиликнинг мукофоти яхшилик эканини биласизми?!
“Қасамини бузган қиз” китобидан
Ҳажга оид эслатмалар ва ҳаж тарихи
Зиёратчиларимиз Маккаи мукаррамада ибодатларини амалга оширар эканлар, бу ерда зиёратчиларимизга Макка шаҳри тарихи, ҳаж амали тарихи, унинг одоблари ва фазилатлари, ҳаж ибодатини адо этиш тартиби билан боғлиқ муҳим маълумотлар кундалик тарзда бериб борилмоқда.
Бугун ҳам зиёратчиларимиз учун Тошкент вилояти бош имом-хатиби Хайрулло Турматов томонидан ана шундай суҳбат ўтказилди. Ушбу суҳбат Макка шаҳрининг барпо бўлиш тарихи ва унинг ривожланиши, ҳаж амалининг тарихи ва унинг сирлари мавзусида бўлиб отди. Суҳбат давомида, Иброҳим алайҳиссаломнинг ҳаёти, Исмоил алайҳиссаломнинг дунёга келиши ва болалик даври, қурбонлик қилиш тарихи бевосита Исмоил алайҳиссалом билан боғлиқ экани, Сора онамиз ва Ҳожар онамиз ҳақларида ҳамда Каъбанинг қурилиши, зам-замнинг мўжизавий жиҳатлари борасида маълумотлар берилди. Кўплаб муҳим тарихий маълумотларга эга бўлган юртдошларимиз ташкилотчиларга ўз миннатдорчиликларини билдирдилар.
ziyo.uz
Вручаются праздничные подарки
7-8 августа Общественный благотворительный фонд «Вакф» совместно с Управлением мусульман Узбекистана с привлечением спонсоров провел благотворительную акцию.
Совместно с имам-хатибами Мирабадского, Сергелийского и Чиланзарского районов столицы в преддверии Курбан хайита вручены праздничные подарки более 280 семьям, потерявших кормильца, а также в которых имеются лица с ограниченными возможностями и больные.
Каждой семье было передано по 5 литров растительного масла, риса, сахара, чая и макарон.
Пресс-служба Управления мусульман Узбекистана