Ўзбекистон мусулмонлари идораси жамоаси диний идорада кўп йиллар ҳайдовчи вазифасида хизмат қилган Носир ака Халиловнинг вафоти муносабати билан марҳумнинг оила аъзолари ва яқинларига чуқур таъзия изҳор этади.

Аллоҳ таоло марҳумни Ўз мағфиратига олсин, имонларини саломат қилсин, солиҳ амалларини ўзларига ҳамроҳ этсин. Охиратларини обод этиб, жойларини Фирдавс жаннатларидан қилсин!

Аллоҳ таоло марҳумнинг барча солиҳ амалларини, дин пешволарига хизматларини ҳусни қабул айлаб, Ўз мағфиратига олсин, чеккан дардларини барча саҳву хатоларига каффорат қилиб, раҳматига чулғасин, қабрларини жаннат боғчаларидан қилиб, охиратларини обод айласин!

Ҳақ таоло марҳумнинг аҳли оиласи, фарзанду аржумандлари ва яқинларига чиройли сабр бериб, бу мусибатларини яхшиликлар ила тўлдирсин.

Иннаа лиллааҳи ва иннаа илайҳи рожиъуун.

Ўзбекистон мусулмонлари идораси Матбуот хизмати

Аввал хабар берганимиздек, муфтий Усмонхон Алимов ҳазратлари бошчиликларидаги бир гуруҳ уламолар Наманган вилоятига ташрифлари давом этмоқда.
Дин ишлари бўйича қўмита раисининг биринчи ўринбосари Музаффар Комилов ва Ислом цивилизацияси маркази масъул ходими Аброр Мухтор Алий ҳам Наманган вилоятининг Уйчи туманида бўлиб, туманнинг марказида жойлашган “Худойберди Эшон” ва “Машхад Мозор” масжидлар жамоалари, аҳли илмлар ва аҳоли вакиллари билан мулоқотлар ўтказдилар.
Тадбирда, инсоннинг қадрлаш, Ислом дини эса инсонни энг қадрлаган дин эканлиги, уламоларни ҳурмат қилиш, уларни эъзозлаш ва ҳимоя қилиш, қолаверса ҳозирги пайтдаги ижтимоий тармоқлардаги иллатлар, хатарлар ҳақида батафсил маърузалар бўлди. Жамоатни ва ундаги ёшларни қизиқтирган саволларга жавоб берилди. Суҳбатдан сўнг барча масжид аҳиллари ташриф ва суҳбатдан хурсандликларини ва ташаккурларини изҳор этишди.
Тадбирдан сўнг туман бозорларини, аҳоли аҳволлари билан танишишлик учун бозор, савдо марказлари ва кутубхоналарга ташриф буюришди.

****

15 июнь куни Имом Бухорий номидаги Тошкент ислом институти катта устози Муҳаммад Аюбхон домла Ҳомидов ва Тошкент шаҳар “Шайх Муҳаммад Содиқ Муҳаммад Юсуф” масжиди имом-хатиби Исмоил Муҳаммад Содиқ домлалар Наманган вилоятига сафарлари мобайнида, Тўрақўрғон тумани “Қочқор Ота” масжиди қавмлари, мўйсафид отахонлар, кенг аҳоли вакиллари ва меҳрга ташна инсонлар билан учрашдилар.
Ташрифда Имом Бухорий номидаги Тошкент ислом институти катта устози Муҳаммад Аюбхон домла Ҳомидов юртимиздаги олиб борилаётган ислоҳотлар, бу неъматларга шукрона қилишлик ҳақиқий мўмин инсоннинг сифатидан эканлигини таъкидладилар. Қолаверса, масжид аҳлини қизиқтирган саволларги батафсил жавоб бердилар, шундай қилиб масжид аҳли билан самимий суҳбатлашдилар.
Шунингдек, Тошкент шаҳар “Шайх Муҳаммадсодиқ Муҳаммад Юсуф” масжиди имом-хатиби Исмоил Муҳаммад Содиқ домла ҳам диний-маърифий ва илмлар соҳасидаги қилинаётган хайрли ишлар ва улкан янгиликлар ҳақида дилдан суҳбатлашдилар. Бугунги замоннинг муҳим масалалари бўйича, жумладан, ёшларнинг илм олишга ва китобга муҳаббат қўйишга рағбатлантириш ҳақида суҳбат қилиб бердилар.
Суҳбат якунида уламолар Ҳақ таолодан юртимизга тинчлик-офият, файзу барака ва тан-сиҳатлик сўраб дуолар қилдилар.
Уламоларнинг Наманган вилоятига сафари давом этмоқда.

Мусулмонлари идораси Матбуот хизмати

Уламоларниг Наманганга ташрифининг иккинчи куни ҳам ўзгача шукуҳ билан бошланди. Жумладан, Имом Бухорий номидаги Тошкент ислом институти катта устози Муҳаммад Аюбхон домла Ҳомидов ва Тошкент шаҳар “Шайх Муҳаммад Содиқ Муҳаммад Юсуф” масжиди имом-хатиби Исмоил Муҳаммад Содиқ домлалар бугун Тўрақўрғон тумани “Исвахон” жоме масжидига ташриф буюришди.

Бу ерда пешин намозини адо қилингач масжид қавмлари, мўйсафид отахонлар, кенг аҳоли вакиллари ва меҳрга ташна инсонлар билан учрашдилар.

Шунингдек, туманда фаолият олиб бораётган имом-хатиб ва имом-ноиблар билан учрашиб, соҳа ходимлари олдида турган вазифалар бўйича мулоқот ўтказишди. Суҳбат асносида устозлар ўз панду насиҳатлари ва ҳаётий тажрибалари билан ўртоқлашиб, имом домлаларни бундан шижоат ва ғайратли бўлишга чақирдилар.

Дастлаб, Имом Бухорий номидаги Тошкент ислом институти катта устози Муҳаммад Аюбхон домла Ҳомидов йиғилганларга юртимиздаги хайрли ишлар, бўлаётган ислоҳотлар, диний-маърифий соҳодаги нгиликлар ҳақида маълумот бериш билан бирга, бугунги куннинг долзаб мавзулари бўйича маъруза қилдилар, сўнг йиғилган қавмнинг саволларига жавоб бердилар. Мўмин-мусулмонлар ўзларини қийнаб келаётган саволларига мукаммал жавоблар олганларидан қониқиш ҳосил қилганлари ва миннатдорликларини изҳор қилдилар.

Шунингдек, Тошкент шаҳар “Шайх Муҳаммадсодиқ Муҳаммад Юсуф” масжиди имом-хатиби Исмоил Муҳаммад Содиқ домла ҳам диний-маърифий соҳада қилинаётган хайрли ишлар, диний таълим бўйича бўладиган хуш хабарлар ҳақида маълумот бериб зтилди, жумладан, ёшларнинг илм олишга қизиқтириш, уларга илм йўлида нима шароит бўлса давлатимиз томонидан ҳам халқимиз томонидан ҳам шароитларни яратиш бўйича маърузалар қилиб бердилар.

Суҳбат якунида уламолар Ҳақ таоло юртимизга тинчлик-офият, файзу барака ва тан-сиҳатлик сўраб дуолар қилдилар.

Ўзбекистон мусулмонлари идораси Матбуот хизмати

14 июнь куни Имом Бухорий номидаги Тошкент ислом институти катта устози Муҳаммад Аюбхон домла Ҳомидов ва Тошкент шаҳар “Шайх Муҳаммад Содиқ Муҳаммад Юсуф” масжиди имом-хатиби Исмоил Муҳаммад Содиқ домлалар Наманган вилоятига сафарлари мобайнида, Чуст тумани “Мавлоно Лутфуллоҳ” масжиди ва “Катта боғ” масжиди қавмлари, мўйсафид отахонлар, кенг аҳоли вакиллари ва меҳрга ташна инсонлар билан учрашдилар.

Дастлаб, Имом Бухорий номидаги Тошкент ислом институти катта устози Муҳаммад Аюбхон домла Ҳомидов ушбу тумандаги " Мавлоно Лутфуллоҳ " жоме масжиди жамоаси билан аср намозини ўқигач, йиғилганларга юртимиздаги хайрли ишлар ҳақида маълумот бериш билан бирга, бугунги куннинг долзаб мавзулари бўйича маъруза қилди, қавмнинг саволларига жавоб берди. Мўмин-мусулмонлар ўзларини қийнаб келаётган саволларига мукаммал жавоблар олганларидан қониқиш ҳосил қилганлари ва миннатдорликларини изҳор қилдилар.

Шунингдек, Тошкент шаҳар “Шайх Муҳаммадсодиқ Муҳаммад Юсуф” масжиди имом-хатиби Исмоил Муҳаммад Содиқ домла ҳам диний-маърифий соҳада қилинаётган хайрли ишлар, янгиликлар ҳақида маълумот бериб, бугунги замоннинг муҳим масалалари бўйича, жумладан, ёшларнинг илм олиши, китобга муҳаббат қўйиши, ўз касбининг устаси бўлиб етишишида илмнинг ўрни беқиёслиги тўғрисида маърузалар қилиб бердилар.

Суҳбат якунида уламолар Ҳақ таоло юртимизга тинчлик-офият, файзу барака ва тан-сиҳатлик сўраб дуолар қилдилар.

Муҳаммад Айюбхон домла Ҳомидов ҳамда Исмоил Муҳаммад Содиқ домлалар Чуст туманидаги эҳтиёжманд аҳоли вакиллари ҳолидан хабар олиб, уларга "Вақф" фондининг моддий ёрдам пули ва озиқ-овқат маҳсулотларини ва Ўзбекистон мусулмонлари идораси ҳузуридаги "Шамсуддинхон Бобохонов" нашриёт матбаа ижодиёт уйида чоп этилган китобларни ҳадя сифатида топширдилар, хайрли дуолар қилдилар.

***
Тошкент шаҳар “Камолиддин Ориф ал-Бухорий” масжиди имом-хатиби Закариё домла Хафизуллаев Чуст тумани "Иброҳим Ҳалилуллоҳ" жоме масжидида аср намозини ўқигач, йиғилганларга тинчлик ва шукроналик, юртимиздаги хайрли ишлар ҳақида маъруза қилди, қавмнинг саволларига жавоб бердилар.

Сўнг, тумандаги ижтимоий кўмакка мухтож, бемор бўлган оилаларга “Вақф” хайрия жамоат фонданинг Наманган вилояти филиали томонидан ижтимоий ҳимояга муҳтожлар, беморлар ҳолидан хабар олиниб, уларга озиқ-овқат жамланмаси, диний-маърифий китоблар ва эҳтиёжларига кўра маиший буюмлар тақдим этилиб борилмоқда.

Ўзбекистон мусулмонлари идораси Наманган вилоят вакиллиги Матбуот хизмати

Бугун “Ҳидоя” ўрта махсус ислом билим юртига Ўзбекистон Республикаси Президентининг жамоат ва диний ташкилотлар билан ҳамкорлик масалалари бўйича маслаҳатчиси Шоазим Миноваров ва Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита раиси Содиқ Тошбоевлар ташриф буюрдилар.

Ташриф давомида меҳмонларга Наманган вилояти ҳокимининг ўринбосари Жамолиддин Алойдинов ва билим юрти мудири Абдулазиз Бобамирзаевлар ҳамроҳлик қилдилар.

Ташриф чоғида меҳмонлар билим юртида талабаларнинг билим олишлари учун ташкил этилган шарт-шароитлар билан яқиндан танишди.

Ташриф давомида талабалар билан яқиндан суҳбат ўтказилди.

Ўзбекистон мусулмонлари идораси Матбуот хизмати